عايز اشترى شقة تنصحونى اشترى فين ؟

**myself112** · 14-08-2015 03:32 AM

بدور على شقة فى المناطق الجديدة عموما حتى لو منطقة لسه قدامها فترة زمنية علشان تعمر , بس تكون مدينة متخططة كويس زى التجمعات ..

حاليا اقدر ادفع مقدم 200-250 الف و اقسط الباقى ...

يا ريت لو حد عنه معلومات عن موضوع العقارات فى المناطق الجديدة يساعدنى لانى للاسف مش من القاهرة و معرفش ايه المناطق الكويسة و مش عايز انزل للشركات او السماسرة من غير ما اجمع معلومات فى الاول .

شكرا ..

**salama_ahmad** · 14-08-2015 03:36 AM

ممكن تشترى فى مدينه الشروق بجوار مدينتى و تطلع على طريق الاسماعليه و طريق السويس وقريبه من الطريق الدائرى الاقليمى والدائرى الأوسط. سعر المتر يصل إلى 2400 الآن ممكن تدفع 200 الف والباقى بالتقسيط. الكلام دة لشقه 140 متر تقريبا

**رحالة** · 14-08-2015 06:38 AM

بلاش المناطق اللي لسه مش عمرانة
احنا شكلنا داخلين على ايام سوووووده

**MaZaGAngeE** · 14-08-2015 01:55 PM

الشروق مدخل 2 فيها عمارات و فلل كتير… انا واخد هناك من شهرين تقريبا المتر ب 2050 بس كانت لقطة لان اشترينا انا واخواتي مع بعض 3 شقق كاش
اظن لو قسط هتزيد شوية لكن منطقة ممتازة و العمارات 3 ادوار بس و شوارع واسعه و مستقبلها ممتاز ..
لو عايز تشوف حاجة هناك ابعتلي وانا ادلك علي ناس كويسة هناك ..

**myself112** · 14-08-2015 03:06 PM

المشاركة الأصلية كتبت بواسطة salama_ahmad

ممكن تشترى فى مدينه الشروق بجوار مدينتى و تطلع على طريق الاسماعليه و طريق السويس وقريبه من الطريق الدائرى الاقليمى والدائرى الأوسط. سعر المتر يصل إلى 2400 الآن ممكن تدفع 200 الف والباقى بالتقسيط. الكلام دة لشقه 140 متر تقريبا

كويس جدااا
هل الشروق زيها زى التجمع الخامس كده فى الخدمات و التخطيط و لا تعتبر اقل ....

**myself112** · 14-08-2015 03:08 PM

المشاركة الأصلية كتبت بواسطة رحالة

بلاش المناطق اللي لسه مش عمرانة
احنا شكلنا داخلين على ايام سوووووده

انا اقصد مناطق امتداد التجمع او امتداد اى مدينة قائمة فعلا بحيث يكون السعر اقل
ده لو فى مناطق موجودة ...

**myself112** · 14-08-2015 03:11 PM

المشاركة الأصلية كتبت بواسطة mazagangee

الشروق مدخل 2 فيها عمارات و فلل كتير… انا واخد هناك من شهرين تقريبا المتر ب 2050 بس كانت لقطة لان اشترينا انا واخواتي مع بعض 3 شقق كاش
اظن لو قسط هتزيد شوية لكن منطقة ممتازة و العمارات 3 ادوار بس و شوارع واسعه و مستقبلها ممتاز ..
لو عايز تشوف حاجة هناك ابعتلي وانا ادلك علي ناس كويسة هناك ..

و الله سعر كويس مقارنة بالاسعار الى سمعتها ربنا يباركلك يا رب ...
اكون شاكر لحضرتك لو تدلينى على حد كويس .

**hesham fawzy h** · 14-08-2015 04:12 PM

المشاركة الأصلية كتبت بواسطة mazagangee

الشروق مدخل 2 فيها عمارات و فلل كتير… انا واخد هناك من شهرين تقريبا المتر ب 2050 بس كانت لقطة لان اشترينا انا واخواتي مع بعض 3 شقق كاش
اظن لو قسط هتزيد شوية لكن منطقة ممتازة و العمارات 3 ادوار بس و شوارع واسعه و مستقبلها ممتاز ..
لو عايز تشوف حاجة هناك ابعتلي وانا ادلك علي ناس كويسة هناك ..

فلل و لا عمارات

**a7medalaa** · 14-08-2015 09:30 PM

رقم واحد في التخطيط القاهرة الجديدة ممكن تاخد في القرنفل دي منطقة فيلات بس غالية اللي هتتناسب مع الميزانية اللوتس في وش الجامعة الامريكية الشقة ال 140 متر هتبقي في حدود 700 الف تقل او تزيد قليلا حسب تميز الموقع تدفع 250 و تقسط الباقي علي 4 سنين بس هيبقي القسط كبييير لو مش مناسب يبقي الشروق تاني اجمل مدينة جديدة في القاهرة المتر في احساء الفيلل يعني بتاخد دور في فيلا هيبقي في حدود 2200 المتر قسط هتدفع مقدم و تقسط الباقي في الحالة دي القسط هيبقي مش كبير بس لو شروق حاول تاخد ناحية طريق السويس ارقي عشان تبقي قريب من مدينتي و الرحاب و التجمع لو احتجت خدمات او فسح تبقي قريب

**hugan** · 14-08-2015 10:19 PM

الشروق اختيار مناسب
والفرق بينها وبين التجمع مش كتيرمع فرق السعر العالي في التجمع

الموضوع: عايز اشترى شقة تنصحونى اشترى فين ؟

LinkBack

أدوات الموضوع

عرض

-

-

-

-

المواضيع المتشابهه

عايز اشترى هوندا تنصحونى ب اية

عايز اشترى عربية واحترت ياريت تنصحونى

عايز اشترى ايفو و متردد وياريت تنصحونى

عايز اشترى فولكس تنصحونى بايه

عايز اشترى عربيه تنصحونى بايه؟

الكلمات الدلالية لهذا الموضوع

المفضلات

المفضلات

ضوابط المشاركة