الموضوع: ممكن موقع اجنبى لمتابعة درجات الحرارة الفعلية لحظة بلحظة

http://www.weather.com/weather/today/l/EGXX0004:1:EG

الفكرة في درجة الرطوبة
كلما زادت الرطوبة زاد احساسك بالحرارة وزاد تعرقك ايضا

مرحبا أخي الكريم
طلبك موجود لدى خدمة الطقس الذي يقدمها موقع MSN فضلا قم ( بالضغط هنا )

على حد علمى كل المواقع دى بتاخد قرائتها من محطة رصد الحرارة المحلية إللى هى تابعه لهيئة الأرصاد يعنى الحرارة الفعلية مش هاتعرفها برده لأنهم بيعلنوا إللى همه عايزينه لأسباب أمنية / سياسية

لأن لو الحرارة وصبت 50 القانون بيقول أجازة لكل الناس وده لو حصل وقف حال

المشاركة الأصلية كتبت بواسطة mr_green

على حد علمى كل المواقع دى بتاخد قرائتها من محطة رصد الحرارة المحلية إللى هى تابعه لهيئة الأرصاد يعنى الحرارة الفعلية مش هاتعرفها برده لأنهم بيعلنوا إللى همه عايزينه لأسباب أمنية / سياسية

لأن لو الحرارة وصبت 50 القانون بيقول أجازة لكل الناس وده لو حصل وقف حال

ودة اللى انا خايف منة ان المواقع العالمية بتاخد مننا مش بتعطينا

طيب والاقمار الصناعية دى ملهاش اى لازمة لينا يعنى ؟؟؟؟؟؟؟؟؟

هيئة الارصاد المصرية عضو في الهيئة العالمية للارصاد زي باقي 200 دولة بتاخد منهم وتعطيلهم - في مصر محطات رصد اتوماتيكي وبيحصلها تحديث تلقائي مع المنظمة العالمية للارصاد بدون تدخل الهيئة التحديث ده بيحصل كل ساعة زي المحطات الموجودة في المطارات الدولية والاقليمية او كل 3 ساعات زي محطات بعض المطارات المحلية او كل 6 ساعات زي باقي المحطات المحلية وفيه محطات اخري مش مربوطة بالشبكة دي ودي بيانتها داخلية ومااكترها في مصر المحطات اللي ممكن تحصل علي قرائتها للضغط والحرارة واتجاه وسرعة الرياح وحالة السحاب فوق المحطة ومستوي الرؤية الافقية والامطار - زي محطة مطار القاهرة - الاسكندرية النزهة وبرج العرب محطة السلوم ومرسي مطروح محطة بلطيم محطة مطار الجميل محطة الاسماعيلية محطة الغردقة وشرم الشيخ راس سدر وسانت كاترين والعريش محطة جنوب الوادي محطة اسوان وشلاتين
للاسف مفيش محطات اتومتيك مربوطة بالنت في الدلتا - لكن فيه محطات داخلية تبع الهيئة وبيانتها داخلية يعني الهيئة بس اللي تعرفها
مواقع الطقس بتاخد بيانتها من المنظمه العالمية للارصاد - طيب لما تكون عاوز مكان مافيش فيه محطة - بتحسبلك قراءة اقرب محطة ليك
ظهر من حوالي سنتين محطات للهواه في مصر وساعات كتير بتكون مربوطة بالشبكة خصوصا في الشتا ممكن تعرف منها معلومات مفيده المحطات دي ملها ش علاقة بهيئة الارصاد ومعلوماتها مابتكونش دقيقة قوي بسبب عدم تركيبها بالشروط القياسية لكنها مفيده المحطات دي مربوطة وتعرف بيانتها عن طريق موقع ويندرجرويندد
- احساسك بالحرارة مرتبط وبوضعك انت في الظل ولا في الشمس وجود نوع اللبس وجود امراض اتجاه الرياح حالة الرطوبة قربك من مسطحات خضراء او شوارع مزدحمة وعوادم سيارات