الموضوع: تجربتى مع مقالب الدايو

المشاركة الأصلية كتبت بواسطة sameh65

الأعضاء الكرام أضع بين أيديكم تجربتى مع السيارة دايولانوس 2003 كى يستفيد منها كل عضو
قررت السفر الى الغردقة من المنيا وقبل السفر قلت اطمن على العربية وبالفعل اخذت السيارة الى العفشجى للاطمئنان عليها قالى مفيهاش اى حاجة وربطلى على العفشة وغيرلى جلب الميزان والتكاليف كانت 150 جنيه
بعد كده رحت للميكانيكى شيت عليها وقال زى الفل قلت له ان فيه تنفيس خفيف فى غطا قربة المياه وانا مسافر الغردقه قالى مفيش مشاكل سافر ولما ترجع نغير الغطا بواحد أصلى - المهم تانى يوم شحنت شنطى على العربية وبدأت السفر وبعد حوالى 100 كيلو ركنت عند بداية طريق الشيخ فضل لانتظار اتوبيس كلن معنا فى نفس الرحلة وإذا بى أجد ماء كثير ينزل من العربية فتوقعت ان يكون الردياتير اتخرم وعند فتح كبوت العربية وجدت أن الماء يخرج باندفاع شديد من غطاء القربة وكان ذلك فى السادسة والنصف صباحا المهم اتصلت بالميكانيكى وابلغته ما حدث فطلب منى ترك السيارة تبرد تماما ثم اديرها وازود ماء القربة حتى العلامة وانطلق بيالسيارة وفعلا نفذت ما طلبه منى واخذت العربية واستمريت فى طريقى حتى وصلت راس غارب وهناك ريحت ومونت بنزين ثم انطلقت وقبل ان اصل الى الغردقة بحوالى 70 كيلو لاحظت ان السيارة بدأت تقطع ومهما ادوس بنزين لاتزداد سرعتها بل تبطئ حتى تتوقف رغم انها ما زالت دائرة -المهم تركتها تبرد وزودت ماء وانطلقت حتى وصلت للغردقة وهناك غيرت غطاء القربه بواحد اصلى gm ب 45 جنيه وعرضتها على واحد بتاع ردياتير قاللى ان المشكلة كانت فى الغطاء-كمان غيرت زيت كاسترول gt الجركن الأبيض ب150 جنيه وفلتر بنزين ب 25 جنيه وغسلت الموتور بفلش ب30 جنيه المهم العربية هناك مكنش فيها مشاكل-
عند العودة ركبت انا واسرتى وحطيت الشنط وانطلقنا الساعة العاشرة صباحا ونظرا للحر الشديد شغلت التكييف ومشيت على سرعة 120 كم حتى وصلنا الى رأس غارب (حوالى 170كم) استرحنا هناك حوالى ساعة وسبت العربية بردت وكله تمام ثم ركبنا وبدأنا السير وبعد حوالى 70كم بدأت السيارة تقطع مرة أخرى ولا تستجيب لزيادة البنزين ركنت بالعربية وسبتها تبرد بعد كده مشيت حوالى 80كم وتكرر ماسبق بالاضافة الى ان لمبة التشيك كانت بتنور -ركنت بالعربية وبصيت على الميه لقيتها منقصتش كمان عداد الحرارة لايرتفع عن المعدل العادى (قبل النص) المهم بطلت العربيه وشغلتها راحت لمبة التشيك طفيت وبدأت العربية تستجيب لزيادة البنزين - المهم تكرر ذلك اكثر من خمس مرات حتى وصلنا بالسلامة بعد منشف دمنا وطبعا طفينا التكييف لتخفيف الحمل عن العربية
بعد العودة عملت كشف كمبيوتر على العربية ب40 جنيه وافاد بان الحساسات سليمة وأن المشكلة فى طرمبة البنزين -حيث تم تغيير قلب الطلمبة بآخر جديد كورى سعره 150 جنيه ومصنعية 30 جنيه والعربية تحت التجربة وعلى فكرة هيه فى المشاوير القصيرة مفيش مشاكل انما العيوب دى ظهرت مع المسافات الطويلة وانا حتى الآن لم اجرب السيارة فى المشاوير الطويلة ولما اجربه هقولكم النتيجة --معلش طولت عليكم بس انا نقلت التجربة بكل امانة حتى يستفيد منها باقى الاعضاء

