الموضوع: اسكت يا ............

المشاركة الأصلية كتبت بواسطة MoToRiZeR

أحمد المواقف اللي زي دي غلط تتكلم مع الراجل أصلاَ لأن مش هتوصل لحاجة .. لو عايز تاخد حقك بجد .. برووووووووود .. انا حصلي موقف زي كدة بس حظ الراجل جالي في يوم كنت راااااايق فيه جامد و زي ما تقول كنت مستنيه ، لو كان جالي في يوم تاني كنت هتعصب أكيد .

كنت ماشي في طريق واصل بين شارع و كوبري كدة المهم هو حارة واحدة و انا ماشي 60يعني سرعة مناسبة جداَ لوسط البلد و يمكن زيادة كمان .. واحد من هواة الجري جه لزق الكبوت في الشنطة عندي و شغال كلاكس .. فضلت في طريقي عادي و إديته إنتظار لمدة ثانية و قفلته .. أول ما طلعنا من الشارع مش عاجبه طبعا إني قفلت علي سيادته الجرية .. فا شايفي مهدي جنبي و عمال يكلكس عايزني أكلمه .. عملت نفسي مش واخد بالي .. فتح الشباك و سامعه بيهلل .. بصيتله في عينه و مديت إيدي أعلي الكاسيت جامد بحيث يبقي سامعه هو كمان و يبقي عارف إني مش عايز أسمعه .. و ببطأ الدنيا أكن واحد معندوش حاجة في حياته .. قام كاسر عليا و نزلي و قعد يشتم و بتاع .. بصيتله تاني و قمت طافي العربية و قافل السنتر لوك و مطلع سيجارة و مغير السي دي و عليت أكتر .. و انا شايف الناس إتلمت برة و واضح إنهم بيشتموني يعني لأن الموقف مبين إن أكيد انا شاب يحرق الدم يعني و محدش يعرف اللي حصل الأول .. بس و الناس اللي إتلمت ركبته عربيته و مشي و هو لسه بيهلل .. و انا دورت عربيتي و مشيت ..

إحنا ماشيين وسط ناس هايفة يا حبي ممكن يخش خناقة مميتة عشان واحد قفل عليه غرزة .. لو هنقعد نتكلم مع كل واحد مش هنخلص و هنحرق دمنا عالفاضي ..

ههههههههههههههههههه الموقف ده حصلى بالملى اسمع يعم

كنت ماشى و كان قدامى بوكس مره واحده البوكس ده وقف و انا بصراحه كنت مستعجل و البوكس قفل الطريق خالص فزمرلته لقيت الباشا الظابط بيبصلى و يقولى فيه ايه قولتله الطريق و قف و عاوز امشى

و علشان الاستاذ واخد البوكس يتفسح بيه هو و المدام حب يعمل منظر قدامها

لقيته نزل من البوكس و دار الحوار الاتى

هو : انزلى

انا : ليه هاتسحب الرخص

هو : اه

انا : لا والله ماليش مزاج الرخص تتسحب انهارده

هو : قام خابطنى بايده (بس الحمد لله خبطه بسيطه اوى اوى )

انا : قفلت الازاز و السنتر و طلعت الموبيل بتاعى اكلم (صاحبى اللى كان نايم) و قولتله اخبار البورصه ايه انهارده و عمال اضحك وهو خلاص هايموت من الغيظ بره العربيه

الناس اتلمت و خلاص حصل خير و الكلام ده و هو ماشى رايح يركب البوكس رجعت مارشدير و كسر الدريكسيون و ببوذ الاكصدام خبطه فى رجله ( واحده بواحد ) لقيته بيبصلى قولتله اسف مش عارف اتلم على اعصابى من الخوف

المهم روحت و الدم بيغلى فى عروقى تخيلوا عملت ايه (انا كنت رايق جدا اليوم ده ) غيرت هدومى و كمان العربيه علشان كان معايا ساعتها الانوس بتاعه اخويا قولت بلاش روحت اخدت الشاهين تحسبان للاى حاجه فى الطريق


و سالت عليه و عرفت ان الاستاذ قاعد مع المدام فى عبده كفته بياكل هو و هيه و عينك ماتشوف الا النور دخلتله المحل الراجل ازبهل :k20:و قعد ينفخ و يقولى مش معقول كده انا مع مراتى و انت عمال تنطلى فى كل حته حرام ( صعب عليا بصراحه ) بس قولت لا انا لازم اخد حقى و اخدته بره المحل و قعدت اتكلم معاه حوالى نصف ساعه و الراجل يقولى لو سمحت انا معايا المدام جوه و انا اقوله و انا عاوز حقى علشان عيب اللى انت عملته ده و بكل برود فى الاخر قولتله خلاص خلاص حصل خير

بعد ما الاكل مابرد و اكيد ابوورده كان مستنيه فى البيت