صوت غريب

**Mohamed_abdo** · 15-08-2015 10:48 AM

دلوقتى عندى صوت ونة كان زمان ضعيف شوية دلوقتى بقى ظاهر جدا بسمعه من الناحية الشمال عندى وكأنه من الكاوتش بس على بعض الطرق مش بسمعه حالص . امبارح كنت رايح مشوار العياط طول الطريق ذهاب وعودة وانا سامعه عالى خالص جربت قولت يمكن الفتيس ولا الماتور عملت كذا تجربة اول ما اسمع الصوت ده اجيب الفتيس على n وبرضه بيفضل موجود فايه اللى ممكن يكون فيه علشان انا مسافر مشوار طويل وخايف منها بصراحة ..

**جيتزاوي55** · 15-08-2015 11:48 AM

يفضل ترفعها في بنزينة وتشوف ممكن تكون جلبة مقص أو حاجة زي كدة , وان شاء الله تكون حاجة بسيطة .
حاجة تانية ممكن تشيك علي ضغط الكاوتش وعلي أحكام ربط المسامير ,’ وأتمني باقي الأعضاء يفيدوك في باقي الأسباب لأني مش عارف أكتر من كدة بصراحة

**Mohamed_abdo** · 15-08-2015 11:55 AM

شكرا يا باشا ومنتظر باقى الاعضاء

**Abo_Mazen** · 15-08-2015 12:46 PM

بص ..عشان تتأكد مبدأيا إن هي مش من الكاوتش ..هات الكاوتش اليمين شمال والشمال يمين وإطلع جرب ..عشان موضوع الكاوتش ده يبقى مستبعد أصلا

**akrameladl** · 15-08-2015 02:07 PM

لازم تتاكد من موضوع الكاوتش دة لانه حصل معايا ممكن بسبب النقشه او عالى وواطى هات اللى ورا ادام و جرب
مستبعد يكون بسبب بلى العجل بس كل شئ وارد
بس موضوع بسيط مش مقلق
وربنا يكفيك شرها

**Mohamed_abdo** · 16-08-2015 10:38 AM

المشاركة الأصلية كتبت بواسطة akrameladl

لازم تتاكد من موضوع الكاوتش دة لانه حصل معايا ممكن بسبب النقشه او عالى وواطى هات اللى ورا ادام و جرب
مستبعد يكون بسبب بلى العجل بس كل شئ وارد
بس موضوع بسيط مش مقلق
وربنا يكفيك شرها

عملت كده ونفس الصوت موجود

**Sherif Mandoor** · 16-08-2015 10:49 AM

اكشف علي البلي

**Mohamed_abdo** · 16-08-2015 11:04 AM

انا كمان عملت تجربة تانى انى وانا ماشى على سرعة 45 قفلت نص الكونتاك والعربية بطلت وسمعت برضه الصوت وهى ماشية مبطلة

**Mohamed_abdo** · 30-08-2015 10:11 AM

يا جماعة والله انا زهقت من الصوت ده دلوقتى انا كشفت على كل حاجة الماتور والفتيس والبلي والكاوتش وكل حاجة سليمة مفيش حاجة بس الصوت هيجنني وبدا يعلى قوى وبقي فى كل الطريق اعمل ايه
ملحوظة : فى واحد قالي اكشف على تيل الفرامل لأنه أحيانا بيعمل ونة جامدة لو وحش الطلام ده صح ولا ايه
ارجوكم انا زهقت والله وقرفت خالص