المولود ولد وﻻ بنت
حضرتك بتقول تقريبا ولد
والمدام كانت بتقول برضع البنت
عامه
زوجتك معاها حق
واضح ان السيده والدتك تتدخل ازيد من اللازم في حياتك
اي زوجه محتاجه استقلاليه في حياتها
رقم العضوية : 178418
تاريخ التسجيل : 11Aug2015
المشاركات : 8
النوع : ذكر
الاقامة : مصر
السيارة: 128
السيارة[2]: 128
الحالة :
انا عضو قديم معاكم بس انا عامل اكونت اى كلام احكى بية المشكلة الى اول مرة اتعرض ليها
المشكلة تكمن فى انى وحيد فالوالدة بتخاف عليا زيادة شوية
المدام بتغير من امى عليا دا الى انا اعتقدة
ملحوظة انا ساكن فى شقة غير شقة والدتى بس بينا وبين بعض خمس دقايق مشى
متجوز من اكتر من سنة ومخلف من شهرين تقريبا ولد
المدام من محافظة تانية وانا من القاهرة
المدام عصبية وصوتها بيعلى وبترد على ولدتى فى الكلام لو ولدتى وجهتلها كلام بطريقة الحموات الى انتو عرفنها مش بتسكت لا بترد . كانت فى بداية الجواز بتسكت بصراحة دلوقتى بقيت بترد وتبرريها ليا لما اجى اعاتبها انها بقيت بترد تقلى استحملت تلقيح كلام كتير وكنت بعتبرها زى امى بس هيا مش بتعبرنى بنتها وهيا فعلا امى كانت بترخم عليها كتير فى الكلام ..( الكلام الى بيتقال علية بالبلدى كلام يسد النفس)
والوالدة رخمة شوية معاها خاصة فى الامور الى تخصنى يعنى كل شوية الواد ضعفان مش بتاكلية كويس لية
اهتمى باكلى اللللللللللخ كلام من دا كتير كل شوية
.. دا بوجة عام
اخر حوار بقا والى حصل فية المشكلة واول مرة المدام تغضب ومحتاج رايكم
اول امبارح الوالدة عندى فى الشقة وانا مكنتش واكل والمدام قاعدة وكانو بيتفرجو على التلفزيون
شوية قولتلهم انا جعان دخلت المدام تحضر الاكل فضلت فى المطبخ تقريبا اكتر من 10 دقايق الولد عيط (ابنى الى لسة مولود ) فانا نديت امه ترضعه خدتو ودخلت جوة . نستنى ربع ساعة . نص ساعة المدام مطلعتش من الاوضة كنت انا بدات انام وانا بتعب لما اتعشى قبل ما انام على طول فامى اديقت . دخلت المطبخ فوئجت ان مفيش اى اكل معمول غير شوية بطاطس لسة متقشرة وبتتسلق امال كل دا فى المطبخ بتعملى اية ولا فيي عيش اتسخن او اطباق اتحطت على صنية ولا بيض اتسلق وا اى حاااااااااااااجة راحت نادت عليها بصوت عالى انتى فين يا كذاا .. كل دا الاكل متعملش رديت عليها المدام كنت برضع البنت امى قلتلها نص ساعة بترضعى قلتلها بصوت يعتبر عالى وفية عجرفة انا مش هسيبها تعيط علشان اعمل اكل راحت امى بنفس النبرة قلتلها لاء سيبى جوزك يموت من الجوع
(الى فهمتة ان المدام نامت وهيا بترضع الولد)
المهم المدام دخلت تعمل الاكل الى كانت امى بدات تخلصة . وهنا بدات المشكلة المدام راحت حطة الاكل وقلتلى الاكل جاهز ومعزمتش على امى انها تاكل وسبتنا ودخلت تنام
امى اديقت طبعا ومشيت مع ان الساعة كانت 1 بليل انا كنت تقريبا شبة نايم ومدروخ ومش مركز فى حاجة وكلت لقمتين ونمت
قومت الصبح وبردة كنت مدروخ ومش مركز ..على المدام لبسة وفاتحة الباب وماسكة شنطة هدومها وهدوم الولد. راحة فين انا مسافرة لاهلى روحت قيلها مع السلامة وقفلت الباب وراها
دلوقتى انا مش عارف اعمل اية ولا مين الغلط ولا مين الصح حاسس ان كل حاجة متلخبطة
المدام عملت حركة بنت كلب خدت مصروف البيت لانى بسيبة معاها الحركة دى حرقانى اوى
