مهما يا سيدى يتميزوا بالغباء الشديد ف شهدوا على نفسهم
و لما شهدوا على نفسهم ماكنوش محتاجين دليل ولا حرز ولا بلاغ ولا شهود ولا قضيه
افطن بقى و افهم انت مع نفسك
السعوديه قالت ان هما مجرمين - ده يكفى ان احنا نصدقهم
ااااه يا قلبى
تعبت
عرض للطباعة
و بعدين من الاخر كيف تدعي بلد ما التدين ثم تجلب اكثر من 6 مليون هندي - و انتم تعلمون ما دين الهنود - ليعملوا بأراضي مقدسة , الاتوجد عمالة مسلمة و تحتاج الي العمل في مصر او سوريا أو بلاد المغرب أو السودان أو غيرها من بلاد المسلمين
الا توجد خبرات في الدول الاسلامية ( ماليزيا - اندونيسيا - مصر - سوريا - العراق - الاردن - المغرب ) لتحل محل الخبراء الاجانب من امريكا و أوروبا
كيف ترمي الناس بالكفر و ترتمي في أحضانهم
الم تمد السعودية يد العون الي الغرب في الازمة المالية الحالية بالتحويلات المالية الضخمة في حين انها لم تساند اي قطر عربي او اسلامي في محنته و تترك ابناء الصومال و السودان فريسة المجاعات و الحروب الاهلية
هل هذا هو التدين ؟ هل هذا هو الاسلام ؟
وهو حضرتك تعبان ليه يعني من كلامي
مش عاجبك سيبني اقوله وخلاص
طيب انا تاعب نفسي وبحرق دمي
انت حضرتك بقه بتحرق دمك معايا ليه
وليه حضرتك بتقلب الكلام على شخصي
حضرتك متضايق مني في شئ قولي
اما انك كل شويه تغلط وتتحدث على شخصي ده لن اقبله
مش كل شويه تتهمني وتقول انت مش عارف ايه ومش عارف ايه
ولما نيجي نشتكي نطلع عيال
طيب حضرتك عندك رد او مش عاجبك الرد بترد ليه وتشخصن في الكلام
للأسف اذا كان الحوار تعتبره عقيم فانت ممن تحاورت فيه
ومتهيألي ان محدش ضرب حد على ايده علشان يرد في موضوع مش عاجبه
وان كان هناك حميه فمتهيألبي اانت اقرب واحد لها بما انك متحامل علشان تعرف الدكتور واهله
وهذا ليس بدليل على برائته
ووجهة نظر وضحتها اني لا ارى ادلة تكذيب وارى حكم محكمة
وياريت لما تحب تتكلم على شخصي ممكن تكلمني انا وتقولي
مش تتكلم وتقول على لساني ما لم اقله ويبقى امر مسلم به عندك وعند غيرك اني فعلا قلت ما فهمته انت او بالأحرى ما تريد ان تفهمه انت
انا والله بستغرب على ردود حضرتك معايا واكنك تعرفني من سنين وبتعرف انا بفكر ازاي
وحسبي الله ونعم الوكيل في كل ظالم سواء القضاء السعودي او الدكتور المصري
معلش يا نور واحد بيتكلم عن اساسيات الاسلام وهى الصلاة والحجاب وغيره على انها حاجات مش مهمة او لو يختار بينها وبين الديموقراطية المزعومة يبقى هيختار الديموقراطية
كلام فارغ
وبعدين يعنى هو كان عارف الحقيقة فين او اى حد تانى يعرف
ويعنى حتى لو اميرة سعودية منزهة عن الكذب زى مابيقول ماهو بيحصل عندنا العن من كده بيبقى ظابط مايسواش تلاتة ابيض وبيعمل فى خلق الله عمايل مهببة
ياريت نبقى نص السعودية فى تدينها ماكانش البلاوى اللى بنشوفها فى الشوارع بكل بجاحة دى حصلت
لا روح اشتكى ده مش شغل عيال عشان ماتغلطش فيا اكتر من كده
لو انت شايف انه عيب
ادينى ببلغ انى وحش و بشخصن و الاداره ياريت لو شايفانى متجنى تقوللى عشان اعرف انا فعلا شخصنت عليك ولا لسه
"وان كان هناك حميه فمتهيألبي اانت اقرب واحد لها بما انك متحامل علشان تعرف الدكتور واهله "
