سؤال للخبراء كيف اغير الكاوتش لمقاس اكبر؟
كنت عملت مشاركة قبل كده علي ان عربيتي اكسنت اربي عاوزها متوطاش في الحمولة وده كان الموضوع
http://www.nilemotors.net/Nile/438344-a.html
وخلاصة الموضوع السابق ان
العربيه عليت يا ساده والحمد لله
طبعا مقدرش اعدي مطب عادي كده لازم اهدي جدا زي ما كنت متعود لكن مفيش خبط والحمد لله
التكلفة بسيطة جدا
العيوب
كان نفسي لو فرملت في المعقول وكان معايا حموله وكلت مطب الناعم كده يعني ميخبطش
اللي ورا في أي مطب هوائي(جزء منخفض في الطريق يخلي العربيه تنط من مكانها) بيتشال وينزل
كأني نشفت العفشه شويه بس ارحم بكتير من الاول
التقييم النهائي :
نسبه التحسن 55 % عن الاول
الثقه في العربيه اثناء الحموله 70 % بدلا من 25%
بس بالنسبة لي الموضوع مكنش خلص
المهم سؤالي دلوقتي اغير الكاوتش بتاعي من 175/70R14إلي ايه ؟
وخصوصا اني مش عاوز اغير الجنوط ونفسي تعلي علي الأقل 5سم
لخبراء الكاوتش أيه رأيكو؟؟
