بأفكر في شراء لوجان 2016 اوتوماتيك لزوجتي
* هي لوجان الاوتوماتيك اول مرة تنزل في 2016 ؟
* فيه فرق في موتور الاوتوماتيك عن المانيوال ؟
* فيه فرق في 2016 عن 2015 ؟
* الموتور 8 ولا 16 صباب؟
* حد عنده ملف للبروشور ؟
* ايه اكتر ميزة في العربية ؟
* ايه اكتر عيب يضايق في العربية ؟
شكرا
اكتر عيييب بالنسبة لي كهربتها
بس لو حضرتك هتصلح فى التوكيل مفيش مشكلة .. انا بتكلم لو هتصين خارج التوكيل
تانى عيب مش ثابتة زى الافيو .. بس لو سواقة متعديش 120:100 يبقى تمام
عرفت دلوقتي من التوكيل ان اللوجان اوتوماتيك بموتور الميجان القديم 16 صباب و 110 حصان
غير موتور المانيوال
اقتباس:
المشاركة الأصلية كتبت بواسطة hesham fawzy h
اخوك مدوبهم 3 رينو
ميجان ثم فلوينس ثم سينيك .. مافيش مشكلة فالكهربا بره التوكيل غير لو وديتها لحد مابيفهمش فيها
هي الافيو ثابتة ؟ ههههههههههههه.. اضحكتني
طبعا ما اقدرش ازيد على كلام الاخوة الافاضل بس نرد نقطة نقطة علشان صاحب الموضوعاقتباس:
المشاركة الأصلية كتبت بواسطة hegazio
1-اللوجان الاوتو مش اول مرة تنزل في 2016 هو هو الفتيس الاوتو بتاع 2012 و ما بعدها و ليس له مشاكل معروفة
2- في فرق ان الماتور المانوال 8 صباب بيطلع 90 حصان و الاوتو 16 صباب بيطلع 110 حصان
3-يرجع فيها للتوكيل لان البورشور اللي معايا بتاع 2015 و واضح انهم عيروا شوية في المواصفات لانهم لغوا الفئة التالتة مانيوال (سالنا عليها)
4-الاوتو 16 و المانيوال 8
5-البورشور اللي معايا بتاع 2015 بتاع 2016 ممكن يبقى فيه تغييرات بالنسبة لمواصفات العربية
6-السعر-الامان (ايرباج-abs)-شكلها احلى من القديمة-عالية عن الارض-شوية الاوبشن اللي في الفئة التالته (حساس الركن-المالتي-مثبت السرعة-الdvd)
7-اعتمادا على كنت راكب ايه قبلها لان الخامات مش قد كده (علشان السعر)-القعدة لمن هم ضخام الجسم (انا واحد منهم) مش بتبقى مريحة
تمام كده
و انا باجمع شوية مشاركات
تقريبا مشكلة العربية في التكييف .. بس احتمال يبقي في الاوتو احسن من المانيوال سيكا
و مشكلة تقطع و تقف لما تبقي جايب الدركسيون علي اخره
مشكلة البوابة اللي بتتغير بدري شوية
يعني .. كلام من ده
منور القسم يا كبير و ليك وحشهاقتباس:
المشاركة الأصلية كتبت بواسطة hegazio
أنا كمان حجزت و دفعت و هستلم الورق الأسبوع القادم إن شاء الله
هستلم مانيوال أول فئة لون شامبين موديل 2016
الألوان المتاحة حالياً للحجز من التوكيل: أسود - نبيتى - فضى - شامبين
كل التسليمات 2016
مفيش أى تعديل عن 2015
العربية واسعة من ورا مفيش كلام
العربية شنطتها كبيرة مفيش كلام
أنا جايبها للمدام و عليها سائق
ركزت فى المانيوال علشان أطلع من مشاكل الأتوماتيك و خصوصاً أنه نفس فتيس الميجان ii و أنت سيد العارفين طبعاً مع الزحمة و الحر ( سولونويد فالف، تفويت ضغط و تغيير أولسيلات الأحكام أو ما يسمى شنابر ديل) مع العلم أنه من أخر 2012 بينزل فى اللوجان و مفيش منه مشاكل.
