هو المفروض الواحد يشتغل سواق و ميقولش لا

**Bassem Youssef** · 15-08-2015 03:37 PM

انت معاك حق بس برضه دي والدتك

والدي جايبلهم تاكسي خصوصي (واحد قريبنا ) و بيديله مرتب اخر الشهر علي حسب المشاوير

ده حل وسط جيد

**Abo_Mazen** · 15-08-2015 06:53 PM

المشاركة الأصلية كتبت بواسطة micromoud

ياسيدى الفاضل الراجل بيقولك بيرجع من شغله تعبان ومرهق وهى عاوزاه يوديها افراح ... طيب يروح تانى يوم شغله ازاى ... اكيد طبعا مقصدش المشاوير المهمه لكن انا بتكلم على النوعيه دى من المشاوير

ما هو يرفض ..بس بالطريقه ..مش بكلمة لأ...

أروح من ربنا فين لما أقول لأمي لأ

**4fun14** · 15-08-2015 08:10 PM

سيبك من كل الكلام ده.. انت محتاج اخصائي نفسي
الخمول والكسل دول اكتئاب او بدايه اكتئاب ولازم تتحرك ولازم تلعب شويه رياضه حتي لو تمشي شوي كل يوم.. متركزش ف فرعيات زي التكسيات والكلام ده
علي فكرة انا نفس حالتك بالظبط

**mody1982** · 15-08-2015 08:17 PM

المشاركة الأصلية كتبت بواسطة abo_mazen

أي بني آدم ليه دخله ..أو ليه سكه ..مش عاوزين نكذب على بعض ..مفيش حد بيقدر يلبي كل طلبات أمه ..بس الأهم من ده كله إن هي ما تزعلش منك ..أهو بقى ما تزعلش منك إزاي ؟؟..دي بتاعتك إنت بقى ..تضحك عليها ..آسف في الكلمة ..تاكل بعقلها حلاوه زي ما بيقولوا ..تتمسكن لها عشان تعرفها إنك تعبان ومش قادر تنزل ..تعمل مقموص ..تعمل مبسوط ..تعمل حاوي ..آسف في الكلمة ..تشتغلها ..عارف إنت لما تشتغل مديرك في الشغل أو رئيسك في العمل ..إشتغلها هي كمان ..بكره لما تتجوز هتتعلم تاكل بعقل مراتك حلاوه ..وهتتعلم تراضي وتدادي ..وكلمتين حلوين على مش عارف إيه ..تعمل اللي إنت عاوزه ..ياعم أنا بشوف ناس بيشربوا أمهاتهم الهوا في أزايز ..بس زي ما قلتلك ..أهم حاجه ما تزعلش منك ..ويوم ما يحصل وتزعل ..يبقى معاك حتة الحلاوة اللي هتراضيها بيها ..بص من الآخر ..هي اللي ربيتك وإنت أكيد حافظها أكتر من أي حد مننا

معندهاش الكلام ده يا تنفذ اللي هي عيزاه بالطريقه اللي هي عيزاها في الوقت اللي عيزاه مهما كانت ظروفك و الا تبقي عاق و قليل الادب و سافل و ابن كلب

المشاركة الأصلية كتبت بواسطة 4fun14

سيبك من كل الكلام ده.. انت محتاج اخصائي نفسي
الخمول والكسل دول اكتئاب او بدايه اكتئاب ولازم تتحرك ولازم تلعب شويه رياضه حتي لو تمشي شوي كل يوم.. متركزش ف فرعيات زي التكسيات والكلام ده
علي فكرة انا نفس حالتك بالظبط

انا واثق ان الموضوع نفسي و انه اكتئاب بس الموضوع مرتبط بحاجات كتير
احنا مش ساكنين في وسط المدينه و عندنا حوالي من 25 كيلو الي 50 كيلو علشان نروح اي مكان مهم نتفسح فيه او نحضر فرح و الطرق كلها مكسره و العربيان النقل و الميكروباصات مبلطجه و حاجه اخر قرف
بتبقي مش عايز تتحرك من البيت بدل ما تتعصب و دمك يتحرق

**volociximab** · 15-08-2015 09:32 PM

انا بدأت العلاج من اسبوع و اشعر بتحسن كبير

**Bassem Youssef** · 15-08-2015 09:47 PM

معندهاش الكلام ده يا تنفذ اللي هي عيزاه بالطريقه اللي هي عيزاها في الوقت اللي عيزاه مهما كانت ظروفك و الا تبقي عاق و قليل الادب و سافل و ابن كلب

كأني بتكلم عن والدتي بالظبط ... ناشفين في التعامل بس طيبين جدا ... ربنا يباركلنا فيهم و يحفظهم من كل سوء

**mody1982** · 16-08-2015 12:17 AM

المشاركة الأصلية كتبت بواسطة باسم يوسف

كأني بتكلم عن والدتي بالظبط ... ناشفين في التعامل بس طيبين جدا ... ربنا يباركلنا فيهم و يحفظهم من كل سوء

و الله يا باسم واحد صاحبي قالهالي زمان قالي هيجي يوم هتحس انك لازم تسيب اهلك و متعيش معاهم
علشان متزعلوش من بعض و حتي لو مزعلتوش من بعض لازم برضه تسيبهم علشان تقدر تعيش الحياه اللي انت عايزه بنظامك انت بظروفك انت بقواعدك و افكارك انت
الظاهر انه عنده حق

**Bassem Youssef** · 16-08-2015 01:05 AM

المشاركة الأصلية كتبت بواسطة mody1982

و الله يا باسم واحد صاحبي قالهالي زمان قالي هيجي يوم هتحس انك لازم تسيب اهلك و متعيش معاهم
علشان متزعلوش من بعض و حتي لو مزعلتوش من بعض لازم برضه تسيبهم علشان تقدر تعيش الحياه اللي انت عايزه بنظامك انت بظروفك انت بقواعدك و افكارك انت
الظاهر انه عنده حق

صاحبك بيتكلم عن الطبيعه البشريه اللي ربنا خلقها

اننا في سن معين بنبقي عايزين ننفرد بحياتنا و نتجوز

بس ده ميمنعش البر باهلنا طبعا

لكن تدخل في حياتنا و جلب مشاكل لالالالا