السلام عليكم هل ينفع تركيب فتيس اتوماتيك لل ابيزا موديلات من 98 الى 2002 وهل لو عايز اركب الفتيس ده لازم اغير الموتور وياترى سعره كام لوحده وكام مع الموتور طيب لو ينفع من غير ما اغير الموتور انهى موديل موتور الى ينفع والى هو كام سى سى ملحوظه انا عارف انى موديل 98 غير موديل 200/2002
وجزاكم الله خيرا ... ويارب الى يرد على سؤالى بجواب شافى يتجوز ولو متجوز يتجوز التانيه والثالثه كمان:allo::049:
صعب انك تعدل وتركب فتيس اوتوماتك فى اى عربيه علشان ربط كومبيوتر الفتيس بكومبيوتر العربية والحساسات محتاج فنيين مش عندنا الأفضل تغير وتجيب عربيه فبريكه اوتوماتيك !!
الاصح فعلا و الافضل انك تشتري العربية نفسها فبريكة اوتوماتيك و ده متوفر فقط في موديلات ابيزا و كوردوبا من 2005 حتي الان .... ما قبله لم يكن متوفرا في مصر لكن خارج مصر يوجد
اما عربيتك الحالية و فلو اردت تركيب اوتوماتيك فلابد من تغيير أشياء كثيرة بداية من محرك بفتيس اوتو بالكنترولات بالضفاير الكهرباء بالعدادات بضفيرتها بالعصاية الاوتوماتيك بأجزائها و ضفيرتها بالدواسات الأوتوماتيك بضفيرتهم ان كانت دواسة كهرباء .... دي تقريبا كل الحاجات اللي هتحتاجها و يضاف اليها طقم تبريد كامل بوصلاته لأن فيه تبريد لزيت الاوتوماتيك ....
الموضوع قصة مش سهلة و لكن لو حابب تصرف و تضمن المحرك و قطع الغيار اللي هتنقلها لعربيتك و تضمن ورشة محترمه و فنيين محترمين بيفهموا في فولكس يبقي توكل علي الله
انا شخصيا فكرت في القصة دي لعربيتي الكوردوبا 2002 و لو هعمله هنزل بورسعيد او هبعت لحد بره مصر يجبلي عربية زي بتاعتي بالضبط نصفين بالمواصفات اللي انا عاوزها و افضيها في عربيتي ... و ده الحل الصح
جزاك الله خيرا ياباش مهندس