تعديل وتركيب Android Double din GPS DVD لانسر بوما
السلام عليكم رواد منتدى نايل موتورز
دى اول مشاركة ليا
انا من زمن وانا متابع الموقع اللى استفدت منه كتير جدا وربنا يجعله فى ميزان حسناتكم
كان شاغلنى موضوع ان الانسر بومه فقيرة من حيث التابلوه
ماتقدرش نركب كاسيت بشاشة Double Din
طبعا كان فى مشاركات قبل كده عن الموضوع ده
وفعلا استفدت منه ومن اللينكات المرفقة بيهم
وحبيت اشاركم تجربتى
اولا اشتريت وش double din من الحرفين ب 120 جنيه
طبعا هتلاقى اسعار كتير لف وفاصل وجيب حاجه ماتكونش فيها خدش او مشروخه
كان شاغلنى موضوع نقل وحدة التكييف
واستفدت من الرابط ده
the easiest solution to relocate you climate control for 2din display - evolutionm.net
بس انا مافكتش الجزء المعدنى من الشاسية
خليت السمكرى يقطعها على طول بلمبة لحام وهى راكبة فى العربية
ورحت لواحد بتاع فايبر فهمته انا عاوز ايه وورتله صورة والراجل عملها زى الفل
وحدة التكييف بعد مانقلتها كلها شغاله تمام ومش محتاج تثبتها فى مكانها باى حاجه
هى هاتتثبت لوحدها بعد ماتقطع وش لوحة التكييف وتعدلها وتربطها بيها مكان ال cd changer
بعد كده اشتريت الكاسيت ده
Eonon GA2114 | Car GPS | Car DVD GPS | 2 Din Car GPS DVD | Android Car GPS | Android Car DVD Player
الصراحة كاسيت تحفه اشتريته اون لاين وجالى خلال 12 يوم بس الجمارك ظبطونى
دفعت حوالى 1000 جنيه جمارك على ضريبة مبيعات
وقف سعره كله على 3400 جنيه
بس بالنسبة لامكانياته ومقارنته بالاصدارات الاندريود اللى موجوده فى مصر يبقى جوكر
هاتلاقى مشكله فى تثبيت الكاسيت
بعد مابتفك الراديو اللى فى العربية وتستخدم نفس اجزاء الصاج الحديد لتثبيت الكاسيت هتلاقى ان الكاسيت الجديد عالى شوية ووش الكاسيت مش هايركب
كل اللى هاتعمله هاتخرم الجزئين الصاج دول نفس وسع مكان المسمار القديم بس تحت شوية
بحيث الكاسيت يسقط شوية ويناسب الوش الجديد الـ Double Din
[mshosh2]http://s18.postimg.org/aysr4lzgp/1_1.jpg[/mshosh2]
اسيبكم مع الصور
انا اسف ماعرفتش اصور اى حاجه اثناء التنفيذ
[mshosh2]http://s23.postimg.org/3ztj5w6fv/1_2.jpg[/mshosh2]
[mshosh2]http://s14.postimg.org/wlz6qzxr5/1_3.jpg[/mshosh2]
[mshosh2]http://s14.postimg.org/ijmwmvo2p/1_4.jpg[/mshosh2]
[mshosh2]http://s7.postimg.org/uqja1939n/1_6.jpg[/mshosh2]
[mshosh2]http://s24.postimg.org/rskpz7n4l/1_7.jpg[/mshosh2]
دمتم بخير وصحة وسلامه
[/CENTER]
