مية المية ......... تقريرك حقيقى من واقع التجربة ........ وأسيادنا راضيين عليك
رقم العضوية : 178458
تاريخ التسجيل : 13Aug2015
المشاركات : 5
النوع : ذكر
الاقامة : matrouh
السيارة: geely
السيارة[2]: mazda
الحالة :
اولا:لازم تعرف ان الامجراند عربيه عائلية ومش شبابية
عربيه سعرها 85-89 الف
مش 240 الف
عربيه فئه قليله بس مراصفاتها حطتها مع فئات متوسطه وعاليه
---
تجربتي كامله مع الامجراند 7
اشتريت امجراند 7 موديل 2013 قبل نزول ال 2014 باسبوع
اشتريتها من المصرية للسيارات بطنطا
وانا كنت نازل اساسا ع بريليانس في 5 وكنت بردك بفكر في السيراتو والالنترا
كانت اول مره اشوف الايمي ولفتني فيها حجمها وخصوصا شنطتها اللي مش موجوده في عربيات سيدان اصلا .
العربيه ضخمه بالنسبة للي بنفس سعرها - او بينافسها (اللانوس-الفيرنا-الافيو-الاوبترا-301-الصني)
استلمت العربيه وهيا كانت متلينه
حياتي انا مقسومه بين طنطا ومطروح
دايما معايا 3 شنط و
كولمان كبير فيها حاجاتي المجمدة و كولمان صغير
دا غير اللي بيركبوا في الكنبه 2-3
..
كانت اول سفريه ليا بيها اخويا ساقها ووصل بيها 200 كم/ساعه
وطلعت عليه النترا والعربيه لمت نفسها .كان اول اختبار ليها
طبعا ظهرتلي مشكله لمبه( التشك ان اينجين )
وروحت التوكيل في صيانه الالف وعدلوا السوفت
والعربيه كان استجابتها بطيئه لما تكون ع سرعه عاليه
وتبطأ وتحاول تسترد السرعه دي تاني (بتجمع ببطأ)
والتوكيل عالجها
طبعا بعد ما اشتريت العربيه واشتركت في جروب الفيس (عرفت ان العربيه عليها مشاكل وبلاوي )
والموضوع بيزيد وناس داخله تهيص وناس عندها مشاكل حقيقية .
طبعا مشكله الصدا والجنط
الجنط الحمدالله ع يدي شال معايا كتير خصوصا ع الطريق الدولي وفواصل الكباري
وعند منطقه الحراسات
هناك الدنيا متبهدله بقالها ييجي 10 سنين
بس دخلت منطقه الحراسات نضيفه وانا كنت داخل ع 140
والعربيه ع الارض لاني كنت محملها جامد وفجاه ظهر في الطريق حفرتين ورا بعض
ومعرفتش افادي او اضرب فرامل كان جنبي اكسنت سريع بردك
خدت الحفرتين ع سرعتي وطبعا حسيت بيهم جامد لان المساعدين مكنش فيهم مكان
والحمدالله الجنط خد من دا كتير عليه
اللي حصل نتيجه الحفرتين دول ان روحت ظبطت زوايا وغيرت اماكن الكاوتش
....
العربيه ع السفر كانت دايما بتبهرني مشغل تكيف والشنطه مليانه بمعني الكلمه وخمس ركاب والعربيه بتجيب ال 170 وعايزه تزود تاني لوحدها
لغايه هنا تمام
وجه معاد صيانه ال 20 وانا عالطول في توكيل رجب في اسكندرية
ودي تقريبا اول صيانه تبين التوكيل اللي اودامك
دخلت العربيه مفهاش كلمه سليمه بس لازم اعمل الصيانه
سلمت العربيه الساعه 10 استلمتها الساعه اتنين
طبعا رجب استراحته زباله والكراسي واقعه والتكيف ع اقل حاجه وحاجه مقرفه وكنا في رمضان مش مهم
طبعا قولتلهم هعمل صيانه العشرين وهغير زيت فتيس لاني نسيت اغيره قبل كده ومحدش منهم قالي انه مفروض يتغير-
وعايز كمان منكوا تظبطوا مؤشر عداد البنزين لان الشرطه الاخيره مش بتظهر
وعايز اسحب هوا من الفرامل واخليها ع التكه تمسك
..
استلمت العربيه وطلعت ع طنطا عالطول
العربيه كان سحبها تقيل بس قولت البوحيهات هتظبط بعد السفر
والفرامل مكنتش زي ما انا عايز لا بالعكس بقت اسوأ
وعداد البنزين بعد ما فولت ع الطريق طلع انه بيزيد مش بينقص وعدد الكيلوات اللي البنزين يمشيك بيها بيزيد هو كمان
....
طبعا التوكيل كان لما طلعت بيقفل -مواعيد رمضان-
وصلت طنطا الفرامل كانت حاجه زباله والسحب كان باظ خالص
والعربيه الصبح في التدوير ع الواقف وضغطت بنزين تحس ان العربيه هتبطل عند رقم معين من الامبير وترجع تكمل عادي
..
