عايز اطلع شهادة ميلاد باسرع طريقة لان مكتب الصحة بياخد وقت على ما يبعت الشهادات القديمة للاحوال المدنية وكمان على ما تتسجل كمبيوتر
عرض للطباعة
عايز اطلع شهادة ميلاد باسرع طريقة لان مكتب الصحة بياخد وقت على ما يبعت الشهادات القديمة للاحوال المدنية وكمان على ما تتسجل كمبيوتر
بتروح السجل المدنى بتطلع ليك وانت واقف. ومش شرط السجل اللى انت تابع ليه
اى سجل مدنى
ليك ولا لطفل لسه مولود؟
لو ليك يبقى زى الاخ مقالك
لو طفل لسه مولود فيها شوية وقت على ما يتسجل على السيستم و يطلعله شهاده ممكينه
مولود جديد
انا قدام الاحوال المدنية في العباسية بس طوابير كنت بقول اجرب اسال هنا الاول
فيه اقتراحات؟
انا فاكر ان كان ليها طريقه كده بتروح انت مكتب التسجيل بنفسك وتخليهم يسجلوه كمبيوتر وبتاخد معاك طابع اسره ويتسجل فورى
الطوابير والزحام فى كل السجلات المدنية
طوابيررررررر عشان مكاتب التموين صحيت فجأة ...وطلبت من كل المتسجلين فى بطايق التموين يجيبوا صور شهادات ميلاد ....طبعا طبيعة الشعب المصرى كلة بيشتغل على اخر وقت .....راحت الناس هاجمة على السجلات المدنية وطوابيررررررر عشان يطلعوا الشهادات ....علما بأن الشهادة دة كانت بتطلع برنت فى 3 دقايق ,,,,,لكن لازم الشعب يدوخ السبع دوووخات وكمان فى عز الحر والناس تتفلق ويتعذبوا فى الشمس .....انا كنت عايز اجدد بطاقة الرقم القومى لقيت الموضوع كدة ....قلت مش مجددها ....كمان شهر ولا اتنين تكون الدنيا هديت .....لكن المضطر ربنا يكون فى عونة.......شعب وحكومة بدون تخطيط
مكاتب فورى بتطلعهالك وتستلمها فى تانى يوم
ممكن تجددها اونلايناقتباس:
المشاركة الأصلية كتبت بواسطة Ah.Farid
هو قصدة لمولد مش شخص مسجل مسبقاً ...اكيد كل الناس عارفه انها تقدر تطلعها فوري من اي سجل لاي شخص ..بس هو عندة مولود لسة اصلا متعملوش شهادة
شكرا لكل الردود
للأسف ملقتش حل ومنتظر الروتين..سجلت في مكتب الصحة ومكتب الصحة بيبعت للسجل المدني لنفس القسم عن طريق مندوب بييجي يوم واحد بس في الإسبوع
ومن ثم مندوب أخر يوم واحد بس في الإسبوع ياخد الشهادات كلها من السجل المدني للأحوال المدنية في العباسية
ساعتها أنا أقدر أروح العباسية أقدم الشهادة عشان يسرعوا بالتسجيل كمبيوتر وأروح أطلع الشهادة المميكنة من السجل المدني تاني
على فكرة لو مستعجل ...خد منهم رقم المندوب وكلمه واديلو اي مبلغ وهيجيلك مخصوص ...في حاجات كنت بعملها بنفس الطريقة دي عشان بكون مستعجل ...