فتيس اتوماتيك النترا 2012 md
أنا كان عندي مشكله في الفتيس كانت مضايقاني جدا جدا وهي اني كنت بسمع صوت تكه لما اهدي بالعربيه واحيانا هبده بسيطه وكنت بفسرها ان الفتيس بينزل بالغيار من الاعلي للادني بدري عن المفروض وطبعا في التوكيل قالولي ان الفتيس مش مسجل اي اعطال علي الكمبيوتر. وطبعا سمعت كلام تاني زي الفتيس بدأ يبوظ وهيحتاج تغيير :120146b
المهم في مهندس في توكيل غبور شرم الشيخ قدر يفهم المشكله ونزل سوفت وير جديد للفتيس والمفاجأه ان العربيه رجعت زي الفل للسلاسه والنعومه في الغيرات المعتاده في الانترا :hornytoro: وكأنها رجعت جديده من غير اي اصوات ولا هبدات و متحسش نهاءي بالغيارات
الي انا عاوز اقوله من خلال التجربه دي ان ممكن مشاكل كتير يكون حلها سهل وبسيط بس محتاجه حد بيفهم لان كان ممكن بكل بساطه أدخل في دوامه فتيس جديد للعربيه!! ولو في مشكله انت حاسس بيها في العربيه متخليش حد يقنعك انها هيه كده لان كل حاجه ليها حل بس عدم الخبره والفتاكه بيبوظو حاجات كتير