استشارة من الاخوة المهندسين (ميكانيكا)
دلوقتي يا جماعة انا قدامي ان شاء الله 10 ايام واخلص جيشي
فبصراحة محتار اعمل ايه:
انا خريج ميكانيكا انتاج عين شمس (جيد) قدامي اختيارات كتير :
اركز في كورسات انجليزي عشان اطور من الانجليزي بتاعي
واركز في كورس الماني عشان اعرف اسافر واكمل دراستي في المانيا
اسجل ماجستير
اركز في كورسات (جودة- لحام .................................)
ولا اشتغل في اي مكان
انا دلوقتي مرتاح لفكرة اني اركز على اللغات والكورسات التيكنيكال ويمكن كمان اسجل معاهم ماجستير عشان لما اجي اشتغل ابدأ في شركة كبيرة فهل كدا انا ماشي صح؟؟ ولو اه ياريت اقتراحات للكورسات وهل اركز في محال واحد يعني جودة بس او لحام بس ولا اكتر من مجال؟
غير كده انا بصراحة مش عارف انا هحب اشتغل في ايه يعني مثلا انتاج ولا جودة ولا R&D ولا supply chain فازاي اعرف انا بحب ايه فيهم وانا اصلا مجربتش على ارض الواقع؟
ياريت لو كل واحد يحكي عن تجربته كمهندس لسه متخرج وازاي اشتغل وخد كورسات ايه ؟
وشكرا مقدما