و كل ده و حضرتك مش متحامل عليه هو؟؟؟؟؟ ايوه انا فى صفه طبعا و مش بدارى يعنى بس مش بس عشان اعرفه و قريب مبى
بس عشان المنطق و الدلائل اللى حضرتك مش شايفها
" انا والله بستغرب على ردود حضرتك معايا واكنك تعرفني من سنين وبتعرف انا بفكر ازاي "
انا معرفكش بس انا برد على كلامك و ياسيدى الفاضل انا اتشرف بمعرفتك برضه مهما كان بس انا معرفكش كشخص انا بعرف الكلام اللى انت بتكتبه و حكى بقى انى اناقش فيه و اتكلم زى ماهو حقك تنقل و تدافع عن الاحكام اكنهم تابوه محدش يجىى ناحيته
"ووجهة نظر وضحتها اني لا ارى ادلة تكذيب وارى حكم محكمة "
يعنى حكم المحكمه ده المفروض مايتنقش و نصدقه زى ماهوه؟؟؟ التفكير ده بعيد عن المنطق
" طيب حضرتك عندك رد او مش عاجبك الرد بترد ليه وتشخصن في الكلام"
هرد على مين هو فى حد بيجادل فى نفس الموضوع فى كل حته غير حضرتك ما فيه ناس بتكتب و مش عاجبها الدكتور و ماحدش اختلف معاهم كده بس حضرتك لما بتتكلم بتبقى متحامل بزياده و بطريقه انا بشوفها مستفذه
و بعدين ده تكريم ليك نوعا ما ان احنا بنجادل معاك يعنى انت لو بتسفه الامور و اسلوبك العام مش كويس او كشخص عليك جدل ماكناش كلنا بنختلف معاك كده
انا بختلف معاك و تاعب قلبى عشان انا يهمنى انت ماتكتبش وحش عن الراجل ده
عشان انت كشخص انا شايف انه مهم هنا و كلامه مؤثر فامينفعش اسكت و انا من وجهه نظرى بشوفك بتحيد عن حق الدكتور
و كمان ده مش رأيى لوحدى و ناس كتير قالت نفس المعنى فأكيد مش انا بس اللى رأيى كده
وشكرا
يا سبحان الله
الناس شافت اللي انا شوفته ااه
سبحانك يا رب
مش لوحدي اللي مشوف الامور بالمقلوب
ياريت بقه الناس اللي واخداه الحميه تعرف اني انا اللي ابتديت الموضوع برد على كلام كاتب المقال
والناس اتحمقت واهجمت بدون اي أدلة
وسابت الكاتب اللي انا رديت عليه وكاتب كلام ومقال بدون اي ادلة وبيهاجم الدولة كلها وكل ما فيها
علشان دكتور لا يعلم ان كان فعل ذلك او لم يفعل فعلا
ولكن علشان ابن بلده يبقى برئ وهما ولاد ستين
حسبي الله ونعم الوكيل في مقاييس الحق اللي ضاعت بين الناس
هيا دي مش حمية
اني اهاجم قبل ما اعرف فين الحق وفين الباطل
هو مين اللي هاجم يا أخواني يا محترمين
مين اللي هاجم وهو معندوش اي فكره ولا معلومة عن اللي بيقوله
ياريت الناس تراجع نفسها وتفكر هو الموضوع في الأصل كان بيتكلم عن ايه وكل واحد دخل يتكلم دخل ليه وعلشان يرد على ايه ودليله ايه
سيدتي الفاضلة : مصر فيها دين و أخلاق أحسن من السعودية كمان بس هي نسبة و تناسب , احنا كام و هما كام و بعدين مصر عليها الاضواء باستمرار اي مصيبة تحصل تلاقي الدنيا قامت و ماتقعدش تاني لكن هناك كل حاجة بتحصل في الخفاء و العن من اللي بيحصل عندنا في النور و الدليل هو الاحكام اللي بينفذوها بعد كل صلاة و بقالهم علي كده سنين , لو كانوا متدينين صحيح كانوا اتعظوا و بطلوااقتباس:
ياريت نبقى نص السعودية فى تدينها ماكانش البلاوى اللى بنشوفها فى الشوارع بكل بجاحة دى حصلت
و بعدين أسألي الناس اللي في البحرين و انتي تعرفي قد ايه من السعوديين بيروحوا هناك يوم الخميس و الجمعة و ليه