الموتور المانيوال 8 صباب و 90 حصان أقصى قدرة
الموتور الأتوماتيك هو هو بتاع الميجان 2007 و أنت طالع 16 صباب 110 حصان أقصى قدرة
أنا عارف أنا عايز إيه و خصوصاً إنى طالع من كليو 1400:
صالون خلفى أوسع بكتير
شنطة أوسع
تكييف أفضل بمراحل
موتور أقوى
سعر معقول بالمقارنة بمثيلاتها 87000 (فرنا و لانوس و byd)
العربية عالية عن المطبات و لكن ده مأثر على الثبات فى السرعات العالية
- اللوجان الجديدة مفهاش عيوب بوابة
- حساسة أكتر للبنزين علشان مواصفات الأتحاد الأوروبى (لازم بنزينة نظيفة شوية غير اللوجان القديم) بس مش مشكلة محسوسة
- دبرياج بيفصل عالى و لازم تاخد بالك علشان متكولش طقم دبرياج بدرى
- تيل فرامل بيتغير بدرى 10-15 ألف و خصوصاً لو أتوماتيك
- بعض السيارات فيها مشكلة قطمة دريكسيون و بتتغير تحت الضمان و لكن بتنتظر شوية
- بعض عيوب التقفيل المغربى المعتادة (صوت و خلافه) و لكنها مش قاتلة و التوكيل بيلمها
- صيانة كل 10 ألاف فى حدود 600-800 حسب الصيانة
- إستهلاك البنزين عالى جوه البلد و ممتاز على السرعات
* العربية تعتبر صفقة مقبولة جداً بالنسبة لى كسعر و سواقة داخل البلد و سفر خفيف جداً مع سرعات لا تتعدى 120
* العربية ماسكة سعر ممتاز فى إعادة البيع و قلبت موازين الرينو
تحت أمرك فى أى إستفسار
تحياتى
حبيبي يابو هاني..تمام كده
السؤالين الجامدين بقي:
* حد معاه او جرب الاوتو و المانيوال الشكل الجديد..عشان يقول هل فرق الاداء لصالح الاوتو ملحوظ ولا ﻷ؟
هل كفاءة تبريد الاوتو ملحوظ انها افضل من المانيوال ولا ﻷ؟
و اخيرا..بعد استبعاد ال ميتسوبيشي اتراج..فكرت في السوزوكي سويفت ديزاير سيدان ؟؟
انا بقول مش ثايتة زى الافيو = يعنى هم الاتنين مش ثابتين . وصلت ولا لسة هههههههههاقتباس:
المشاركة الأصلية كتبت بواسطة hegazio
انا بتكلم لو انت فى الساحل او اى مصيف او اى منطقة انت مش عارفها و حصلت مشكلة فى الكهرباء هتعمل اييية ؟؟؟
دبرياج بيفصل عالى و لازم تاخد بالك علشان متكولش طقم دبرياج بدرىاقتباس:
المشاركة الأصلية كتبت بواسطة hany saad
يعنى اية بيفصل عالى ؟؟
كعادة أغلب السيارات و خصوصاً الأسيوى، أول ما تبتدى تشيل رجلك من على الدبرياج حاجة بسيطة بيكون رجع التعشيق لمكانه و باقى مشوار البدال ملهوش لازمه و فيه ناس بتريح رجليها على الدبرياج و البدال فوق دون تأثيراقتباس:
المشاركة الأصلية كتبت بواسطة hesham fawzy h
فى اللوجان، البدال محتاج يرجع مشواره كله علشان تمام التعشيق، فلو فضلت مريح رجلك سنه على البدال و انت سايق (زى ما كنت متعود) الأسطوانة بتحلق بدرى بدرى
تحياتى
فين بقي اجابة السؤال ؟اقتباس:
المشاركة الأصلية كتبت بواسطة hegazio
أنا معنديش المعلومة الأكيدة و يا ريت اللى جرب الأتنين فى نفس الظروف يقولنااقتباس:
المشاركة الأصلية كتبت بواسطة hegazio
على العموم أنا بعد أسبوع كده ممكن أعمل الأختبار ده علشان عربية مراتى مانيوال و تكييف بكر و فيه زميلى فى الشغل معاه أتوماتيك هاى لاين و تكييف اتوماتيك
بالنسبة لموضوع السويفت، أنا برده معنديش معلومات كافية عنها و لكنها شحيحة فى السوق فطبعاً هتتعبك قطع غيار و إعادة بيع بمقايس السوق المصرى
مش عايز أقولك اللوجان ماسكة سعر إزاى فى إعادة البيع ;)
تحياتى
شكرا لكل المشاركات الجميلة لكل من شارك
انا ناوى احجزها من التوكيل فى يناير القادم باذن الله لما اجمع القرشين
هل فى احتمالية ان سعرها يرفع ؟؟؟؟؟وهب التوكيل رخم فى التسليم من حيث المدة واللون وخﻻفة
فى احتمالية ان السعر يرفع لو الدولار رفع و ده شىء وارد لكن محدش يقدر يجزماقتباس:
المشاركة الأصلية كتبت بواسطة ehabhusseini
التوكيل الى حد كبير ملتزم بميعاد التسليم و بيسلمك اللون اللى انت عايزه، انا حجزت فى اواخر مايو تقريباً و استلمت فى نصف اغسطس....يعنى مدة الحجز ٢-٣ شهور و خلال المدة لو ظهرلوا عربية لون تانى بيكلمك يمكن تغير رأيك بخصوص اللون اللى انت عايزه مقابل انك تستلم بدرى
تحياتى
رينو لوجان 2016
جميع الكماليات /NAV / ناقل اوتماتيك هاى لاين
115,900 جنيه
طراز AT Comfort ..... اعلى فئة
ضمان
3 سنوات
أو
100000 كيلو متر