فكر حلوة طبعا يا ابو يوسف
جزاك الله خيرا :)
رقم العضوية : 41767
تاريخ التسجيل : 03Jun2009
المشاركات : 1,505
النوع : ذكر
الاقامة : Cairo
السيارة: ___
السيارة[2]: Cerato 2006
دراجة بخارية: !!
الحالة :
السلام عليكم
أتمنى يكون الموضوع دا لطرح الافكار والمناقشات حول الوسائل البسيطة والسهلة لزيادة الدخل بجانب الوظيفة
الوسائل دي منها اللي هايكون متطلب وجود سيارة ومنها اللي هايتطلب وجود رأس مال بسيط ومنها اللي مش محتاج غير وقت ومجهود
واتمنى يكون هدفنا اننا نخدم بعض واللي عنده معلومة او خبرة في حاجة معينة ميبخلش بيها وان شاء الله هايشوف نتيجة دا بركة وزيادة في رزقه لو حد انتفع بفكرة هو قالها
هابدأ بطرح 3 وسائل أول وسيلة هاتحتاج سيارة ومبلغ والتانية هاتحتاج سيارة فقط والتالتة مش شرط سيارة ولا مبلغ
الفكرة الأولى: التوزيع
لو عندك سيارة ومبلغ في حدود 5000 الى 15000 ممكن تتعامل مع شركات الأغذية وتاخد منهم منتجات ويفضل يكون منتج واحد علشان تاخد كمية كبيرة ويكون البونص كبير
وتوزع على تجار الجملة او القطاعي
يعني مثال علبة شوفان بتتباع للمستهلك ب 12 ج والكرتونة 20 علبة .. المصنع بيبع الكرتونة ب 160ج يعني العلبة ب 8ج ولو اخدت 100 كرتونة هاتاخد 6 كرتونات بونص يبقى العلبة ب7.5ج
(( معرفش بالظبط المكسب في الجملة بيوصل كام .. يعني لو جنيه او 2 ج في العلبة هايكون كتير ولا قليل))
لو بمكسب 1ج او 2ج في العلبة يعني 16000ج ممكن يكسبوا من 2000ج ل 4000ج
ممكن نوع تاني من التوزيع الأكياس والشنط المستخدمة في المحلات دي حاجة استهلاكية جدا ومطلوبة بصفة دورية وبرضه ممكن تكسب في الكيلو 1ج او اكتر والطن بحوالي 15000ج
ولو فيه محل عايز يطبع شنط ممكن تعمله التصميم والاكلاشية وتطبع له وتورد وبيبقى المكسب اكتر يعني ممكن 3ج في الكيلو
وبرضه ممكن توزيع على المطاعم اطباق فوم واكواب بلاستيك
افكار التوزيع كتير واساسها انك تشتري جملة وتعمل تخفيض على أد ماتقدر وتوزع وممكن تعمل تسهيلات في السداد علشان تكسب العملاء
الفكرة التانية:
دورات توصيل للمدارس والحضانات
دي طبعا محتاجة سيارة وشوية اعلانات تتلصق على المدارس والحضانات اللي في طريق شغلك وتحدد الخط اللي هاتشتغل عليه واعتقد الفرد بيدفع من 150 ل 200ج شهريا يعني ممكن لو عملت دورتين يبقى ممكن تزود دخلك 1500ج شهريا
الفكرة التالتة:
التجارة اون لاين
هاتعمل حساب على مواقع البيع اون لاين زي سوق وجوميا .. إلخ
وتعرض السلع بطريقتين:
أولا: ممكن تشتري منتجات من المواقع الصينية زي علي اكسبريس وغيره من اللي بتبيع بالقطعة مش جملة وتعرض على حسابك بالموقع مع زيادة في السعر لمكسبك وتعمل حساب عمولة الموقع ..
الطريقة الثانية : ممكن تتابع الستورز الكبيرة لما تعمل عروض وتخفيضات أو حتى من غير عروض تروح وتصور المنتجات وتعرضها على حسابك بموقع البيع مع حساب مكسبك وعمولة الموقع ولما يجيلك طلب شراء تروح تشتري المنتج من مكانه وكدا انت مش خسران حاجة ومش هاتشتري المنتج الا لما يكون مطلوب ونفس الكلام ممكن يتنفذ مع معارض بيع الاجهزة او الادوات المنزلية بالجملة تفهمهم انك هاتبيع اون لاين وتصور المنتجات من عندهم ومتشتريش غير لو جالك طلب شراء
ولو انت في محافظة او مدينة بتتميز بنوع معين من المنتجات مش منتشر مثال سجاد يدوي او مشغولات ممكن تستخدم نفس الفكرة تعرض وتشتري عند طلب الشراء
وفي كل الأحوال محتاج تعمل شوية دعاية بمصاريف بسيطة على جوجل او على موقع البيع نفسه..
