الموضوع: عاوز خبير فى التيست درايف

بص ياباشا

حضرتك لازم تعاين كل حجة في العربية من اول لما تفتح الباب لحد متنزل منه

يعني مع فتحة الباب حضرتك تقدر تشوف التقفيل بتاع العربية والمكونات المستخمة ومفصلات الابواب وهكذا

اول متقعد جوه العربية حضرتك هتبص ع التابلوه وتشوف توزيع امكنياته والخامات المصنع منها والكاسيت والتكييف وشكل الازرار وهكذا

مع تدويرة السيارة حضرتك تقدر تسمع صوت الموتور ل هو عالي او واطي

حضرتك تبدأ في القيادة وهل القيادة سهلة وبسيطة ولا فيه مشكلة في شي ما

تبدأ تزود بنزين وتشوف اخبار السحب معاك هل سحب معقول وده اللي انت متوقعه ام لا

تبدا تجرب الفرامل وتشوف ايه اخبارها

طبعا وانت راكب هتبدأ تحس باخبارالعربية مع الشوارع هل هي ناشفة ولا ناعمة ولا ايه نظامها وهكذا

انا مقدرتش افيدك اوي لاني مجرتش قبل كدهتست درايف

بس متهيالي هو د اللي المفروض يتعمل

وياريت اي حد من الاعضاء اللي عندهم خبرة بالموضوع ده يفيدك

التيست درايفر بيجرب :

1 - الشكل الخارجي :

قبل الركوب نظرة للسيارة من بعيد وسط العربيات
من الأمام و الخلف و الجانب

2 - جودة التقفيل الخارجي :

- ملاحظة عن قرب للفروقات بين مكونات السيارة الخارجية (الكبوت و الفانوس - الكابوت و الاكصدام - الشنطة و الفانوس - الشبكة و الاكصدام - الخ)
- جودة الخامات عن طريق الضغط البسيط عليها (الاكصدامات الجيدة قابلة للضغط بشكل بسيط) جودة الصاج و قوتة - ولو انها عنصر غير أساسي - ولكن تجربتها ممكنة بالضغط الرقيق عليها .

- جودة ألية فتح الأبواب و غلقها

3 - المقصورة الداخلية :

- الرحابة و الاتساع في الأمام و الخلف وتجربة أقى ازاحة لكرسي السائق (المساحة في الأمام و الخلف في هذا الوضع)
- تجربة تعديل وضعية القيادة (القعدة - الظهر - تعديل المقود - مسند المرفق)
- الخامات المصنعة منها المقصورة
- أماكن التخزين في التابلوه و الأبواب و أجناب الكراسي و تحت المسند
- التعرف على الكماليات مثل الزجاج الكهربي و المرايا الخ
- سهولة الوصول لأزرار التحكم (الكاسيت - الزجاج - المرايات الخ)
- اتساع الشنطة الخلفية و امكانية و سهولة طي المقاعد

4 - العدادات:

- سهولة عرض البيانات
- كمية و قوة البيانات (وجود كمبيوتر من عدمه - عدادات الوقود و الحرارة و الاستهلاك رقمية أم انالوج)
- قوة الإضاءة ولونها و ملاءمتها لراحة العين
- مكان عرض البيانات (وسطى ام طرفىملائمتها لوضعية القيادة)

5 - المحرك و البداية :
- ادارة المحرك و مراقبة عداد اللفات
- متابعة صوت المحرك في السكون
- متابعة صوت المحرك عند التزويد idelling

6 - بداية التحرك :
البداية يفضل ان تكون هادئة لمتابعة اصوات التعليق و المحرك و التعود على وضعية القيادة لمسافة 50 - 100 متر في اتجاه مستقيم .

- بداية الدورانات ببطء لنتابعة قوة التعزيز الآلي (الباور) و قوتة في السرعات البطيئة .

7 - القيادة اليومية :

زيادة السرعة للوصول لسرعة الرحلات العادية (60 - 90كم) و ملاحظة التوجيه و دقته و التعليق و كفائته و المحرك طبعا

- لا تنس ملاحظة المرايات و الزجاج الخلفي و الأمامي لتقييم مستويات الرؤية

8 - pushing to the edge (القيادة الرياضية)

- التسارع من الثبات صفر -100
- الثبات في سرعات من 120 - 160 فما فوق (حسب المهارة و الاحتياج)
- التماسك في المنحنيات (اقصى سرعة يمكن اجتياز ملف دائري بدون زحف جانبي) وجود مثبت السرعة قد يساعد في دقة التقييم.
- قوة الفرامل للتوقف من سرعات عالية (يفضل في طريق خالى)
- المناورة على سرعة عالية (يمين في شمال على سرعة 120 - 140 فما فوق ) و الشعور بقة التمايل لجسم السيارة side rolling


9 - رجوع بشكل هادئ لتثبيت الانطباع الأول .


ارجو اكون افدتك

المشاركة الأصلية كتبت بواسطة ehabbasha30

بصراحة حضرتك افدتنى كتير وشكرا على الاهتمام
فقط استفسار بسيط ,,, اية هو التعليق ؟

لا شكر على واجب
نظام التعليق هو العفشة