الموضوع: ثقافه الوفره وثقافه الندره

المشاركة الأصلية كتبت بواسطة ahmedmiy

الحمد لله والصلاة والسلام على رسول الله نبينا محمد خير خلق الله

أولا شكر وتقدير للموضوع الجميل وكل من شارك فيه

سلام عليك يا محمود ورحمة الله وتحيه ليك على المشاركة الجميلة ديه واسمحلي أخد من معناها وأضيف من فضل الله
إن مع نهاية تحليلك يبدأ باب اليقين وباب الرضا
اليقيين أن الانسان يبذل كل ما يستطيع وهو يعلم علم اليقين ان الله لن ييضيعه أبدا أو يضيع مجهود تم باخلاص من أجل حياة كريمة طيبة يرضي الله عنها
هو ده الاختبار الحقيقي انك ممكن تبذل كل ما تستطيع ولا تجد ما كنت تأمل ولكن القول .... أن الله ما يمنع عن عبد له عز وجل إلا ليعطيه ،، وفى الحياة دائما بتلاقي دليل على كده مثلا يحصل حاجة النهاردة وتكون زعلان منها جداجدا وغضبان وبعد مثلا عشر سنين أو أكثر حياتك تتغير ولما تفكر تعرف ان الحاجة الى كنت زعلان منها إذا ما كنتش حصلت مكنتش دلوقتى مريت على حاجة سعيدة غيرت حياتك بشكل كبير أو جذرى ..

ومن المعروف والمعلوم بالواقع ان وفرة الفلوس هى سبب رئيسي فى إفساد اى حد تخيل مثلا معاك دلوقتى عشرة مليون حتعمل ايه وخصوصا اذا كانت أغلب الحاجات حواليك لا يرضي عنها الله ابدا شهوات أكل وشرب وزواج وعربيات ودش وانترنت وموبايل وغيره وغيره وكل ماتكون الشهوة المُقدمة كبيرة من حيث نتيجتها السيئة تلاقى ان سعرها ارخص من غيرها وكل الشهوات ديه مش احنا الى اخترعناها ولا عملنها وبعد ما اصبحنا عايزنها بشدة روحنا كمان جايين على الحاجات الاساسية للانسان الحاجات الحلال الى مش بتشد الى الحرام زى السكن والزواج والاكل والشرب وبدأنا نفتى فيها او نتعامل فيها بالغش والنصب وتقليب بعض فيها علشان نقدر نحصل الشهوات التانية والدايرة خدتنا يعنى غيرنا طبيعة الحياة من دمغنا وبجهل مننا فكانت النتيجة مشكلتك ومشكلتى ومشكلة كل الناس اننا مش بنعمل حاجة وعايزين كل حاجة

باب الرضا هو ان تتفهم باب اليقين جيدا
وأعظم حاجة ممكن تحصل لاى حد على الاطلاق ان الله عز وجل يرضي عنه وده معناه الفوز بكل شئ بس ده محدش يقدر يعرفه هل حصل ام لا ...أن الله رضي عنك ...اذا عمل واجتهاد بيقين ثابت

تقدير ومودة لك يا محمود يا حبيبنا إن شاء الله تكون من السعداء فى الدنيا والأخرة

سبحان الله العظيم وبحمده
سبحان الله وبحمده سبحان الله العظيم

استاذي الفاضل أهلا بيك ...
دايما بحب ردودك على فكرة .... هي مش ردود مثالية بقدر ما هي طالعة من شخص يعتبر مثالي
يعني سبحان الله بظروفك دي وعندك قناعة ورضا عاليين جدا
ربنا يثبتك دايما

وعامة يعني أنا برضه خايف لتكون لما شفتني كتبت بوست بستفسر فيه عن أمور ف الرزق والقدر اني مضحوك عليا أو مغيب !!
أنا الحمد لله حافظ القرآن وواخد جوايز على مستوى جامعتي ف الأحاديث ومن أسرة ملتزمة ومتفقه أوي في ديني
بس هي بتكون فترات أعتقد بتيجي لكتير بتبقى فيها الأمور متلخبطة والظروف بتجبره على التفكير ده
وسبحان الله يعني ممكن أخلص موضوع زي ده كتابة وبعدها أقوم أصلي وأمارس حياتي طبيعي جدا
فمتقلقش خالص عليا

أما بالنسبة لإن الفلوس مش كويسة فأنا ليا رأي مختلف شوية
الفلوس مش سيئة أبدا بس التفكير السئ هو اللي ممكن يوجهها غلط
يعني في ناس معاها كتير وبتتبرع بيه فى سبل كتير كويسة لخدمة الدين والفقراء
الرسول لما الصحابة قالوله ذهب أهل الدثور بالأجور مقالهمش المال نقمة مثلا أو كونهم أغنية دي حاجة مش كويسة
بس دلهم على طريق ممكن منه يوصلوا لأجور عالية من الحسنات
برضه الثراء الفاحش جدا غالبا بيكون اختبار من ربنا وبرضه المرض اختبار من ربنا بس الاختبار التاني أصعب من الأول خصوصا لو جالك وانت ممعكش !

التعميم فى الحالة دي غير موفق في رأيي فأغلبنا يمتلك نفس العقل بنفس الحجم والظروف المحيطة ولكن تتغير التصرفات تبعا للفكر والإيمان وليس الظروف المحيطة