فيزا زيارة للامارات .. اعمل ايه ؟؟؟

**a7moody** · 13-08-2015 04:14 PM

السلام عليكم ورحمة الله وبركاته
ازيكم يا رجالة ؟؟
يارب تكونوا بخير
انا عضو جديد هنا لكن متابع المنتدي من سنييييييين وكان ليا حساب زمان مش فاكره حتى

كان عندى استفسار بعد اذنكم
طبعا انتو شايفين وضع البلد ماشي ازاى وخصوصا فى القطاع الخاص
بجد الواحد بيتمص دمه اول عن اخر بدول اى مقابل
وانا خلاص تعبت ومش قادر استحمل استغلال وقرف وتحكمات
وكان واحد حبيبي فى الامارات قالى على موضوع الفيزا الزيارة
انتو شايفين ايه رأيكم فى حوار الزيارة للامارات ده ؟؟
فيه شغل فعلا فى الامارات الواحد يقدر يدور وربنا يكرمه ؟؟
ولا الموضوع مش جايب همه ؟؟
وايه احسن امارة الواحد يشتغل فيها لأنى اسمع ان دبي فيها شغل كتير بس العيشة ناااااااااااار
مع العلم انى 28 سنة ومتزوج ..
وشكرا ليكم يا رجالة ..

**Secret-Man** · 13-08-2015 06:30 PM

فيز المصرين مقفوله فى كل الامارات ماعدا دبى بالنسبه للاقامه طبعا

بالنسبه للشغل لازم تيجى فعلا وتدور ده الوضع الحالى ولو استنيت شركه تبعتلك هتاخد وقت كبير جدا وغالبا بتبقا حالات نادره لو وظيفتك تخصصيه اوى ومحتاجنها

بس قولى مجالك علشان اقدر افيدك بشكل اوضح انت هتيجى تعمل ايه وتتحرك ازاى

**a7moody** · 13-08-2015 06:54 PM

الف شكر ليك ياباشا على الرد والافادة
انا خريج تجارة واشتغلت محاسب واشتغلت سيلز
وحاليا انا مدير فرع احد توكيلات الاحذية والشنط الحريمي
وبرده اشتغلت فى مجال الماركت .. وانا ميال لشغل السيلز اكتر من المحاسبة
وجزاك الله كل خير

**Anaslbda** · 13-08-2015 08:30 PM

الفيزا مقفولة على المصريين لكن ليها لفّة من دبي بس معرفش تفاصيل.

**a7moody** · 13-08-2015 10:57 PM

المشاركة الأصلية كتبت بواسطة anaslbda

الفيزا مقفولة على المصريين لكن ليها لفّة من دبي بس معرفش تفاصيل.

كنت سمعت انها مفتوحة فى دبي ؟!!

**أحمد كمال** · 13-08-2015 11:25 PM

الزيارة مفتوحة عادي للمصريين ..... الاقامة في دبي فقط و قطاع خاص او مناطق حرة فقط

**Secret-Man** · 14-08-2015 12:11 AM

اسهل شغل تحصل عليه فى السوق حاليا

السيلز

وخدمه العملاء

ودايما اعتمد على Opend days للتوظيف فى دبى بتخلص نفسك بسرعه
او مكاتب التوظيف ومشهوره وسهله جدا وبتوفر عليك وقت كبير

وانا ممكن ارفعلك صورتين فيهم كل المكاتب الى فى دبى

**a7moody** · 21-08-2015 04:51 PM

المشاركة الأصلية كتبت بواسطة secret-man

اسهل شغل تحصل عليه فى السوق حاليا

السيلز

وخدمه العملاء

ودايما اعتمد على opend days للتوظيف فى دبى بتخلص نفسك بسرعه
او مكاتب التوظيف ومشهوره وسهله جدا وبتوفر عليك وقت كبير

وانا ممكن ارفعلك صورتين فيهم كل المكاتب الى فى دبى

ربنا يخليك ياباشا الف شكر على الافادة
جزاك الله كل خير