مميزات و عيوب و اسعار و فئات و صور لانسر شارك 2016

السلام عليكم و رحمة الله و بركاتة
اليكم مميزات و عيوب و اسعار و فئات و صور و مواصفات لانسر شارك 2016
1.مواصفات السيارة:
موتور 1600 سي سي بقوة 117 حصان دفع امامى بفتيس اوتوماتيك 4 سرعات مصنع من شركة يابانية مخصص لتسارع قوي مع استهلاك بنزين قليل و السيارة ياباني 100%
2.اسعار و فئات السيارة :
الفئة الاولي :139000
الفئة الثانية :150000
الفئة الثالثة:156000
الفئة الرابعة :163000
كتالوج السيارة :
http://nileup.com/up/uploads/nilemotors_14398518031.png
http://nileup.com/up/uploads/nilemotors_14398518032.png
http://nileup.com/up/uploads/nilemotors_14398518033.png
3.مميزات السيارة :
1.الثبات عاي الطريق
2.الفدرة علي المناورات مع الثبات
3.السحب الممتاز
4.اعادة البيع
5.قطع الغيار منتشرة
6.عفشتها بتستحمل
7.استهلاك البنزين ممتاز
8.الفتيس ناعم جدا
9.الفرامل
10.علو السيارة
11.ياباني 100%
12.واسعة من الداخل
4.العيوب:
1.العفشة ناشفة
2.الشنطة ضيقة
3.العزل
4.غلو قطع الغيار
5.صوت الموتور عالي
5.الصور :
http://nileup.com/up/uploads/nilemotors_14398529021.jpg
http://nileup.com/up/uploads/nilemotors_14398529022.jpg
http://nileup.com/up/uploads/nilemot...398529023.jpeg
http://nileup.com/up/uploads/nilemotors_14398529024.jpg
http://nileup.com/up/uploads/nilemotors_14398529026.jpg
http://nileup.com/up/uploads/nilemotors_14398529025.png
http://nileup.com/up/uploads/nilemotors_14398529027.jpg
http://nileup.com/up/uploads/nilemotors_14398535611.jpg
و ارجو ان يستفيد من هذا التقرير جميع الاعضاء و الزوار
و ارجو من الادارة تثبيت الموضوع

تشكر يا باشا

هوا موديل 2016 نازل دفع خلفي ولا دي غلطة كتابة ؟؟؟؟؟؟؟؟؟؟

دفع امامي

الله ينور .. تقرير جميل من راجل أجمل ...

هو ياجماعة فتيسها فعلا اربع سرعات ؟؟؟؟ مش خمسة ؟؟؟

اعلي فئة في الخليجي سعرها كام ارجو الافادة

ياجماعة
امابارح كنت في معرض بسائل عليها
فا بسئل على الهاى لاين
قلى موجودة بس بجبها بالطلب
بسعر 176 الف
فيها كل الإمكانيات
و كاميرا خلفية و حسسات كل حاجة

الاسعار كلها زادت، و بيقولو هتزيد تاني بعد العيد.
انا رحت عند سمير ريان النهارده، الصراحه مش مريح، عنده فئات كتير، بس زحمه جداً، و ماتعرفش تركز مع مندوب.
الفئه التالته وكيل عاجباني، طاره مالتي و فتحة سقف، جنوط، بس مافيهاش مسند يد ولا فوج لايت، و مش فاكر فيها مخدع رأس ولا لأ.
احد يعرف اللي زيها خليجي تعمل كام؟

الصراحه بتوع الخليجي بيستهبلوا , مزودين 10000 الاف جنيه مره واحده , في كل فئه ده عشان ايه ؟؟ بس الوكيل اسعاره زي ماهي فرق الفين جنيه عن ما سألت من شهر ... بس المشكله في الحجز و المعارض اوفر برايس .. وكيل فاشل فعلا .. وانا اتوقع انه يتاخد منهم قريب

ايه الأسعار اللي انت شوفتها وايه هية الفئات؟
أصل الخليجي اللي مش وكيل فئاته مش متحددة، ممكن تلاقي 18 فئة
وشوف برضه أسعار سمير ريان