الافكار دي طبعا عرضة للصواب والخطأ ياريت تضيفوا ارائكم واقتراحاتكم وخبراتكم لننفع بعضنا البعض عملا بقول رسول الله صلى الله عليه وسلم: "من استطاع منكم أن ينفع أخاه فليفعل"
من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه
رقم العضوية : 162416
تاريخ التسجيل : 08Jul2014
المشاركات : 2,785
النوع : ذكر
الاقامة : ☆☆☆☆☆☆☆☆☆☆☆☆☆☆
السيارة: ☆☆☆☆☆☆☆☆☆☆☆☆☆☆
السيارة[2]: ☆☆☆☆☆☆☆☆☆☆☆☆☆☆
دراجة بخارية: ☆☆☆☆☆☆☆☆☆☆☆☆☆☆
الحالة :
فكر حلوة طبعا يا ابو يوسف
جزاك الله خيرا :)
سبحان الله و بحمدة سبحان الله العظيم
لا اله الا الله محمد رسول الله
رقم العضوية : 60220
تاريخ التسجيل : 27Jan2010
المشاركات : 413
النوع : ذكر
الاقامة : مصر
السيارة: ----------------------
السيارة[2]: هوندا سيفيك 2010
دراجة بخارية: BAJAJ 220DTSI
الحالة :
افكار حلوه و احب اضيف فكرة ماكينة طباعه على التيشيرتات سعرها رخيص و ليها سوق
kingrace سابقا
رقم العضوية : 161834
تاريخ التسجيل : 23Jun2014
المشاركات : 71
النوع : ذكر
الاقامة : القاهرة
السيارة: لا يوجد
السيارة[2]: ميجان
الحالة :
والله إنت جيت على الجرح
أنا نفسى أسيب الوظيفة و أشتغل لحسابى بس مش لائى المجال أو الفكرة
ربك ييسرها و يرشدنى للى فى الصالح إن شاء الله
و ييسر لكل واحد مجتهد و يرزقه من حيث لا يحتسب
رقم العضوية : 71407
تاريخ التسجيل : 24May2010
المشاركات : 1,379
النوع : ذكر
الاقامة : cairo
السيارة: ربنا يسهل
السيارة[2]: النترا 2000
دراجة بخارية: لا يوجد
الحالة :
أفكار جميلة
[frame="10 70"]ما كان لله دام واتصل، وما كان لغير الله انقطع وانفصل[/frame]
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
ربنا يجازيك خير
اضيف بس ان في التجاره الموضوع مش صعب و وممكن يتعمل بعربيه صغيره او تريسكل ومكسبه مربح جدا
رقم العضوية : 107011
تاريخ التسجيل : 08Jul2011
المشاركات : 169
النوع : ذكر
الاقامة : giza
السيارة: polonez 89
السيارة[2]: Jeep Wrangler 84
الحالة :
ربنا يبارك فيك يا ابو يوسف ويجازيك ويرزقك الخير
رقم العضوية : 41767
تاريخ التسجيل : 03Jun2009
المشاركات : 1,505
النوع : ذكر
الاقامة : Cairo
السيارة: ___
السيارة[2]: Cerato 2006
دراجة بخارية: !!
الحالة :
افيدنا لو لك خبرة بالموضوع وممارسة فعلية
هل ممكن اي شخص يشتغل بشكل مستقل ولا تجار الجملة مش بيتعاملوا غير مع المندوب؟
ونسبة الربح ممكن تكون اد ايه في منتج زي اللي ضربت بيه المثل "علبة الشوفان"
ونظام الدفع بيكون كاش ولا دفعات ؟
وايه افضل السلع اللي ممكن حد يبدأ بها؟
من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه
رقم العضوية : 173400
تاريخ التسجيل : 22Mar2015
المشاركات : 1,345
النوع : ذكر
الاقامة : السعودية
السيارة: صنى2004
السيارة[2]: التو
الحالة :
و عليكم السلام
جزاك الله خيرا
لا تمكّن زائغ القلب من أذنيك، فإنك ما تدري ما يعلقك من ذلك.الإمام مالك* الموطأ.
المفضلات