محتاج تكييف

**aw2100** · 14-08-2015 11:08 PM

وده فيديو بيوضح فكرة عمل الأنفرتر
https://youtu.be/G-YtYp2RJ-k

**مُصْطٓفٓى** · 15-08-2015 12:15 AM

المشاركة الأصلية كتبت بواسطة sherif1988

انا سئلت خدمة العملاء فى شارب قلولوى ان كل الاجهزة مكونات من جنوب شرق اسيا
سواء البريميم بلاس او الانفرتر الاتنين زى بعض ومفيش فرق عير فى الامكانيات فقط اما الصنع والتجميع واحد

في سوال عندى هوا لو الغرفة اللى هركب فيها التكييف قبلى هتفرق فى قدرة التكييف

لانى اتصلت بخدمة عملاء كارير وبقولم عايز تكييف لغرفة 4*4 قلى اخر دور قلتلة لا دور متكرر
قلى قبلى ولا بحرى

قلتلة الغرفة قبلى والشمس ضربة فيها طول اليوم
قلى كدةهحتاج جهاز 3 حصان مش 2.25 علشان الغرفة قبلى وهتبقا حررتها مرتفعة علشان الشمس والجو والكلام دة

اية رئيكم فى الكلام دة ؟؟؟؟؟؟؟

كمان رئيكم اتصرف واجيب الانفرتر افضل ولا اخلينى فى البريميم بلاس وخلاص ؟؟؟؟؟

كمان الانفرتر مفيهوش شاشة عرض فى الجهاز هل هتبقا ليها لازمة كبيرة ولا اية ؟؟؟

في الوقت الحالي حضرتك معندكش خيارات كتير
ولو لقيت موزع عنده الانفرتر 2.25 حصان ياريت تدلنا عليه

عموما انصحك انك تمحر جانب الغرفة الخارجي تدهنه ابيض عشان ميمتصتش اشعة الشمس
ولو فبه مادة عزل جيدة مخصصة لهذا الامر سيكون افضل

الغريب ان شارب ليها وجهة نظر تانية
لقيتهم بيسألوني الشقة في الدور الاخير وقولتلهم لا لكنها غير معزولة ومعرضة للشمس طوال النهار
قالي مش مشكلة
وقالي كفاية واحد ونص حصان لغرفة 3 في 3.5

الانفرتر 3 حصان بارد فقط عامل 8000 جنيه بالتركيب والتوصيل

**pepo2011** · 15-08-2015 12:56 AM

بص يا فندم 1.5 بيغطي من 12 ل 14 متر مربع والشارب عموما جهاز قوي
وسيبك من اي كلام تاني لو عاوز تريح دماغك هات 2.25 وممكن تجيبة من موزع افضل من الشركة عشان هما بيدققو لنفس الحاجات دي والموضع دا حصل معايا
والشركة قالولي اركب 3 حصان والموزع ركبلي 1.5 هههههه وشغال 4 سنين زي الفل الحمدلله
وبالتوفيق وتحت امرك اي وقت

**mr_vampire** · 15-08-2015 02:54 AM

استاذ مصطفي. ايه رايك ف ال جي.
وهل عندك فكرة عن صناعته ايه وخدمة مابعد البيع ؟؟؟
واخيرا هل تعرف رينج اسعار بارد وساخن 1.5و2.25و5حصان ؟؟؟

وترشحلي نوع ايه من كل الانواع الموجودة فالسوق من ال جي وشارب وكاريير ويونيون اير ؟؟؟؟

اسف للاطالة بس داخل علي شراء اربع اجهزة وبحاول اختار افضل المتاح.

**مُصْطٓفٓى** · 15-08-2015 03:04 AM

المشاركة الأصلية كتبت بواسطة mr_vampire

استاذ مصطفي. ايه رايك ف ال جي.
وهل عندك فكرة عن صناعته ايه وخدمة مابعد البيع ؟؟؟
واخيرا هل تعرف رينج اسعار بارد وساخن 1.5و2.25و5حصان ؟؟؟

وترشحلي نوع ايه من كل الانواع الموجودة فالسوق من ال جي وشارب وكاريير ويونيون اير ؟؟؟؟

اسف للاطالة بس داخل علي شراء اربع اجهزة وبحاول اختار افضل المتاح.

اولا معلوماتي البسيطة بسبب اني ببحث زيك بقالي فترة
الاسعار حتلاقيها على موقع مصرية للتكييف