اقتباس:

---

المشاركة الأصلية كتبت بواسطة د.هشام

ايه الأسعار اللي انت شوفتها وايه هية الفئات؟
أصل الخليجي اللي مش وكيل فئاته مش متحددة، ممكن تلاقي 18 فئة
وشوف برضه أسعار سمير ريان

---

اولا تحياتي واحترامي لحضرتك دكتور هشام , الخليجي اول فئه بتبدأ ب 143 وده كلام سمير ريان وحضرتك تقدر تدخل علي الجروب بتاعه علي الفيس بوك وتشوف , انا سألت في الوكيل النهارده علي الخط الساخن لما لاقيت الأسعار دي ... قالو اول فئه 136 ونص و التانيه جنوط واتنين ايرباج ب 146 ونص ,, نقول لو اوفر برايس توصل 150 باقصي تقدير في المعارض بس ما توصلش ل 156 مثلا !!!! كتير 10000 الاف مره واحده وعشان ايه يعني ؟؟؟ انا ناوي اشتري علي اول السنه ان شاء المولي واراد و هدفي الوكيل بس مشكلته لو هتحجزها من عندهم لازم ( تكيش) تدفع كاش كل العربيه ده شرط الوكيل وقت الاستلام باللاضافه للانتظار مده 3 شهور . لسه والله مش عارف ...

أول فئة خليجي اللي ب143 فيها كماليات ايه، يعني هل هي بالظبط زي اول فئة الوكيل فيها ايرباج واحدة ومافيهاش جنوت ومافيهاش abs ؟
علشان لو هي كدة يبقى الوكيل احسن طبعا، على الأقل بيديك ضمان 3 سنين، اللي هو لو حبيت تشتريه حتدفع 2500 زيادة ضمان 3 سنين بتاع AAA غير الفرق 7000 في السعر

ولله انا رحت سمير ريان و ماعجبنيش الوضع خالص.
احب لما اروح اتفرج، اتفرج بمزاج، الراجل ماكانش عايز يقف معايا لما لقاني بسأل و هشتري بعد العيد.
المفروض الواحد يروحلو جاهز بالفلوس، انما سؤال لأ.
غير انه بيركب حاجات مش اصلي، اللي متأكد منه السبويلر، و سمعت انه بيركب كاسيت و جنوط و الله اعلم.

فيه طبعا مندوبين مبيعات مستفزين
ميزة سمير ريان انه عنده تشكيلة كبيرة واسعارهم بالنسبة للسوق كويسة
شكل الجنط الأصلي والكاسيت الأصلي معروفين، وهم بيقولوا لو فيه حاجة متركبة عندهم لو سألت، حتي الفوج لو متركب بيبقى زرار منفصل، مش في دراع النور

السلام عليكم وكل عام وحضراتكم بخير
كنت بستفسر اذا كان فيه فرق بين السيارتين موديل 2008 و 2015 بالنسبة للصالون والارتفاع عن الارض وقطع الغيار ، انا عارف ان 2008 كانت 1500سى سى والجديدة 1600 سى سى
برجاء الافادة

؟؟؟؟؟

حضراتكوا اتأكدتوا من كلام الأسعار اللي زادت دي ؟

الاسعار فعلن زادت بقت اول فئة ب 151 الف و الهاي لاين ب 184الف

سبحان الله
العربيه نفس الشكل من ٢٠٠٨ ...لا وايه اسعارها زادت وهتزيد..
ابو دي شركه علي ابو ده توكيل

انا بفكر اشتري لانسر 2016 ياترى ايه رايكم

رجاء من احد ملاك السيارة موديل 2016 ان يكتب اول 3 حروف من ال vin من الشمال
ولكم جزيل الشكر

نسيت الفئة الخامسة وتمنها 173000

كان ليا استفسار صغير..