صدقوني السعودية مش هي الكعبة و الحرم النبوي الحكومة و النظام غير الاماكن المقدسة اللي هما مايستحقوهاش
معلش انا ليا تعليق معروف ان الحجاب فى السعودية هو تغطية الجسد بالكامل واهم شئ الوجهه ولازم اللى يعيش هناك يمشى بالمنظر ده والا تكون غير محتشمة
تانى حاجة المفروض اللى ماشيين او فاتحين محلاتهم وقت الصلاة دول ايا كانوا غلطانين
وانا باقول تانى ياريت احنا نطبق شرع ربنا ونبقى ربع السعودية حتى كان حال البلد اتصلح
1 الاصل فى الانسان البراءة ودة الى بيقول كدة دينى الاسلام
2 ممكن يكون عمل الجرائم وممكن ميكونش عملها
3ذنب القاضى انة لازم يتحرى على الوقائع الى امامة مرة واتنين وتلاتة كمان الدين بيقول كدة
4 ان الدكتور اعترف بالجرايم فى مصر جميع المتهمين فى قضايا امن الدولة فى محاضر امن الدولة بيعترفوا بالجرايم تفصيلايا والمحكمة بدور على الاثباتات وبيطلع انهم اتهددوا
السعودية حكمت عليهم لية ؟؟؟؟؟؟؟؟؟؟؟؟؟؟؟
كل يوم يضيفوا جريمة جديدة وبعدين لو الدكتور دة مش ممتاز مكانش قعد فى المستشفى يوم واحد
فين فى الشرع قالو ان فيه حد يضرب الناس عشان تقفل المحل و تصلى؟؟؟
و فين قالوا ان وجه المرأه لازم يتغطى
فى الاحرام مافيش تغطيه للوجه و ده ارقى مقان يجمع العبد بربنا يبقى منين نقول ان تغطيه الوجه فى شرع ربنا؟؟؟؟
و ان اللى مايعملش اللى هما بيعملوه يبقى مش تبع شرع ربنا
و بعدين هما عندهم ملك تحبى يبقى هندنا ملك زيهم عشان بقى نطبق كل حاجه زيهم
و حضرتك بتسوقى العربيه؟ ايه رأيك ماتسوقيش كمان
و بالمره ننسى بقى حكايه ان انت يبقالك صوت فى اى انتخابات
اوافقك في الرأي مع اني اخالفك في التعميم
لأن التعميم ده شئ غلط تماما
مش معقولة يعني الشعب السعودي مثلا كله بيروح البحرين
يعني افهم من كده ان المسجد الحرام والنبوي والرياض والدمام بيفضوا من الناس يوم الخميس والجمعه
كلام غلط
يعني هما المصريين مثلا مبيروحوش في حتت ولا ايه
والمصريين مهماش ملائكة
والدكتور مهواش ملاك والله اعلم هو مظلوم ولا متهم فعلا
يعني مش معقولة اقيس عليهم ومقيسشي على نفسي يا اخي
بلاش نعاير احد ونعمم واحنا الهم طايلنا وطايلهم
-----------------------
أخي هيومان
اقدر كلام
ولكن اعذرني فانا يقال عليا اني بهاجم من يخالفني في الراي
وهذا غير صحيح
بما اني اول من رد على كلام الكاتب والمقال لأني ارى فيه مزايدات غير صحيحه وبدون ادلة
وكما انتم تقولوا انه ليس هناك ادلة للتهمة
فأنا اقول انه ليس هناك ادلة للتبرأة وايضا ليس للكاتب ادلة لكي يهاجم بها كل السعودية وتفاصيلها كمان
هو ده كل ما في اللامر
مين بقه اللي هاجم
زي ما حضرتك مبتحبش الزياده في الكلام انا ايضا مبحبش الزياده في الكلام
وفي ناس بتتهمني باتهامات خطأ ومش عاوز الواحد يتحرق دمه
حد يقولي اساس الموضوع كلام الكاتب والمقال
حد يقولي ادلة الحاج الكاتب ايه انه يهاجم كده
حد يفهمني لأن ده اساس الموضوع كله من الاول
علشان الناس تعرف بس احنا بنتكلم في ايه ومين اللي بدأ المزايده والهجوم
قول لنفسك
فين الادلة إللى تم الحكم بيها إللى بدافع عنه !!!!