طبعا البوجيهات مضروبه
عملت شكوي وفين لما ردوا عليا
قالولي تعالي بكره-يوم وقفه العيد-قولت مش فاضي ..ادوني رقم وقال لما تيجي تروح الصيانه كلمنا ولغايه النهارده مرحتش.
العربيه كانت سليمه مفيش منها اي شكوي دفعت 810 جنيه
عشان حد يبوظلي العربيه
حاجات مضروبه وتوكيل ميفهمش
حاجه همه الوحيد ياخد فلوس بس
العمال اللي هناك والله لو صبي في ورشه يفهم اكتر منهم.
عايز نصيحتي تشتريها ولا لأ
هقولك لا ؟
صحيح العربيه عمرها ما كسفتني ولا عملت معايا شئ وحش الحمد لله بس
فيه ناس بتشتكي وعندها مشاكل
والتوكيل زباله وغبور منفض
بطريقه قليله الادب تحسسك انه فكهاني مش رجل اعمال
...
مواصفات العربيه
2airbags
ABS+EBD
اللوك بيقفل بعد 30 لوحده
سماعات تويتات
ايمبلوايزر
مرايات كهربا -ومرايات الضم موجوده برا التوكيل الاصليه -غبور راقض ينزلها
العربيه بمجرد ما تفتح الريموت بتنور اللمض كلها بشكل جميل
لما تقفل العربيه النور بيفضل شغال ويطفي لوحده
فتح الشنطه من السنتر
زجاج السايق ضغطه واحده
المرايات فيها سخانات والازاز الخلفي والامامي كمان
تسجيل لازم هيبوظ منك وتروح التوكيل هيصلحوه ع حسابهم لانه فيه عيب صناعه او بتغيره بردك ع حسابهم
سماعات محترمه ومش وحشه
فتيس م شي هو اللي بتحلم بيه وبردك مش معفن
حساسات رجوع كان ناقصها شاشه
انذرا ربط الحزام وانذار السرعه
الانتظار بيشتغل لوحده مع الفرمله المفاجأه-اه التوكيل لعب فيه بوظهولي بس مش هسيبهم-
لو ناسي باب او شنطه مفتوحه العربيه مش هتسيبك
لو فتحت العربيه ومركبتهاش العربيه بتقفل اللوك لوحدها
الاستبن جنط حديد بنفس المقاس للعجل -مش جنط رفيع وصغير بتاعه سرعه محدده-
الشنطة بحر -690 لتر تقريبا يعني زي الاستيشن - وبتتفتح من الريموت بغطه طويله
العربيه لو تايهه منك اضغط مرتين ع الريموت هتعمل صوت وتنور النور
السواق طبعا متحكم في الزجاج كله
التكيف بصراحه تحفه واللي يقول غير كده يطلع ع التوكيل ينفخهم
ايام الحراره 48 قعد 20 ساعه وكان بقا تلاجه عقبال ما حراراه العربيه طلعت
ومع الشد بيزيد ومش بياثر ع العربيه نهائي -ولو حسيت غير كده اطلع ع التوكيل عندك عيب -
دراع الاشارات او حركته نصه حركة بيشغل الاشاره مرتين ويطفيها -ينفع في الغرز-
حساسات لنور الشبوره بيشتغل لوحده - وممكن تلغيه في التوكيل
الكراسي جلد
الطبلوه خاماته مش حلوه بس م شي وحشه اووي
بس افضل من تابلوه الافيو واللانوس والصني كمان
وطبعا الاحسن طابلوه البيجو 301
...
فيها ايه يا عم غبور لو كنت نزلتها فئات ونزلت فتحه سقف
ومرايات ضم كهربا
وتاره جلد وتكيف خلفي وحطيت شويه الوان فاتحه ف التابلوه
كان زمانك بتنافس بجد
ولو صرفت شويه وحليت مشكله الصدا اللي ظهرت عند ناس -ربنا يعوض عليها-
فيها ايه لما تخليها سعرها ١٠٠ اقل حاجه وتبطل سرقه .
