عربية 4×4 في حدود 300 الف

**nice_bird** · 14-08-2015 09:01 PM

كنت عايز عربية 4×4في حدود 300 الف جنية بس تكون زيرو وعايز كل العربيات اللي ف رينج دا بالترتيب

**م/أحمد عبد الفتاح** · 15-08-2015 12:58 AM

الدفع الرباعى على الزيرو موجود منه عربيتين فى السوق فى حدود المبلغ بتاعك بس ازيد شويه : التويوتا فورتشنر ٢٧٠٠ سى سى ودى فى حدود ٣٧٥ الف جنيه - والجيب رانجلر ٣٦٠٠ سى سى ودى فى حدود ٣٧٠ الف جنيه

**رامي مصطفى** · 15-08-2015 07:47 PM

بعد اذن صاحب الموضوع
سوزوكي فيتارا من اول 2007 ولاتريوس من اول 2008 احسن
وهل اصبر شويه واجيب ليبرتي من 2002؟؟ وهل فيه حاجه تاني في نفس الرينج ده
وايه مميزات وعيوب كل واحده
وشكرا مقدما

**م/أحمد عبد الفتاح** · 16-08-2015 10:16 PM

المشاركة الأصلية كتبت بواسطة رامي مصطفى

بعد اذن صاحب الموضوع
سوزوكي فيتارا من اول 2007 ولاتريوس من اول 2008 احسن
وهل اصبر شويه واجيب ليبرتي من 2002؟؟ وهل فيه حاجه تاني في نفس الرينج ده
وايه مميزات وعيوب كل واحده
وشكرا مقدما

بالنسبة للفيتارا من ٢٠٠٧ حتلاقيها غالباً مانيوال مش اوتوماتيك القديم منها ممكن تلاقيه أوتوماتيك - لو أنا إللى باشترى يبقى التريوس حيكون ليها الأولوية فى الترتيب علشان أوتوماتيك ومنتشرة فى مصر - بالنسبة لليبرتى إستهلاكها فى البنزين حيكون أعلى من التريوس والفيتارا - قطع الغيار فى الجيب متوفرة وزيها زى أى عربية وممكن تكون أرخص فى بعض الحاجات بس لو غاوى الليبرتى يبقى تشوف حاجه احدث شوية علشان متكونش متبهدلة وتتعبك يعنى مثلاً ٢٠٠٥ - التريوس يعيبها فقط إنها فقيرة من جوه يعنى أوبشانتها مش كتير بس اثبتت كفاءة فى مصر وانتشرت وده حاجه مطمئنة وكمان أسعار قطع غيارها متوسطة مش ناطه لفوق زى مابنسمع عن عربيات المراية فيها بـ ٣ الاف جنية والفانوس بـ ٥ الاف جنيه

**وائل عبدالعزيز** · 22-08-2015 01:40 AM

السلام عليكم ورحمه الله وبركاتة
هو اولا استخدامك للعربية فى اية
وهل انت محتاج عربية كماليات حتى لو مويل قديم
ولا انت محتاج كماليات وموديل حديث
وفيه عربيات 4*4 تويوتا وتمنها فى حدود المبلغ بتاعك
بس دا اللى يحددة استخدامك للعربية فى اية
لان مواتير اللاند كروزر اقل حاجة فيها 3500 سى سى 4500 سى سى
ممكن تتفرج على العربيات دى
تويوتا لاند كروزر vxr دى موديلاتها واطية شوية
تويوتا لاند كروزر gxr دى الموديلات الحديثة
لو احتجت اى حاجة فى التويتا لاند كروزر اى خدمة
بعد اذن مينا بك

**احمد فهمى** · 29-08-2015 01:52 PM

بالفعل محتاج تحدد احتياجك الاول وبعدها تتوفق عليه العربيه

**م/أحمد عبد الفتاح** · 29-08-2015 10:52 PM

المشاركة الأصلية كتبت بواسطة رامي مصطفى

الف شكر لحضرتك م/احمد عبدالفتاح
ربنا يباركلك ولكل من شارك
طيب هل فعلا ان الليبرتي ناشفه زياده عن اي عربيه وثباتها ضايع
طيب 2700cc بتاعها حلو؟ حاسس كفايه اوي عليا صعب 3700

العفو وربنا يكرمك وتلاقى طلبك
بالنسبة لليبرتى أو أى عربية دفع رباعى بتبقى انشف من اى عربية سيدان علشان عفشتها بتبقى اقوى علشان تستحمل وزن العربية أولاً وطبيعة إستخدامها ثانياً - بس إحساسها بالمطبات حايكون اقل من اى عربية سيدان بمعنى انها فى بعض المطبات ممكن ماتخدش بالك إن فيه مطب اصلاً او تحس بيه انه مطب صغير بس اى عربية سيدان حاتحس بالطب ده جداً .
الليبرتى بالذات من اول سنة ٢٠٠٢ لغاية سنة ٢٠٠٧ وهما بيحسنوا فيها يعنى ٢٠٠٧ احسن من ٢٠٠٦ و٢٠٠٦ أحسن من ٢٠٠٥ وهكذا - بس برضه لازم تكون حالتها كويسة وصاحبها كان مهتم بيها.
الثبات بالنسبة لعربيات الدفع الرباعى عامة مش ضايع بس بيبقى اقل من العربيات السيدان لان العربيات السيدان منخفضة فاتزانها بيكون احسن - الدفع الرباعى مش بتاع جرى ولو عاوز تجرى يبقى فى الطرق المستقيمة ويستحسن ماتزودش بيها عن ١٢٠ كم/ساعة لو الطريق كويس .
مافيش ٢٧٠٠ فى الليبرتى البنزين - فيه ٢٤٠٠ وفيه ٣٧٠٠ - الفرق فى إستهلاك البنزين مش كتير قوى - قطع غيار الـ ٤ سلندر (٢٤٠٠) أقل فى السوق من قطع غيار الـ ٦ سلندر (٣٧٠٠) وأغلى منها .
نصيحة لو غاوى ليبرتى اركب من ٢٠٠٥ وانت طالع - اركب ٣٧٠٠ وبلاش ٢٤٠٠ فرق استهلاك البنزين مش كبير - لو لقيت ليبرتى رينجيد حاتكون احسن وانعم .
الاستهلاك بتاع البنزين للـ ٣٧٠٠ بيكون حوالى ١٢٠ كم فى الصفيحة جوة البلد وحوالى ١٧٠ كم فى الصفيحة على طرق السفر بس تكون العربية مظبوطة .
اتمنى اكون جاوبتك على اسئلتك وتحت امرك فى اى استفسار تانى

-

-

الموضوع: عربية 4×4 في حدود 300 الف

LinkBack

أدوات الموضوع

عرض

عربية 4×4 في حدود 300 الف - انشر الموضوع فى :

-

-

-

-

المواضيع المتشابهه

عاوز عربية فى حدود 20 و عربية ف حدود 30 تنفع للسفر

عربية فى حدود 70 الف؟؟؟؟

عربية في حدود 50 الف

عربية في حدود 350 الف

الكلمات الدلالية لهذا الموضوع

المفضلات

المفضلات

ضوابط المشاركة