فين معلوماتك و فكرتك و أدلتك إللى تم الحكم بيها !!!!
من الاخر انا لست ضد السعودية و لا ضد الدكتور
انا كل ما فى الامر عايز أعرف الحق فين
لو الدكتور غلطان ياريت يتم ظهور الأدلة علشان نصدق جرمه و نقفل الموضوع دا
طيب و هو الاسلام قال كده ؟ اضربوا الناس و بهدلوهم علشان يصلوا ؟ و بعدين هو ايه معني الحجاب ؟ ان الست تغطي وجهها ؟اقتباس:
معلش انا ليا تعليق معروف ان الحجاب فى السعودية هو تغطية الجسد بالكامل واهم شئ الوجهه ولازم اللى يعيش هناك يمشى بالمنظر ده والا تكون غير محتشمة
تانى حاجة المفروض اللى ماشيين او فاتحين محلاتهم وقت الصلاة دول ايا كانوا غلطانين
وانا باقول تانى ياريت احنا نطبق شرع ربنا ونبقى ربع السعودية حتى كان حال البلد اتصلح
طيب ما أنا شوفت بنات في السعودية في أحد المولات بالدمام لابسين العباية السوداء و مغطيين شعرهم بس للاسف تحت العباية مافيش حاجة و العبايات ضيقة و تكشف أكتر مما تستر يبقي هو ده الحجاب بتاع السعودية اللي احنا عايزينه ؟
للاسف ياجماعة اللي شاف السعودية غير اللي ماشافش و عمال يقول عدس
السلام عليكم
يا أخونا كل بلد فيها الحلو و الوحش و انا كنت عايش 10 سنين فى المدينة و الناس هناك طيبين بشكل غير عادى و طبعاً فيهم ناس ........ .
لكن أحب أوضح حاجه أن موضوع الأفترا بتاع السعوديين على المصريين يتمثل فى المثال الشعبى المشهور ( اللى ليه ظهر ميضربش على بطنه ).
