الاحساس المزمن بالاشتياق لأيام زمان

**3abdo.it** · 15-08-2015 07:35 PM

انا عندي مشكله ممكن معظمكم يعتبرها تافهه بس تعباني اوي وبيجيلي شعور بالاكتئاب بسببها .. ابقا في عز الشغل او انشغالي بشئ ما ويجيلي شعور مفاجئ بالاشتياق لاحلى فترات عمري.. ما بين سنه 2000 لحد 2006 يعني تقريبا فتره الاعداديه والثانويه. أفضل افكر في أيام الصحاب والهذار والدراسه وعدم تحمل مسؤولية أي حاجه غير النجاح الدراسي وكل دي حاجات مفتقدها الآن جدا وبيجيلي شعور بالاكتئاب لما افتكرها خصوصا أن بقالي فتره مريض جسمانيا مش عارف ابطل تفكير ازاي في الذكريات دي

**Bassem Youssef** · 15-08-2015 08:13 PM

بالعكس

المفروض تتطلع للمستقبل

احنا كنا عبط اوي و مغفلين و مضحوك علينا

بالرغم من مساؤي الحاضر

الا اني بحمد ربنا ان حقايق حاجات و ناس كتير انكشفت الفتره اللي فاتت

**rotanamasoud** · 15-08-2015 10:07 PM

كلنا نشتاق للماضى
من مقولات هتلر
نحن نحب الماضى لانه ذهب ولو عاد لكرهناه
تاملها جيدا

**micromoud** · 15-08-2015 10:20 PM

الحالة دى اسمها "نوستالجيا"
هو مصطلح يستخدم لوصف الحنين إلي الماضي، أصل الكلمة يرجع إلي اللغة اليونانية إذ تشير إلي الألم الذي يعانيه المريض إثر حنينه للعودة لبيته وخوفه من عدم تمكنه من ذلك للأبد.تم وصفها علي انها حالة مرضية أو شكل من اشكال الاكتئاب في بدايات الحقبة الحديثة ثم أصبحت بعد ذلك موضوعا ذا اهمية بالغة في فترة الرومانتيكيه. في الغالب النوستالجيا هي حب شديد للعصور الماضية بشخصياتها واحداثها.

**ahmedfor3** · 16-08-2015 09:01 AM

هذا يحدث معاك عند شعورك بالوحده وابتعادك عن الاهل والاحباب لفترات طويله ولمعالجة هذا يجب ان تبدا فى زيارة احبابك واصحابك والا لماذا امرنا الله عز وجل بصلة الرحم ويجب تغير بعض العدات مثل الجلوس فى المنزل لفترات طوليه بعد عودتك من العمل يجب ان تخرج للتنزه وتغير الجو وان شاء الله يصلح حالك

**3abdo.it** · 16-08-2015 01:01 PM

المشاركة الأصلية كتبت بواسطة micromoud

الحالة دى اسمها "نوستالجيا"
هو مصطلح يستخدم لوصف الحنين إلي الماضي، أصل الكلمة يرجع إلي اللغة اليونانية إذ تشير إلي الألم الذي يعانيه المريض إثر حنينه للعودة لبيته وخوفه من عدم تمكنه من ذلك للأبد.تم وصفها علي انها حالة مرضية أو شكل من اشكال الاكتئاب في بدايات الحقبة الحديثة ثم أصبحت بعد ذلك موضوعا ذا اهمية بالغة في فترة الرومانتيكيه. في الغالب النوستالجيا هي حب شديد للعصور الماضية بشخصياتها واحداثها.

بالظبط دا الى عندى

متعرفش بقا اتخلص منة ازاى