امى شغالة تسخين فيا .. ولا تعبرها سيبها خليها تخدم اهلها وتتبهدل تعرف ان الله حق علشان لو حد رحلها يجبها هتسوق فيها
الاقارب الى عرفو متصلين بيا يقولولى حول تكلمها . كلمتها قلتلى لما احسن ان فية راجل بيدافع عنى قدام امة ابقى ارجع روحت قافل السكة فى وشها
والدى عايز يسافر يجبها يوم الخميس وانا رافض
.. ملحوظة انا شخصيتى هادية جدا ومبحبش الصوت الكتير ولا العالى ولا الكلام الكتير وبيتقال عليا احيانا بارد شوية وتقيل زيادة عن اللزوم
. فمش عارف اعمل اية بالظبط
نصحييتكم اعمل اية لانى دى اول مرة وبقلها كدا غضبانة 4 ايام
تحصلى مشكلة زى دى
اة صحيح حماتى سواء بنتها غلطانة مش غلطانة هيا بتدافع عنها باستماتة فى اى مشكلة ومش بتطلع بنتها غلطانة تماما وبردة بتعلى صوتها لو حد كلمها فى ان بنتها غلطانة ودا ظهر من كام مشكلة حصلت ايام الخطوبة بردة كانت بنتها بتتعصب وتعلى صوتها اشتكلها من بنتها متجبش العيب عليها بردة وحمايا الحمد لله بيشمى ورا مراتة يعنى على الاققل قولت حمايا المفروض يتصل يقول اى حاجة زعلت البنت لية او اية الى حصل المفروض انة راجل يتصل يحل المشلكة ولا عبر فانا طبعا توقعت ان الهانم حماتى قلتلها ولا تعبريهم وقالت لجوزها نفس الكلام
[COLOR="Red"]تم وقف العضويه نهائيا وذلك لمخالفه القاعده رقم (10) من قواعد المنتدى والخاصه بمنع تعدد العضويات
م.ع 5
15-08-2015
2:51AM
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
المولود ولد وﻻ بنت
حضرتك بتقول تقريبا ولد
والمدام كانت بتقول برضع البنت
عامه
زوجتك معاها حق
واضح ان السيده والدتك تتدخل ازيد من اللازم في حياتك
اي زوجه محتاجه استقلاليه في حياتها
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 53526
تاريخ التسجيل : 21Nov2009
المشاركات : 1,215
النوع : ذكر
الاقامة : cairo
السيارة: brava
السيارة[2]: opel
دراجة بخارية: لا يوجد
الحالة :
اللي غلطان في الموضوع ده هو حضرتك
حضر اكلك بنفسك في الظروف دية
مش لازم زوجتك او والدتك
تحياتي وربنا يصلح الحال
رقم العضوية : 35609
تاريخ التسجيل : 15Mar2009
المشاركات : 986
النوع : ذكر
الاقامة : Giza
السيارة: Hyundai Verna
السيارة[2]: Suzuki Maruti
دراجة بخارية: N/A
الحالة :
مشكلتك موجوده فى كل بيت يا سيدى الفاضل متزعلش
زوجتك من محافظة تانيه ورضيت تيجى تعيش معاك وتسيب اهلها
المفروض تحاولو تحسسوها انكوا اهلها ...
الوالدة طبعا مقامها محفوظ بلاش تخليهم يحتكوا ببعض كتير وياريت بلاش تبقى واصية عليها هى عندها والدتها برضه
روح صالح زوجتك وراضيها وخد بنتك وروح
رقم العضوية : 97030
تاريخ التسجيل : 30Apr2011
المشاركات : 1,345
النوع : ذكر
الاقامة : Tanta
السيارة: isa
السيارة[2]: punto
دراجة بخارية: Not interested
الحالة :
يعني لقيت مراتك لمت هدومها وبتمشي ... روحت قايلها مع السلامة ؟؟
ياأخي حرام عليك بدل ماتمسك فيها وتقولها تمشي تروحي فين دا بيتك وإحنا منقدرش نستغني عنك وتاخدها في حضنك .
هي عملت إيه أصلا ولا غلطت في مين عشان تقولها مع السلامة !!!
واحدة نامت وهي بترضع إبنها اللي هو إبنك ...
ياعم قوم أعمل عشا ليك وليها وروح صحيها تاكل معاك .