انا مش مختلف معاك فى ان علاء الاسوانى زودها
و ان حسه العلمانى زايد حبتين
بس ماينفعش تقول برضه انه مايعرفش حاجه او حد يقول مين هوه علاء الاسوانى
الراجل ليه منهج ممكن نختلف عليه بس هو مش نكره او جاهل زى مالناس قالت
و على فكره ملف حقوق الانسان فى السعوديه مليان قوى هو اختار مفارقه هو عاصرها و مرضاش يجيب حاجات من المعروفه
و انا اتفق ان دكتور علاء الاسوانى زود الهجوم شويه
بس فيه ابعاد انتو مش واخدين بالكم منها
ان هو لما مثلا يفرد مساحه 3 اسابيه فى الدستور فى مقاله الاسبوعى هجوم على السعوديه هو نوع من الضغط
ده اسمه سياسه عشان منظومه الضغط تكمل الكلام المعسول مش هيحرك حاجه فلازم اللهجه تبقى عاليا برضه عشان الفكره توصل ان ممكن الاعلام يستمر فى الحرب ديه
وجه بيعمل صداع عند السعوديه عشان بيقل ملفات حقوق الانسان
أخي هيومان
والله ثم والله ليست الصورة كما يقولها بعض الاعضاء
انت في مكه شوفت حد ضرب احد علشان الصلاه
ده كلام هبل
الفكره ان اهل البلد ادرى بشئونهم ولا احنا كمان هندخل في تفاصيلهم كمان
في بعض البلدان في السعودية يحترم فيها اداء الفرائض
وده شرع بينهم ان اي احد يسكن هذه البلدان لابد ان يلتزم بما هم يرونه مناسب لهم ويحفظ بلادهم
ومتهيألي لهم الحق بما انهم لم يضربوا احد على ايده او يجبروه انه يسكن عندهم في بلدهم ولا ايه
مسألة عدم تفشي الخطا ده شئ مهم لهم
يعني اللي يفضل سايب المحل وقت الصلاه
ده هيخلي واحد تاني يعمل كده وبعيدن واحد تاني يعمل كده وهكذا
ولهذا بيوقفوا الموضوع علشان ميوصلوش زي ما احنا وصلنا كده
يبقى الشارع مليان ناس والمسجد في صف او اتنين بيصلو
وبرضه مسألة الحجاب
مفيش نساء في هذه البلد بيكشفوا وجههم برضه
يروحوا بقه سايبين الغريب يكشف يبقى فرقت ايه دلوقتي
يبقى الفتنه اللي مقصوده في تغطية وجه النساء موجوده علشان واحده مش مغطياه
وهما حرين برضه محدش بيضرب حد على ايده ويقوله لازم تعيش هنا
انتم ناسسين ان اللي بيسافر بيسافر بمزاجه ولا ايه
طيب ايه اللي مزعل الناس من كده
هو حد من السعوديين هناك اشتكلكم
ولا احنا بندور على اي حاجه نتكلم فيها
انا مش فاهم والله
طيب هيا بلدهم وهما حرين يموت الناس يضربوهم يجلدوهم طالما محدش اشتكى والناس عايشه ميه ميه
يعني والله اللي مش عاجبه الوضع ميروحشي هناك
وبالتالي هما اللي هناك ايضا لو مش مرتاحين ممكن يمشوا من البلد دي
مش فاهم احنا مالنا
ابو عبدالله هى بتقول عايزه نطبق شرع ربنا هنا زيهم
انا مختلف فى ان ده مش شرع ربنا اصلا
عشان لو ربنا كان عايزنا كلنا نكون فى المساجد و نقفل بالعافيه كان فرض علينا ده
بس ربنا ماقلش كده يبقى ازاى احنا نتعنت فى علاقه العبد بربه؟ نفس الشئ ينطبق على الوجه
و بعدين ماهو ناس كتير قالو انهم اتعاملو معاهم مضطرين و بهدلوهم فى المعامله
انا والدت زميلى هنا اتضربت و هيا هناك
الله يرحمه اللي كان ممكن يعملها , لو كان عايش و شاف اللي بيحصل ده ماكانش اكتفي بفرقة الكوماندوز , ده كان طربقها علي دماغهم كمان و اسألوا الاخ العقيد :k2::k28:اقتباس:
والله ....
