هو ده الجواز في مصر للاسف
عرض للطباعة
هو ده الجواز في مصر للاسف
برضه شايف ان حضرتك سلبي مع طرفين المشكله
خد موقف حازم مع مراتك و والدتك
و مكنش يصح برضه اللي عملته مع زوجتك
تخيل لو ده محصلش ( دخلت الام المطبخ فوئجت ان مفيش اى اكل معمول غير شوية بطاطس لسة متقشرة وبتتسلق امال كل دا فى المطبخ بتعملى اية ولا فيي عيش اتسخن او اطباق اتحطت على صنية ولا بيض اتسلق وا اى حاااااااااااااجة راحت نادت عليها بصوت عالى انتى فين يا كذاا .. كل دا الاكل متعملش رديت عليها المدام كنت برضع البنت امى قلتلها نص ساعة بترضعى قلتلها بصوت يعتبر عالى وفية عجرفة انا مش هسيبها تعيط علشان اعمل اكل راحت امى بنفس النبرة قلتلها لاء سيبى جوزك يموت من الجوع )
تخيل لو الام سكتت وصحيت مراتك بالراحه وقامت كملت الاكل
تخيل لو الام قامت كملت الاكل واكلت انت وهيا بالهنا والشفا
تخيل لو انت اللي عملتلك لقمه تاكلها
تخيل لو نمت من غير ما تأكل حتي
تفتكر كان هيحصل المشكله دي ... حد فاهم حاجه ( بس خليكو مقسطين ارجوكم)
طبعا كل الناس هتقول بر الوالدين والوالده متتعوضش واللي مالوش خير في اهله والجنه تحت اقدام الأمهات الخ..............
انا عارف كل ده لكن الزوجه برضو ليها حقوق وبتعدي مواقف كتير(مش بدافع عن الزوجه هيا اكيد مش ملاك) يمكن الراجل بيحكي علي موقف معين حصلت بسببه المشكله لكن الحقيقة في تراكماااات كتير جوا الزوجه بسبب الام
المشكلة ان الام مش بتعاملها زي بنتها . دايما زوجه الابن دي الحرامية اللي سرقت ابنها منها .
من وجهه نظري المشكله دي ملهاش حل غير من عند ربنا . ربنا يصلحلك الاحوال
الواضح ان والدتك هي اللي بتغير جدا من زوجتك مش العكس
1. المألوف عرفا إن أول غضبة الزوجة هي اللي بترجع وباقي المرات على الزوج يروح يجيبها
2. مفيش مانع إن حضرتك تروح تجيبها اول مرة وتاني مرة وعشرين مرة كمان لحد ما تحس انها استحلت موضوع الغضبان واتعودت عليها وساعتها حضرتك حتسيبها مرة من غير ما تروح تجيبها حتى لو سبتها شهر او اتنين ولو عملت كده حتخليها تفكر مليون مرة قبل ما تغضب تاني ومفيش مانع انك تفهمها في المرة العشرين انها لو خرجت مش حتدخل تاني بدون حلفان او يمين طلاق
3. الشيطان بيفهمك انك لو روحت جبتها حتسوء فيها وبيفهمها هي كمان انها لو رجعت انت وامك حتسوءوا فيها
4. امك مش حتقبل منك نصيحة عشان تظبط علاقتها بزوجتك ومش حتقبلها غير من حمة زيها
5. حضرتك تكلم ابوها وتسلم عليه وتقوله ايه اخبار بنته وتسأله ينفع تروح تاخدها النهارده ولا تسيبها تستريح يومين وتروح تاخدها السبت ولا الاحد
6. امك هي اللي غلطانة وغيرانة جدا من زوجتك وده معتاد في بيوت كتير وحل المشكلة ده انك تزود جرعة الحب لامك وخصوصا قدام زوجتك وتجيب لامك هدايا عشان تفهمها انها اهم شخص في حياتك وتفهم زوجتك النقطة ده عشان متزعلش وتساعدك
7. زوجتك عليها عامل في النقطة السابقة وعلى سبيل المثال تروح لحماتها تقولها ياريت تقوليلي ازاي اعمل الاكلة الفلانية عشان عملتهاله مرة ومعجبتهوش وقالي ان امه بتعملها حلو اوي
كل البيوت كده واكتر من كده سايس امورك عشان تعرف تعيش لو وقفنا لبعض علي الواحده كل الستات هتغضب تاني يوم
الشباب قاموا بالواجب ............ انا مع رأى ان زوجتك مظلومة و و ان انت سلبى و سامحنى متدلع شوية
بس عايز اقولك على حاجة مهمة ...... فى رأيى اساس الموضوع ده
مراتك سابت البيت و مشيت و راحت عند اهلها عشان هى حاسه نتيجة تراكمات ان انت و والدتك فى فريق و هى و اهلها فى فريق تانى
والدتك بتنصرك و انت بتنصرها ......... فراحت هى كمان لأهلها عشان تلاقى حد ينصرها و يقف معاها و واضح ان حماتك قايمة بالواجب و زيادة فى النقطة ديه
الشعور ده شعور راسخ عند زوجتك حاليا .......... بدايته كونها من بلد تانية و عايشة لوحدها معاك بعيد عن اهلها
الشعور ده للأسف كل يوم بيزيد عند زوجتك من تصرفات والدتك و من سلبيتك ....... و انت ما اخدتش بالك من الشعور ده من اول الجواز و ماحولتش تضيعه من عند زوجتك
الشطارة هنا بقى .......... انك تعرف ازاى تلعب على الوتر ده عند زوجتك
تحسسها انك انت و هى اللى فريق و بقية الدنيا ديه بما فيهم اهلك و اهلها فريق تانى خالص
و ان ده بيتها هى و الباقى ضيوف ..... حتى لو انت من جواك مثلا بتقدم والدتك عليها ...... لازم تحسسها انها اغلى حاجة عندك
مشاكلكوا و حياتكوا انتوا بس اللى تحلوها و ماحدش تانى يعرف بيها و لا يحس .......... لان تدخل الأهل ساعات كتير بيبقى كارثى
ما تخربش بيتك ......... عندك طفل صغير .......... حرام يتربى بعيد عن ابوه و امه
اضحك على عقل الاتنين و حسسهم انك مبتفكرش غير فى كل واحده منهم
حضرتك متدلع شوية و من النوع اللي بيتقال عليه "ابن امه"
و زوجتك مش مكنة عشان تخدم و ترضع و تراعي عيل (جرب تراعي عيل شهرين لوحدك و وريني نفسك يا بطل) و كمان تستحمل سخافة الست والدتك اللي بتعاملها كانها خدامتكم
معلش كلامي سخيف و تقيل بس هو ده الحقيقة ..... والدتك و دلعها المرق ليك هيخربوا بيتك ان شاء الله تعالى