الموضوع: المدام غضبانة..اعمل اية

يا جماعة هو خوفة ان لو راح يرجعها تاخد على كدا وكل شوية تغضب وانا اؤيدة فى الموضوع دا ممكن تاخد على كدااا

المشاركة الأصلية كتبت بواسطة hugan

المولود ولد وﻻ بنت
حضرتك بتقول تقريبا ولد
والمدام كانت بتقول برضع البنت
عامه
زوجتك معاها حق
واضح ان السيده والدتك تتدخل ازيد من اللازم في حياتك
اي زوجه محتاجه استقلاليه في حياتها

المولود ولد بس انا مكنتش مركز فى الكتابة

المشاركة الأصلية كتبت بواسطة micromoud

مشكلتك موجوده فى كل بيت يا سيدى الفاضل متزعلش

زوجتك من محافظة تانيه ورضيت تيجى تعيش معاك وتسيب اهلها
المفروض تحاولو تحسسوها انكوا اهلها ...
الوالدة طبعا مقامها محفوظ بلاش تخليهم يحتكوا ببعض كتير وياريت بلاش تبقى واصية عليها هى عندها والدتها برضه
روح صالح زوجتك وراضيها وخد بنتك وروح

والله حولت كتير ميحتكوش ببعض بس مفييش فايدة

خايف لو رحت اصلحها تسوء فيها

المشاركة الأصلية كتبت بواسطة graffittiii

يعني لقيت مراتك لمت هدومها وبتمشي ... روحت قايلها مع السلامة ؟؟

ياأخي حرام عليك بدل ماتمسك فيها وتقولها تمشي تروحي فين دا بيتك وإحنا منقدرش نستغني عنك وتاخدها في حضنك .

هي عملت إيه أصلا ولا غلطت في مين عشان تقولها مع السلامة !!!

واحدة نامت وهي بترضع إبنها اللي هو إبنك ...

ياعم قوم أعمل عشا ليك وليها وروح صحيها تاكل معاك .

صالح مراتك وراضيها بالله عليك عشان ربنا يباركلك

قولتلها راحه فين علت صوتها علي وقلتلى ماشية وانا مبحبش الصوت العالى قولتلها اقعدى مفيش مشيان فى حتة بردة علت صوتها قولتلها خلاص برحتك مع السلامة

المشاركة الأصلية كتبت بواسطة ayaamna

كل ده بيحصل فى كل البيوت بس بتختلف طريقة معالجة المشكله من فرد لفرد وعلى حسب ظروف كل واحد
حضرتك ان شاء الله تتصل بالمدام تراضيها لانها دلوقت ام ابنك ولان النبى صل الله عليه وسلم وصانا بالنساء خيرا واتفق معاها انها تقعد عند اهلها فتره تستريح فيها
وفى الفتره دى تراضى ولدتك وتبين لولدتك انها اهم من زوجتك وانك مش عايزها اعتقد والله اعلم بعد فتره والدتك هى اللى هاتطلب منك انك تجيبها
والاهم من دا كله صلى وادعى على قد ما تقدر وتوكل على الله فمن توكل على الله فهو حسبه

فعلا الوالدة طلبت امبارح اروح اجبها بس انا مرديتش خوفى كلة انها كل حاجة تغضب وتروح لاهلها تانى

المشاركة الأصلية كتبت بواسطة amr011111

يا افندم انت مغلطش فى مراتك فهى بتسيب البيت ليه. هل مطلوب من كل واحد راح يتجوو ولسه عارف مراته من شهر يبيع ابوه وامه اللى عارفهم من تلاتين سنه مثلا ورغم ذلك انت مغلطش فيها ومينفعش تزعل والدتك
لو حصل وروحت تجيب مراتك المره ديه يبقى تاكد انك كل شهرين تلاته هتروح مشوار البلد تجيبها. وتبقى كل شويه واخد السكه رايح جاى ده غير الكلام اللى هتسمعه من اهلها لان متزعلش منى هما هيبقوا عاوزين يعملوا منك صورة من ابوها انك تبقى ملكش رأى فى اى حاجه. انت متسألش فيها نهائى . لو ينفع والدك يتصل بابوها يقوله بنتك خرجت لوحدها وطلعت اسرار البيت بره وانا من بكره هجيب عروسه لابنى. انا مش بقولك الكلام ده بغرض خراب البيوت ولكن بغرض ان الزوجه ينصلح حالها لما تحس انها لما تخرج فرجعوها مش سهل وعلشان حياتك تستقيم بعد كده. وياريت تاخد براى المتزوجين فقط

خلصت كل الكلام الى بيدور جوايا وبفكر فية انها تسوء العوج بعدها لو روحت جبتها

المشاركة الأصلية كتبت بواسطة ESO101

ومش بس كدا .. مهما عمل .. مش هيعجب
أنا كنت مع المسايسة والتدليع .. لكن الوضع بيتحول بعد كدا لعبء
ورغبته في إرجاعها بحد ذاتها رغبة إيجابية .. والظاهر من كلامه إنها ( بتحاول )
ودي حاجة كويسة
لو عندك صبر وطاقة وهتعاملها كويس وهتستحمل عياط وعصبية وشكوى رجعها
لو هتعاملها وحش وهتفقد أعصابك يبقى خليها في بيت أهلها لحد ما ربنا يفرجها
بس مش معاك في حتة زعلك من أخدها لمصروف البيت .. دي مراتك
ومن حقها عليك تصرف عليها طوال فترة وجودها في بيت أهلها هيا وإبنك ولا بنتك
تصرف زي ماتكون عايشة معاك بالظبط ولو خلصت مصاريفهم تبعتلهم وتخليك على إتصال بقدر المستطاع

تمام معاك