لو كان الامر بيدي لأرسلت فرقة كوماندوز وحررتهم من هناك
عشان نرد كرامه المصريين
المهم حكومتنا العنترية هاتعمل إيه ؟؟
عشان نكسر حده الموضوع
فيه واحد كان كاتب
"بما ان الرئيس لن يتدخل لذلك اتوجه بنداء للرئيس الراحل جمال عبد الناصر بالتدخل لحل ازمه الطبيبين المصريين"
انا لم اق انه نكره واجهله
انا قولت بالحرف انه ليس له علم بما بقوله
يعني معنى الكلام ان المقاله اللي بيتكلم فيها عن الدين والسعودية اي واحد بيقرأ في الدين وعارلاف الدنيا مشايه ازاي في السعودية وعاشر السعوديين كويس
هيعرف انه بيتكلم من منطلق الجهل اتام بهذه الأمور فعلا
وانا أؤكد لك ان كلامه غير صحيح وبيدل على انه بيتكلم وهو معندوش اي فكره عما يتكلم وليس علمه الكلي وانما انا خصصت الكلام على مقالته هذه
وبقولك بلاش مزايده من فكرك انت على ما قلته انا
شوفت بقه
اخ هيومان ده للأسف موضوع تاني خالص للنقاش
لأن كده هندخل في ما حكنم الصلاة في المسجد والكلام ده
ولكن اللي انا اعرفه انهم حرين بما ان مفيش حد بيشتكي ولو حد اشتكى هما برضه حرين مع بعضهم
لأن اكيد اهل مكه ادرى بشعابها ولا ايه
مش احنا اللي هنحددلهم يعملو ايه
خصوصا انهم مأجبركشي انك تعمل كده في بلدك
ولا اجبروك انك تعيش معاهم
مش كده ولا ايه قولي بس
تطبيق الشريعة الإسلامية شئ و ما يحدث في المملكة العربية السعودية أو أي دولة عربية شئ تاني خالص
المهم لو الشريعة فعلا بتتطبق بحذافيرها في المملكة العربية السعودية
ليه لأمريكا قواعد في أراضي المملكة لحماية إسرائيل و ضرب العراق ؟؟ و سرقة ما يحلوا لهم من بترول ؟؟؟
ليه المملكة و اهل المملكة بلايينهم من الدولارات يتم إستثمارها في الولايات المتحدة ( أكبر داعم لإسرائيل لسلب أراضي فلسطين ) ؟؟؟؟؟؟؟؟
ليه سايبين الدول العربية تعيش في الفقر و لا يتم إستثمار أموالهم فيها بدلا من أمريكا ؟؟؟
أو على اقل تقدير إستثمارها في السعودية نفسها و إنشاء قاعدة صناعية قوية بأموال البترول بدلا من إستيراد كل أنواع التكنولوجيا من الخارج ؟؟؟؟
في أي شرع يتم مضاعفة حُكم معين عند إستئناف الحكم الأصلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟
أهي دي بقى عايزة تفسير لوحديها !!!!!!!!!!!!!!!
في أي شرع شرعه رسول الله عليه الصلاة و السلام أو في كتاب الله تعالى ضرب الناس في الشوارع و إصابتهم اصابات خطيرة في أجسامهم لأي سبب ؟؟؟؟؟؟؟؟؟؟؟؟؟؟؟
في أي شرع إجبار الناس على الصلاة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و هل يقبل الله عز و جل الصلاة من عبد مُجبر عليها ؟؟؟؟ لا يريدها بقلبه ؟؟؟
يا جماعة ما يحدث في السعودية هو تطبيق إسمي و ليس فعلي
التطبيق الفعلي هو الرحمة بالناس و تطبيق شرع الله برحمته
بالنسبة للقضية ....... لا أحد يعلم أبعادها
و لكن النظام السعودي ليس به نظام المحاميين على حد علمي
اذن
من قام بجمع الأدلة ضد الطبيبين ؟؟؟؟؟؟؟؟
و من حكم عليهما ؟؟؟؟
و من ضاعف الحكم عند الإستثناف ؟؟؟؟؟
و كيف أختلى الطبيبين بالمرضى النساء وهناك ممنوع الأختلاء بالنساء ؟؟؟؟؟؟
و كمان زوجات أمراء !!!!!!!!! و تم الأختلاء بهم ......... كيف ؟؟؟؟
الموضوع مُحير فعلا و غير واضح ......... و أنا لا أرى في النظام السعودية أي عدالة
و لا في أي نظام عربي ............كلنا عملاء و كلنا خائنون لأوطاننا
حكومات الخليج هي مقر الجيش الأمريكي و مصر تفتح قناة السويس لكل من هب و دب و دول المغرب العربي في عالم تاني مع فرنسا
و السودان في حرب أهلية مدمرة بسبب دعم اليهود للمتمردين و عدم عدالة الحكومة السودانية مع مواطنيها كسائر الحكومات العربية الأخرى
انتو ليه بتعملوا مقارنة بين الوضع في مصر و الوضع بالسعودية .