المشاركة الأصلية كتبت بواسطة sameh65

الأعضاء الكرام أضع بين أيديكم تجربتى مع السيارة دايولانوس 2003 كى يستفيد منها كل عضو
قررت السفر الى الغردقة من المنيا وقبل السفر قلت اطمن على العربية وبالفعل اخذت السيارة الى العفشجى للاطمئنان عليها قالى مفيهاش اى حاجة وربطلى على العفشة وغيرلى جلب الميزان والتكاليف كانت 150 جنيه
بعد كده رحت للميكانيكى شيت عليها وقال زى الفل قلت له ان فيه تنفيس خفيف فى غطا قربة المياه وانا مسافر الغردقه قالى مفيش مشاكل سافر ولما ترجع نغير الغطا بواحد أصلى - المهم تانى يوم شحنت شنطى على العربية وبدأت السفر وبعد حوالى 100 كيلو ركنت عند بداية طريق الشيخ فضل لانتظار اتوبيس كلن معنا فى نفس الرحلة وإذا بى أجد ماء كثير ينزل من العربية فتوقعت ان يكون الردياتير اتخرم وعند فتح كبوت العربية وجدت أن الماء يخرج باندفاع شديد من غطاء القربة وكان ذلك فى السادسة والنصف صباحا المهم اتصلت بالميكانيكى وابلغته ما حدث فطلب منى ترك السيارة تبرد تماما ثم اديرها وازود ماء القربة حتى العلامة وانطلق بيالسيارة وفعلا نفذت ما طلبه منى واخذت العربية واستمريت فى طريقى حتى وصلت راس غارب وهناك ريحت ومونت بنزين ثم انطلقت وقبل ان اصل الى الغردقة بحوالى 70 كيلو لاحظت ان السيارة بدأت تقطع ومهما ادوس بنزين لاتزداد سرعتها بل تبطئ حتى تتوقف رغم انها ما زالت دائرة -المهم تركتها تبرد وزودت ماء وانطلقت حتى وصلت للغردقة وهناك غيرت غطاء القربه بواحد اصلى gm ب 45 جنيه وعرضتها على واحد بتاع ردياتير قاللى ان المشكلة كانت فى الغطاء-كمان غيرت زيت كاسترول gt الجركن الأبيض ب150 جنيه وفلتر بنزين ب 25 جنيه وغسلت الموتور بفلش ب30 جنيه المهم العربية هناك مكنش فيها مشاكل-
عند العودة ركبت انا واسرتى وحطيت الشنط وانطلقنا الساعة العاشرة صباحا ونظرا للحر الشديد شغلت التكييف ومشيت على سرعة 120 كم حتى وصلنا الى رأس غارب (حوالى 170كم) استرحنا هناك حوالى ساعة وسبت العربية بردت وكله تمام ثم ركبنا وبدأنا السير وبعد حوالى 70كم بدأت السيارة تقطع مرة أخرى ولا تستجيب لزيادة البنزين ركنت بالعربية وسبتها تبرد بعد كده مشيت حوالى 80كم وتكرر ماسبق بالاضافة الى ان لمبة التشيك كانت بتنور -ركنت بالعربية وبصيت على الميه لقيتها منقصتش كمان عداد الحرارة لايرتفع عن المعدل العادى (قبل النص) المهم بطلت العربيه وشغلتها راحت لمبة التشيك طفيت وبدأت العربية تستجيب لزيادة البنزين - المهم تكرر ذلك اكثر من خمس مرات حتى وصلنا بالسلامة بعد منشف دمنا وطبعا طفينا التكييف لتخفيف الحمل عن العربية
بعد العودة عملت كشف كمبيوتر على العربية ب40 جنيه وافاد بان الحساسات سليمة وأن المشكلة فى طرمبة البنزين -حيث تم تغيير قلب الطلمبة بآخر جديد كورى سعره 150 جنيه ومصنعية 30 جنيه والعربية تحت التجربة وعلى فكرة هيه فى المشاوير القصيرة مفيش مشاكل انما العيوب دى ظهرت مع المسافات الطويلة وانا حتى الآن لم اجرب السيارة فى المشاوير الطويلة ولما اجربه هقولكم النتيجة --معلش طولت عليكم بس انا نقلت التجربة بكل امانة حتى يستفيد منها باقى الاعضاء

هي اصلا العربية اللانوس عربية ضعيفة مش بتاعة سفر

المشكلة موجودة قبل السفر مالها اللانوس؟؟؟؟؟؟؟؟؟