تقييم اللوجان بعد 4500 كم
أولا : أحب أقول ان العربية الحمد لله فى المجمل بتاعها هى ممتازة ولكن فى شوية حاجات هى صغيرة بس مدايئانى وهى * صوت الموتور بئا فيه زنة شويه ( عالى شويه )* بحس ان فى طقطقة أو تزيئة فى العفش بتاع العربيه ( وده بسيط أوى يعنى بيظهر بس لما بكون ماشى فى مكان هادئ اوى وبكون مركز أوى عشان اسمعه هى الصراحة حاجة بسيطة تكاد تكون لا تذكر )*الفتيس فى النقلة الاولى والتانية ساعات بيكون تقيل شويه مع انى بكون دايس الدبرياج على الاخر.*اخر مرة فولت بنزين فيها من بعدها العداد بتاع البنزين مشتغلش من ساعتها وهو واقف على اعلى مستوى مش راضى ينزل مهما مشيت بيها كتير (( لو حد يعرف ايه سببه او حل الموضوع ايه يا ريت يقولى ))بس غير كدا العربية ممتازة وواسعة وشنطتها واسعة والباور بتاعها ناعم وثباتها كويس مع السرعة اخر مرة كنت مسافر بيها كانت السرعة عديت ال 160 كم / ساعة وكان الثبات العربية كويس جدا مكنتش حاسس انى ماشى على السرعة دى غير لما بصيت على العداد وبالنسبة لأدائها بشكل عام مقارنة بسعرها وفئتها فهى كويسة جدا
