بروتون بيرسونا 2014 اوتو ولا لوجان 2016 اوتو

**jenghi** · 17-08-2015 04:53 AM

السلام عليكم و رحمة الله و بركاته
انا لسه جديد في المنتدي بس المنتدي ما شاء الله مليان بالمعلومات ومفيد جدا
انا بقالي ساعات مش بعمل حاجة غير اني بقرأ المواضيع اللي علي المنتدي
بس كان ليا استفسار بسيط بعد اذنكم
انا ادامي بيرسونا 2014 اوتوماتيك عاملة حوالي 118 الف او 120 الف كم
و لوجان 2016 اوتوماتيك الفئة الثانية
انا مش شاطر في العربيات بس من قراءاتي لقيت
ان البيرسونا توكيلها زي الزفت ، وانها حوت في استهلاك البنزين وقطع غيارها أغلي.
و لو حد من ذوي الخبرة يقولي البيرسونا ديه تعملها كام ولو صيانة ال 10الاف متعملتش، هل العربية تطلع من التوكيل والضمان ، ولا ممكن تروح تعمل الصيانة بتاعتها عادي ( البيرسونا لم تعمل غير صيانة ال 1000 بس )
اسف علي الاطالة، بس ارجو حد يساعدني لاني محتار جدا
خاصة اني حاجز اللوجان بس لما لقيت البيرسونا المستعملة ديه أعدت تفكيري وبفكر اجيبها
شكرا للمنتدي الرائع ده بجد

**M.Gomaa** · 17-08-2015 12:24 PM

أنا سامع إن البيرسونا إستهلاكها للبنزين عالى نسبيا مقارنتا بنفس العربيات اللى فى نفس فئتها, بس ملاكها بيشهدوا لها بالثبات و الإعتمادية.
عموما أنا ليا وجهة نظر فى البيرسونا اللى حضرتك بتتكلم عنها, حضرتك مش ملاحظ إنها ماشية كتير بما إنها لسه موديل سنة أو سنة و نصف فاتت. يعنى كانت بتعمل حوالى 75 ألف كم فى السنة وده رقم إلى حد ما كبير, المتوسط إن إستخدام العربية فى السنة الواحدة من 20 ألف إلى 35 ألف كم.
أما بالنسبة للوجان فأنا معرفش عنها حاجة أوى بس وجهة نظرى الوحيدة إنها زيرو و لسه فى الضمان لكن البيرسونا أكيد خرجت من الضمان علشان عداد الكيلومتر.

**jenghi** · 17-08-2015 03:56 PM

ألف شكر لرد حضرتك بجد
أنا مش شاطر في المنتديات ، و أنا متأسف كتبت غلط
البيرسونا عاملة 18 الف الي 20 الف كم وليس 118 او 120 الف كم
يا ريت لو حضرتك ليك اضافة في ضوء التصحيح
و يار يت لو حد ليه أي رأي أو إضافة أخري يبقي جزاه الله خيرا
و ياريت لو حد يقولي هي بحالتها و وضعها ده تعملها في حدود كام تقريبا
و هل فعلا بيرسونا تستحق المجازفة و التنازل عن لوجان 2016 الجديدة ولا لأ