عندي واحد صاحبي اشترى لانسر شارك 1600 موديل 2014.. وبيقول إن العربية مش بتقبل غير بنزين 95 بس.. وكل ما يحط بنزين 92 العريية تقطع منه

حد عنده فكرة عن الموضوع ده؟؟؟


...

انا كنت مختار لكن لما ركبتها مع ابن عمي امس عجبتني الفئة 3 بصراحة الوحيدة اللي بقت ياباني 100 ف ال100 بالتوفيق ويكفيكم شر الحيرة

اقتباس:

---

المشاركة الأصلية كتبت بواسطة borio1704

كان ليا استفسار صغير..

عندي واحد صاحبي اشترى لانسر شارك 1600 موديل 2014.. وبيقول إن العربية مش بتقبل غير بنزين 95 بس.. وكل ما يحط بنزين 92 العريية تقطع منه

حد عنده فكرة عن الموضوع ده؟؟؟


...

---

معايا 2016 و شغاله علي بنزين 92 زي الفل.

اقتباس:

---

المشاركة الأصلية كتبت بواسطة fawzy.abdelnour

معايا 2016 و شغاله علي بنزين 92 زي الفل.

---

ممكن حضرتك تعرفنا مميزاتها وعيوبها لانى ناوى اشتريها ان شاء الله واخبار التوكيل والثبات والسحب والتكييف والبنزين يعنى وضح لى كل شئ واشكر حضرتك جدا لو رديت علي وبسرعة.

اقتباس:

---

المشاركة الأصلية كتبت بواسطة د/ وائل سعد

ممكن حضرتك تعرفنا مميزاتها وعيوبها لانى ناوى اشتريها ان شاء الله واخبار التوكيل والثبات والسحب والتكييف والبنزين يعنى وضح لى كل شئ واشكر حضرتك جدا لو رديت علي وبسرعة.

---

عيبها شنطه صغيره جدا
مميزاتها مريحه و ياباني، يعني ان شاء اللع اقل اعطال، صالون واسع.
التكييف كويس، استهلاك البنزين معتدل.
اللي معايا جايبها هاي تريد، مفتاح بصمه و مافيهاش فتحة سقف.
اسأل علي التفصيله اللي حضرتك عايزها و انا تحت امرك.

اقتباس:

---

المشاركة الأصلية كتبت بواسطة fawzy.abdelnour

عيبها شنطه صغيره جدا
مميزاتها مريحه و ياباني، يعني ان شاء اللع اقل اعطال، صالون واسع.
التكييف كويس، استهلاك البنزين معتدل.
اللي معايا جايبها هاي تريد، مفتاح بصمه و مافيهاش فتحة سقف.
اسأل علي التفصيله اللي حضرتك عايزها و انا تحت امرك.

---

بعد اذن حضرتك انا كنت ناوي اشتريها الشهر الجاي ان شاء الله وكنت عايز اعرف معلومات عن التوكيل بتاعها و قطع الغيار عامله ايه و اسعارها ايه و اهم حاجه تجهيزات الامان فيها ايه ؟

اقتباس:

---

المشاركة الأصلية كتبت بواسطة abdulrahman94

بعد اذن حضرتك انا كنت ناوي اشتريها الشهر الجاي ان شاء الله وكنت عايز اعرف معلومات عن التوكيل بتاعها و قطع الغيار عامله ايه و اسعارها ايه و اهم حاجه تجهيزات الامان فيها ايه ؟

---

انا اسف بس اللي معايا مش وكيل، مع اني كنت ضد موضوع الخليجي ده تماماً، بس الكماليات اللي في دي عجبتني.
قطع الغيار بقت موجوده فالسوق عادي، بس انا بجيب الاصلي بس، و دي طبعاً بتكون غاليه جداً.
لو عاجباك خلص فيها في اسرع وقت، الدولار منظره ناوي يضرب، و بالطريقه دي هتزيد حبه حلوين.
انا كنت شاريها ب160.000 و دلوقتي سمعت 190.000 بس مش متأكد، اخر مره سألت عليها بنفسي من كذا شهر كانت 180.000

ياجماعه الخير الأسعار دلوقتى ايه للشارك .................