الخيانه الزوجيه ارجو الحل

**مُصْطٓفٓى** · 13-08-2015 05:06 PM

الاعضاء اللي بتقول انه يشهد ابوها واخوها ويتفقوا مع بعض ويطبوا عليها وهي متلبسة
حضراتكم متخيلين ان ابوها واخوها حيقولوا حاضر ويسكتوا لحد ما الخطة تنجح
اولا حيمسكوا في خناقه جوزها وحيتهموه انه بيتبلى على بنتهم
وبعدها بدقيقة حيتصلوا ببنتهم ويحكولها على اللى حصل ويطلبوا منها انها تلم نفسها شوية اليومين دوله عشان جوزها واخد باله
ولو فيهم ذرة احترام حيبهدلوها لكن بعيد عن جوزها
ولو قلتلهم محصلش وجوزها بيكذب حيصدقوها
عشان بنتهم تطلع بالشقة وبكل حاجة ومش بعيد يعملوا محضر لجوزها انه بيتهمها في شرفها من غير دليل

اهلها هما سبب اللي هي فيه دلوقتي من قلة الدين والاخلاق

وحتى لو صورها مع اي حد في مكان عام فتقريبا ده مش دليل ادانة
وتسجيل المكالمات تقريبا لا يعتد به الا بإذن من النيابة

هو غلط في اختيار الزوجة
وغلط في انه كتبلها الشقة

اولا يحمد ربنا ان مفيش عيال بينهم
ثانيا يعجل في موضوع الطلاق
ثالثا ينتقى زوجة على خلق لانه تقريبا اهتم بالجمال اكثر من الاخلاق
زوجته الجديدة بإذن الله حتنسيه القديمة وحتنسيها الشقة
رابعا ينسى تماما اللي حصل وينسى سبب الطلاق واللي يسأله يقوله مفيش توافق فكرى او اي سبب اخر

اظن انه معندهوش حلول تانية عقلانية
لان ممكن خناقة واحدة بينهم في بيته يقوم يقتلها

**مُصْطٓفٓى** · 13-08-2015 05:14 PM

نسيت اقول ان نقل ملكية الشقة تقريبا ملهوش علاقة بالكلام ده كله
يعني لو جاب الشرطة ودخلوا عليها وهي في وضع مخل
الشقة تفضل شقتها ولا تنتقل ملكيتها مرة اخرى لزوجها
واحتمال الكلام ده يسرى على القايمة كمان

**wawamoha** · 13-08-2015 05:37 PM

يا اخي صاحبك ده يسجد و يركع 10 ساعات كل يوم حمددا لله عل نعمه:
1- ربما تكون الخساره الماديه - عقابا على ذنب في الدنيا.
2- انه لا يوجد اولاد 0 فربما لو كان فيه اولاد كان هايعيش طول عمره يشك فيهم .
3- انه اكتشف ده بدري...

يطلقها من سكات و يستعوض ربنا - شغل اخد الحق و البلطجه ده اخرته سوده و عن تجربه ....

**mohbasyouni** · 13-08-2015 06:19 PM

الطلاق

**black.hawkdawn** · 13-08-2015 07:23 PM

يا جماعه هيا عايزه ترجع وكل الى مبيناه قدام زوجها انها محترمه احترام السنين وموضوع انو يطلقه وتاخد شقه 450000 الف جنيه وتاخد عربيه 200000 الف دا مستحيل علشان هوا ممعوش فلوس على كده كل حياتو ادمرت بسببها ازاى يطلقها ويسيب خيانه وشرفو الى بهدلتو الوسخه دى ويسيب فلوسو كده عايزين حل عملى

**black.hawkdawn** · 13-08-2015 07:27 PM

ممكن تقولولى الحل ده حلو وﻻ ﻻ
يرجعها ويعملها البحر طحينه و.................................................. .................................................. .................................................. .................................................. .................................................. ...... انا محروق دمى على صحبى اوى يا جماعه

يرجى مراعاه الاداب العامه وانتقاء الالفاظ المناسبه

م.ع5
13-08-2015
11:40pm

**Adel.Nasr** · 13-08-2015 08:04 PM

هو لو عايز يرجع الشقه لازم تتلعب صح بحيث انه يقنعها انه عايز ينشتري شقه في مكان راقي و يتفق مع اي حد من اصحابه يعمل نفسه مشتري و يمضوا العقود و بعدين صاحبه يبيعهاله تاني و تسجل في الشهر العقاري و كده تبقى خلصت تفاصيل الموضوع دا لازم يتعمل صح لدرجة انه هو نفسه يصدق اللي بيقوله لان واحده زي دي هتبقى عامله حسابها على كل حاجه و ممكن توقعه في الكلام

**volociximab** · 13-08-2015 08:07 PM

هو متأكد انها بتكلم حد؟

**عﻻء سالمان** · 13-08-2015 08:18 PM

احتمال الوسواس القهرى يعنى.. ﻻزم يكون فية دليل ﻻيقبل الشك

**black.hawkdawn** · 13-08-2015 08:39 PM

المشاركة الأصلية كتبت بواسطة عﻻء سالمان

احتمال الوسواس القهرى يعنى.. ﻻزم يكون فية دليل ﻻيقبل الشك

وسواس ايه بقولك هوا اتاكد من كده يعنى عمرو مهيلفق لمراتو الى بيحبها وكتبلها الشقه وعربيه فى حاجه ولا حته وسواسو يوصلو لكده انا متاكد وهوا متاكد علشان راقبها بس هيا بت من بتوع التلات ورقات وعلى فكرا يا جماعه هوا بيصلى وعارف ربنا كويس اوى دا حته فاتح عياده فى مسجد لوجه الله