عايز نصايح لو طلعت ع الطريق السريع وانا مبتدئ
عرض للطباعة
عايز نصايح لو طلعت ع الطريق السريع وانا مبتدئ
بلاش تطلع طرق سريعه وانت مبتدىء
السلام عليكم ورحمة الله وبركاتة
مرحبا أخى الكريم
أولا إلزم اليمين متمشيش فى نص الطريق
لو طريق طويل او سفر ومش حافظ المطبات خلى مسافة مابينك وما بين اللى قدامك علشان لو وقف فجأة
دايما عينيك على المرايات
وأمشى على مهلك على 80 مثلا مش أقل ومش أكتر
وربنا يسلم طريقك
امسك الحاره اليمين و متزودش عن 100 و خليك مركز علي الطريق
نصيحة بلاش طريق سريع و انت مبتدئ رد فعلك بيبقى بطئ بلاش احسن
ربنا يسلم طريقنا جميعا
حاول يكون رد فعلك على الدريكسيون على السرعات العالية مش عنيف قوي وخصوصا لو عربيتك مفيهاش انظمة الفرامل الحديثة
الفرامل مش دايما هي الحل الامثل في كل المواقف في مواقف معينة الحل فيها هو الجري بسرعة جدا اما الفرامل هتزود الامور سوءا
بلاش تسافر بليل على السريع غير لما عنيك تتعود على السواقة بليل جوه البلد
وأنا أضم صوتي لأصوات الزملاء
الزم اليمين
الزم اليمين
الزم اليمين
اليمين حارة المبتدئين والغلابه من أصحاب السيارات اللي على قدها
سوف اختلف مع باقي الزملاء في نصيحة الزم اليمين
هذا يصلح في دول تحترم قواعد المرور
أنت هنا في مصر ، إذا لزمت اليمين ستجد الميكروباصات ممكن تزنق عليك عشان تحمل راكب أو تنزل آخر ، وممكن جرارات بدون أي إشارات ، بالإضافة لسيارات النقل البطيء ، وأحيانا سيارات مسرعة تاخد غرزة من اليمين
نصائحي لك:
1- الزم الحارة الوسطى
2- لا تنحرف يمينا أو يسارا إلا بعد أن تتأكد من عدم قدوم سيارة مسرعة من الخلف
3- لا تمشي وراء سيارة نقل ولا بجوارها ، إما أن تتأخر عنها أو تسبقها
4- حاول تخلي سيارة أمامك بمسافة كدليل مبكر على وجود حفر أو مطبات
هذا ما أتذكره الآن و تمنياتي بالسلامة للجميع