صالح مراتك وراضيها بالله عليك عشان ربنا يباركلك
[all1=#88ff00][OVERLINE](((سبحان الله وبحمده .... سبحان الله العظيم )))[/OVERLINE][/all1]
رقم العضوية : 107011
تاريخ التسجيل : 08Jul2011
المشاركات : 169
النوع : ذكر
الاقامة : giza
السيارة: polonez 89
السيارة[2]: Jeep Wrangler 84
الحالة :
كل ده بيحصل فى كل البيوت بس بتختلف طريقة معالجة المشكله من فرد لفرد وعلى حسب ظروف كل واحد
حضرتك ان شاء الله تتصل بالمدام تراضيها لانها دلوقت ام ابنك ولان النبى صل الله عليه وسلم وصانا بالنساء خيرا واتفق معاها انها تقعد عند اهلها فتره تستريح فيها
وفى الفتره دى تراضى ولدتك وتبين لولدتك انها اهم من زوجتك وانك مش عايزها اعتقد والله اعلم بعد فتره والدتك هى اللى هاتطلب منك انك تجيبها
والاهم من دا كله صلى وادعى على قد ما تقدر وتوكل على الله فمن توكل على الله فهو حسبه
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
يا افندم انت مغلطش فى مراتك فهى بتسيب البيت ليه. هل مطلوب من كل واحد راح يتجوو ولسه عارف مراته من شهر يبيع ابوه وامه اللى عارفهم من تلاتين سنه مثلا ورغم ذلك انت مغلطش فيها ومينفعش تزعل والدتك
لو حصل وروحت تجيب مراتك المره ديه يبقى تاكد انك كل شهرين تلاته هتروح مشوار البلد تجيبها. وتبقى كل شويه واخد السكه رايح جاى ده غير الكلام اللى هتسمعه من اهلها لان متزعلش منى هما هيبقوا عاوزين يعملوا منك صورة من ابوها انك تبقى ملكش رأى فى اى حاجه. انت متسألش فيها نهائى . لو ينفع والدك يتصل بابوها يقوله بنتك خرجت لوحدها وطلعت اسرار البيت بره وانا من بكره هجيب عروسه لابنى. انا مش بقولك الكلام ده بغرض خراب البيوت ولكن بغرض ان الزوجه ينصلح حالها لما تحس انها لما تخرج فرجعوها مش سهل وعلشان حياتك تستقيم بعد كده. وياريت تاخد براى المتزوجين فقط
لا اله إلا الله محمدُ رسول الله
رقم العضوية : 141393
تاريخ التسجيل : 22Apr2013
المشاركات : 761
النوع : ذكر
الاقامة : الخبر
السيارة: Cadillac Escalade 2006
السيارة[2]: Sequoia 2016 & chrysler 300 2015
الحالة :
ومش بس كدا .. مهما عمل .. مش هيعجب
أنا كنت مع المسايسة والتدليع .. لكن الوضع بيتحول بعد كدا لعبء
ورغبته في إرجاعها بحد ذاتها رغبة إيجابية .. والظاهر من كلامه إنها ( بتحاول )
ودي حاجة كويسة
لو عندك صبر وطاقة وهتعاملها كويس وهتستحمل عياط وعصبية وشكوى رجعها
لو هتعاملها وحش وهتفقد أعصابك يبقى خليها في بيت أهلها لحد ما ربنا يفرجها
بس مش معاك في حتة زعلك من أخدها لمصروف البيت .. دي مراتك
ومن حقها عليك تصرف عليها طوال فترة وجودها في بيت أهلها هيا وإبنك ولا بنتك
تصرف زي ماتكون عايشة معاك بالظبط ولو خلصت مصاريفهم تبعتلهم وتخليك على إتصال بقدر المستطاع
..........
رقم العضوية : 155399
تاريخ التسجيل : 31Jan2014
المشاركات : 289
النوع : ذكر
الاقامة : Tanta
السيارة: ..........
السيارة[2]: لادا جرانتا
الحالة :
اسلم حل في الحالات المستعصية دي هي الفصل بين القوات .. حاول بكل جهدك انهم ما يجتمعوش مع بعض وانت وخيالك
يعني كتر من زياراتك للوالدة بدل ما هى تيجي تزورك .. حاول تخرج مراتك وتتفسحوا وتغيروا جو شوية كسرا للملل والروتين
المهم بلاش يتقابلوا في مكان مغلق كتير
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
هي فين المشكلة؟
أنا شايف اللي حصل ده بيحصل أكثر منه كل يوم في كل بيت
الغلطان هو سيادتك
ازاي تسيب مراتك تمشي وهي من محافظة تانية؟
كان المفروض تراضيها وتقول لها معلش دي والدتي ولازم نستحملها وهي مش عايشة معانا
لو كانت أختك كنت تسيبها كده تمشي زعلانة وتقول لها مع السلامة؟
اتق الله في بنات الناس دي أمانة عندك ، وكفاية انها سابت بلدها وعاشت معاك في محافظة تانية
روح هات مراتك وراضيها بكلمتين ، وما تبقاش انت وامك عليها
ملحوظة ......... مش عارف سبب التناقض مرة تقول ولد ..... ومرة تقول بنت
وداعا
المفضلات