عايز اخد رايكو فى حاجه خاصة بشغلى ؟؟؟

**elfashn** · 18-08-2015 02:36 AM

اولا السلام عليكم على اهل المنتدى الكرام . ثانيا انا باسس شركة سياحه صغيرة على ادى علشان اولا انا بحب السفر + انى عايز اسهل السفر على الناس من غير استغلال الشركات الكبيره . فاول حاجه انا مهتم بيها حاليا هيه ال Website بتاع الشركه . ناس كتير بتظن ان الموضوع ده سهل وهيه انك تروح لشركه متخصصه تعملوهولك وخلصت . بس انا مش عايز اعمل كده بالظبط . انا عايز انا احط الحاجه الى بتعبر عن دماغى ودماغ الناس . مش عايز احشى فى محتوى ومنظر وخلاص . مش عايز اتوه الناس جوه ال Website . انا قعدت افكر وقلت اسال الناس هما بيحبو ايه ومبيحبوش ايه واخد رايهم طالما انا عامل ده علشانهم. فعايز ارأئكم ومحدش يبخل عليا برايه لوسمحتو.

انا عايز اعرف منكو انتو ايه اكتر حاجه مش بتحبوها فى website شركات السياحه والسفر .
ايه اكتر حاجه بتخليكو تقفلو ال website ومتكملوش فيه
ايه اكتر حاجه ممكن تشدكو لدخول ال website وتشوفو كل المحتوى الموجود فيه
ايه اكتر ال website المشهورة الى عجبتكو وعجبكو فيها ايه
ايه نصحيتكو ليا قبل ما اعمل ال website
ايه الى نفسكو تشوفوه فى website شركة سياحه ولحد دلوقتى محدش عمله .

انا مش عارف اذا كانت اسالتى واضحه ليكو او فاهمين الى فى دماغى ولا لآ بس مشتنى ارائكو ونصايحكو ليا. شكرا مقدما

**مُصْطٓفٓى** · 18-08-2015 03:22 AM

البساطة والوضوح
تخيل أن يكون موقعك بهذا الشكل
رحلات داخلية - رحلات خارجية - رحلات حج وعمرة
وبداخل كل قسم من هذه الأقسام توجد قائمة بالرحلات بشكل منسق ومحددة الأسعار
يوجد بداخل كل صفحات الرحلات وسيلة للإستفسار عن هذه كل الرحلة تحديدا
يوجد امكانية التحدث من خلال الشات مع أحد موظفي الشركة

الموقع وسيلة لعرض رحلاتك والرد على استفسارات عملائك الجدد والقدامي المتوقعة
الموقع واجهة لشركتك
لكن لا تهتم به أكثر من اللازم ولا تتوقف في إتمام إجراءات شركتك لما بعد الإنتهاء من الموقع

متنساش يبقى عندك صفحة فيس بوك
موجهة للمهتمين بالسياحة مع إضافة بوستات تتحدث فيها عن مدن العالم
ومعها عروض شركتك للرحلات

**مُصْطٓفٓى** · 18-08-2015 03:26 AM

من الممكن أن تجد بعض السكربتات الخاصة بشركات السياحة
مثل هذه السكربتات
Tour operators classified script | Tourism package booking software

**exelence** · 18-08-2015 08:50 AM

الثفة اهم حاجه فى المواضيع اللى زى دى و ده بيخلى الناس تروح و هى مغمضة للشركة

**fepsceasar** · 18-08-2015 09:15 AM

أسعار واضحة
خدمات لا تقتصر على المجموعات الكبيرة
عروض ترويجية

**mikho83** · 18-08-2015 09:26 AM

أكتر حاجة بكرهها في مواقع الشركات انه مش بيديني تفاصيل ويقولك اتصل وانت تعرف، انا بحب أعرف الحاجة بكل تفاصيلها وبكل تكلفتها وايه الاختيارات المتاحة أمامي

**Salamonti** · 18-08-2015 01:01 PM

أهم حاجة الأبديت أول بأول

**hesham fawzy h** · 18-08-2015 01:50 PM

الخلفية لون مريح للعين

اهم حاجة جت على بالى البساطة و الوضوح زى ما ا مصطفى قال ، كنت لسة بقولها فى سرى لقيتة كاتبها :)

**elfashn** · 19-08-2015 12:41 AM

والله مش عارف اقولكو ايه ... كل كلامكو ده صح ومفيد ليا جدا وان شاء الله هعمل بيه ومستنى اراء اكتر .

**حسام الغرباوي** · 19-08-2015 12:55 AM

موقع اجازات مصر اشهر وافضل واوثق موقع سياحة مصري علي الاطلاق...بالرغم اني محجزتش معاهم قبل كدا وكل حجوزاتي من العملاق booking لكن ليا صحاب كتير بيحجزا عليه وبيشكروا فيه جدا جدا وخدمة الدعم ممتازة والموقع رائع جدا جدا وبسيط ومميز جدا جدا

أجازات مصر | رحلات شرم الشيخ - رحلات الغردقة -رحلات شهر العسل-حج وعمرة