يعنى ايه ضابط مراقبة جوية؟
فى اعلان تبع وزارة الطيران المدنى انهم محتاجين ناس زى دى، بس كاتبين مؤهل عالى مناسب وان الخبرة مفضلة بس مش مطلوبة قوى.
هل انا كمهندس عمارة اقدر اقدم فى الكلام ده؟؟
عرض للطباعة
يعنى ايه ضابط مراقبة جوية؟
فى اعلان تبع وزارة الطيران المدنى انهم محتاجين ناس زى دى، بس كاتبين مؤهل عالى مناسب وان الخبرة مفضلة بس مش مطلوبة قوى.
هل انا كمهندس عمارة اقدر اقدم فى الكلام ده؟؟
واضح من اﻻعلان
انه تفصيل لشخص او اشخاص بعينهم
ده الراجل الطيب اللي بيقعد في برج مراقبه الطيارات في المطار و مهمته تسهيل طلوع و نزول الطائرات خسب نظام معين و كذلك البراكينج
وظيفه محترمه قدم و هما هايدربزك - انا اعرف ب تجاره شغال هناك زي الفل
دي شغلاتة فؤاد المهندس في فيلم مطاردة غرامية لما كان بيقول:
كايرو تاور .... كايرو تاور ..........حول ، وكان عنده نظرية ان سر جمال المرأة في جزمتها
لازم تجهز الكوسة قبل تقديم الاوراق
قدم وتوكل على الله اعرف ناس شغاله فيها وبدون واسطه
النصيحه الاخرى الوظيفه ديه لا تليق بك كمهندس معمارى لو اشتغلت فى مجالك هيبقى افضل كثيرا
هى الناس اللي ردت دي ردت بناء على ايه
انا ليا موضوع كنت بسأل فيه عن كورس المراقبه الجويه وليا واحد صاحبي شغال مراقب جوي بقاله اكتر من ٥ سنين
ومعلش مستواه المادي والوظيفي احسن من اي مهندس وبرستيج وكل حاجه
الكورس مدته ١٨ شهر ب ١٦٠ الف جنيه ، على حد علمي مبياخدوش دُفعات جديده لسه ، الدفعه عددها قليل جداً
بتتخرج وبتستنى التعيين ، تبع الشركه الوطنيه للملاحه
محتاج دراسة و مؤهل .. حسب علمي بأن التخصص ده يتم تدريسه بالاكاديمية المصرية لعلوم الطيران .. و دي اكاديمية حكومية بمصروفات .
الأكاديمية المصرية لعلوم الطيران
https://ar.wikipedia.org/wiki/%D8%A7...B1%D8%A7%D9%86
ياريت يا جماعة اللى يرد على استفسار حد من الزملاء يبقى بعلم
كلام ميشو سليم بس معرفش قيمة مصاريف الدراسة اد ايه. هو مش كورس على حد علمى دى بتبقى دراسة فى معهد تابع لوزارة الطيران المدنى.
مرتب ووضع اجتماعى حاجة كدة ماشاء الله.
والله أعلم.
الدراسه بتبقى في اكادمية مصر لعلوم الطيران ، وهناك كلية الطيران وكلية المراقبه الجويه
مكانها على طريق الواحات بعد اكتوبر بحوالي ٢٠ او ٣٠ كم تقريباً
مشكلتها بالنسبه ليا كانت السن خصوصاً ان وارد جداً تتخرج وتستنى كتير على ما تتعين
بس الوضع المادي والوظيفي يستاهل المجازفه بصراحة
وللعلم مهنة المراقب الجوي من ضمن اهم واخطر المهن في العالم