أين ذهبت اسبيرنزا ؟؟؟؟؟؟؟؟؟ - موضوع للمناقشة لعشاق اسبيرنزا -
أين ذهبت اسبيرنزا ؟؟؟؟؟؟؟؟؟
ياجماعة الخير ، فى حد يعرف اين ذهبت اسبيرنزا ؟ وما هو سر اختفاؤها من الساحة ؟
فين موديلات اسبيرنزا ال فى السوق ؟ فين العربيات ال عند المعارض والموزعين ؟ وفين الموزعين اصلاً (الموزعين الكانوا أساسيين عند أبو الفتوح سابوا التوكيل واشتغلوا في عربيات تانية وبرضة صيني)
فين الاعلانات والدعاية ، والمشاركة فى المعارض، ومارينا ،،، الخ ، حتى لما ابو الفتوح نزل الدفعة الوحيدة من التيجو 1600 اتوماتيك ، منزلش ليها ولا اعلان واحد ، والعرف انها نزلت عرف بالصدفة (ودى عن غير سياستة البيعية والتسويقة من ايام البى ام دبليو)
فين حصة اسبيرنزا فى سوق السيارات المصرى وال كانت بتحتل المرتبة 4 الى 5 لاكثر من سنة – وال تراجعت خلال العامين 2014-2015، بشكل ملحوظ ! ! !
سؤال محيرنى من فترة،،،، وبداء يزيد عندى التساؤل لما كنت مع واحد صديقى بيشترى عربية جديدة....
وبطبيعة الحال لفينا على اكتر من معرض ، وكنت بسأل عن الاسبيرنزا فى جميع المعارض ال رحناها ، وكانت الاجابة تقريباً واحدة ..... مفيش عربيات اسبيرنزا فى السوق ، ابو الفتوح معدش بينتج غير نوعين (تيجو مانيوال ، انفى) وبكميات محدودة جداً !!!!!!
التكهنات السمعتها اتخلصت فى الاتى :
1- ابو الفتوح بيخرج من السوق.
2- ابو الفتوح هيبيع التوكيل.
3- ابو الفتوح عندة مشاكل مادية كبيرة ، مؤثرة على الانتاج والتصنيع.
4- المنافسة ، وكترة وتنوع الصينى المعروض فى السوق، اثر على الاسبيرنزا.
معقولة بعد كل النجاح الحققتة العربية فى السوق منذ بداية تقديمها عام 2006 ، وتنوع الموديلات والطرازات ، تكون دى نهاية اسبيرنزا ؟؟؟؟؟؟؟؟
بجد ياجماعة انا زعلان لانى بحب العربية دى بجد ، وعلاقتي بيها بدأت من عام 2006،،، يعنى فى ارتباط طويل معاها.. رغم انى حالياً موش راكب اسبيرنزا ، ودى نتيجة ان ملقيتش منها اتوماتيك وانا بغير العربية السنة الفاتت.
تفتكروا دى نهاية اسبيرنزا ولا مرحلة انتقالية ، ولا سياسة إنتاجية/ تسويقه معينة ، ولا اية هو السبب ؟؟؟؟؟؟
تفتكروا هل ستعود اسبيرنزا كما كانت من قبل ؟؟؟؟
موضوع للمناقشة لعشاق الاسبيرنزا ،،،،،،،،،،،،،،،،