العربيه برا وهم وهم وهم والخامات مختلفه تماما والمواصفات حاجه وهم
منه لله التوكيل المصري
رقم العضوية : 122945
تاريخ التسجيل : 10Apr2012
المشاركات : 982
النوع : ذكر
الاقامة : Zagazig
السيارة: kia cerato 2012 high line
السيارة[2]: كانت Skoda Fabia 2004
دراجة بخارية: M3andish
الحالة :
مية المية ......... تقريرك حقيقى من واقع التجربة ........ وأسيادنا راضيين عليك
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
تقرير ممتاز
الخلاصه انةالعربيه ممتازه
لكن الوكيل زباله
للعلم كل التوكيلات كده
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 146702
تاريخ التسجيل : 29Jul2013
المشاركات : 24
النوع : ذكر
الاقامة : أبو ظبي
السيارة: ELANTRA 2012 HYUNDAI
السيارة[2]: VW PASSAT 2006
الحالة :
السلام عليكم
تسل ايدك علي التقرير غير المتحيز ده من زمان عايز اقرا حاجه عن العربيه دي من مالكها بانصاف
حضرتك نصحت الناس متركبش العربيه وانا ليا اضافة بسيطة جدا : عربية حضرتك حالة شاذة من الايمجراند ! مزاياها ممتازه وشنطتها واسعه ولكن ناس حياتها راحت بسبب عدم الرقابة علي غبور وانه نزل الايمجراند 7 علي نفس خطوط انتاج الفيرنا ولم يتم زيادة عدد عمال المصنع ودا احد اسباب عيوب التقفيل اللي ناس كتير بتشتكي منها
انا كمان شوفت صورتين علي جروب ع الفيس بيهاجم غبور جدا بسبب العربيه واحده منهم العربيه لافيت علي الشجرة ! بعد ما عامت علي 120 !! والاتنين اللي فيها شاب وخطيبته الله يرحمهم التانيه العربيه اتقلبت علي طريق صحراوي في الرمل والقوايم اتعوجت تماما والسقف نزل ع الركاب والله شكل ملامحها مش باين بس علشان اتقلبت ع الرمل الحمد لله اللي كان سايق سليم بس الله يرحم الشاسيه
الغرض من كلامي ان ممكن العربيه دي تنزل اي بلد محترمه تكون عليها ضوابط من وزارة الاقتصاد وجهاز حماية المستهلك فيكون الوكيل خايف يجيب لك حاجه تعمل مشاكل لانه عارف انه هيتخالف و المبالغ ف الدول دي بتبق تعويضات محترمه فعلا لو ليك حق , فالازمه مش ف العربية ذاتها اد ما هيا في استهتار غبور بالاجزاء المستورده واصراره علي الخامات الرخيصة الرديئة وعدم مراعاة العامل المصري كمان في التقفيل ربنا يكفيك شرها ويجازيك خيرها
تحياتي
رقم العضوية : 3275
تاريخ التسجيل : 18Nov2007
المشاركات : 1,753
النوع : ذكر
الاقامة : حاليا ... السعوديه
السيارة: لايوجد
السيارة[2]: إسبرانزا 516 2012
دراجة بخارية: لايوجد
الحالة :
رغم اعجابي بيها.. عمري ماهشتريها.. التقفيل المصري اصلا وحش.. وبتاع غبور كمان زباله.. تبقى البريليانس المستورده برقبتها وبنفس تمنها.. واللوجان برضه اغلى حاجه بسيطه.. لكن ايمجراند.. لايمكن.. لاني شوفتها هنا ف السعوديه وركبتها وعارف كويس الفرق الرهيب اللي بينها وبين اللي ف مصر.. كفايه ان الشكل اللي بينزل مصر وقف هنا من 3 سنين
أنا لا أعطي مفتاحين لأحد :
مفتاح سيارتي ......
ومفتاح قلبي .......
رقم العضوية : 49823
تاريخ التسجيل : 13Oct2009
المشاركات : 937
النوع : ذكر
الاقامة : مصر - ام الدنيا
السيارة: F3 2007
السيارة[2]: جولييت
الحالة :
عربية مشاكلها اكتر من مميزاتها .
لو انت عربيتك كده فعلا ربنا يباركلك فيها
( ادخلوا مصر ان شاء الله امنين )
رقم العضوية : 105866
تاريخ التسجيل : 30Jun2011
المشاركات : 1,546
النوع : ذكر
الاقامة : Cairo
السيارة: I have not had it yet
السيارة[2]: Suzuki Maruti
الحالة :
بسم الله الرحمن الرحيم
أخى الفاضل
لك من كل الإحترام و الإعجاب لأنك إنسان أمين فعلآ و صادق أنا أتمنى أن يكون بعض أعضاء المنتدى (و ليس كلهم أكيد) صادقين و أمناء مثلك لأن الذى يعطى طالب المشوره معلومه خاطئه و مشوره كاذبه لا يدرك أنه يتسبب فى خساره لهذا الإنسان بمبالغ كبيره.
تحيه منى لك :018a1d~146:
السلام عليكم و رحمة الله و بركاته
رقم العضوية : 105866
تاريخ التسجيل : 30Jun2011
المشاركات : 1,546
النوع : ذكر
الاقامة : Cairo
السيارة: I have not had it yet
السيارة[2]: Suzuki Maruti
الحالة :
رقم العضوية : 24371
تاريخ التسجيل : 07Nov2008
المشاركات : 6,251
النوع : ذكر
الاقامة : القاهرة
السيارة: لايوجد
السيارة[2]: لايوجد
دراجة بخارية: لا يوجد
الحالة :
رقم العضوية : 144619
تاريخ التسجيل : 30May2013
المشاركات : 26
النوع : ذكر
الاقامة : المعادى
السيارة: ماروتى
السيارة[2]: شيرى
الحالة :
سيارات الموت فى مواجهة توكيل غبور
المفضلات