تجربتي مع امجراند وتوكيل غبور (منه لله)
اول مشاركة ليا في المنتدي
الصراحه حبيت اتكلم شويه عن جيلي امجراند ٧
اشتريت العربيه في اخر 2013
اشتريتها قبل نزول الموديل الجديد 2014 ب اسبوع
العربيه بصراحه شددتني
لاني كنت نازل ع البريليانس في فايف
وكنت بفكر في السيراتو و الالنترا بس السعر والامكانيات كانوا في الجيلي تحفه
وخصوصا شنطه الجيلي اللي كانت تحسسك انها شنطه استيشن مش سيدان
بعد فتره لما دخلت ع جروبات الفيس عرفت ان العربيه عليها مشاكل وبلاوي وكنت مستغرب
اللي خلاني اسيب البريليانس التوكيل
لاني لما سمعت ان غبور معاه العربيه اطمنت من ناحيه واحده بس (انه مش هياخد العربيه سنتين وبعد كده يقفل توكيلها وابقا اشرب انت العربيه بقطع غيارها)
....
حياتي مقسومه بين طنطا ومطروح تخيل المسافه دي
وانا من النوع اللي لما بسافر باخد معايا ٣ شنط و وكولمان كبير فيه الحاجات المجمده بتاعتي
وكولمان صغير دي الاساسيات دا غير بقا باقي الحاجات العربيه فعليا بتبقا ع الارض دا غير اللي بيركبوا في العربيه ورا تلاته او اتنين
...
سافرت بالعربيه اول مره اخويا ساقها قفل بيها العداد لغايه ٢٠٠ وطلعت عليه فجاه النترا من العدم
والعربيه لمت نفسها الكلام دا قبل اصيانه ١٠٠٠(العربيه كانت متلينه مش محتاجه)
العربيه كلت بيها نقر ع الطريق الدولي اللي رغم اني حافظه بس دايما بيفاجأني