ما سبق و قلت ان نظامنا و حكومتنا ( وشها مكشوف ) و لا ندعي الشرف . العيب بقى على الأفاضل اللي بيدعوا الشرف و هم أبعد منه بأرقام فلكية .
بالنسبة للأخ اللي قال ان قضية الممرضات البلغاريات الخاصة بليبيا أنا متفق معاه بس كان فيه قضية لممرضات بالسعودية و اتحكم عليهم بالاعدام ( قصاص ) و طبعا دولهم قامت عليهم و مفيش ( دكر ) في الرجالة اللي بيطبقوا الشرع بالسعودية قدر يتكلم .
الكل عمال يسأل عن أدلة لبراءة الطبيب و قليل اللي سأل عن أدلة إدانته . مش المفروض طالما الموضوع مبهم لنا جميعا يبقى من باب أولى نسأل عن أدلة الادانة ؟ من باب مناصرته ( انصر أخاك ظالما أو مظلوما ) .
في أي شرع 1500 جلدة مش غريبة شويتين . الحدود مذكورة بالقرآن الكريم على سبيل الحصر . و إذا كان ( تعزير ) ممكن يوصل للعدد ده و على علشان خاطر ( سمو الأميرة ) طويل العمر يطول عمره يزهزه عصره و ينصره على من يعاديه ... هاي هي
الاستئناف المفروض يخفض العقوبة في أي دولة بالعالم بس علشان خاطر ( سموها ) بلا قانون بلا بتاع . هل فيه سند شرعي ( أنا أجهله ) بيقول عكس كده مع العلم بأن فيه حديث شريف نصه
( ادرءوا الحدود عن المسلمين ما استطعتم . فإن وجدتم للمسلم مخرجا فخلوا سبيله . فإن الامام ان أخطأ في العفو خير له من أن يخطئ في العقوبة ) و القول الدارج فيه ( ادرءوا الحدود بالشبهات ) .و لا جايز علشان ( سموها ) مش بتغلط زي الناس ( الوحشيين ) العاديين تبقى التهمة لابساه لابساه يعني مفيش شبهة خالص و لا كأنها أخدت المخدر ده في أمريكا على ايد الطبيب الأمريكي . و لا علشان الطبيب الأمريكي ده الأخوة الأفاضل بيعتبروه من ( الأسياد ) و محدش يقدر يقول له تلت التلاتة كام و اللي يعملها - حتى لو ( سموها ) هياخذ بالجزمة القديمة من ( ماما ) أمريكا .
خدوا بالكم ان ( قداسة ) الأرض شئ و ( نجاسة ) البشر شئ تاني و أقتبس هنا قول الخليجيين عن السعوديين ( أنجس شعب بأطهر أرض ) .
الاختلاف في الرأي لا يفسد للود قضية .
هيا الناس مبتقراش الموضوع ليه من اوله لأخره
ما احنا جبنا أمثلة لأحكام على سعوديين
وكان وصلت لحد 2700 جلده على سعوديين في مصريين كمان
وكانت علشان اغتصاب بس وتصوير بالكامير
وفيه 2500 جلده
هنقعد بقه كل شويه نقول فين 1500 جلده
طيب انت هتعرف منين وانت مشوفتش الاحكام بتاعتهم من قبل
شوف احكامهم من قبل ولو ملقتشي زي 1500 جلده
يبقى عندك حق