السيارة لزوجتي و توصيل بناتي الثلاثة المدرسة و الذهاب للعمل
عشان المقارنة تبقي دقيقة .. لازم نثبت السعر
الاتنين ب 105 - 108 الف جنيه ( سعر اكتر شريحة شراء سيارات )
الاتنين اوتوماتيك
الاتنين سيدان
اللوجان 1600 سي سي 110 حصان
السوزوكي 1200 سي سي 90 حصان
استهلاك بنزين اللوجان 6.5 لتر \ 100 كم
استهلاك السويفت 5.2 لتر \ 100 كم
نسبة اعطال اللوجان اكثر
انتشار و قطع غيار اللوجان افضل
تكييف السويفت افضل
وسعها اقل قليلا
اوبشنز السويفت اكتر
انتظار اللوجان اقل
اعمل ايه ؟؟؟؟؟؟؟؟؟؟؟؟؟
حضرتك روح معرض واقعد ف الاتنين وشوف نفسيا هتستريح لانهي
قعدت كتير و حياتك .. محتاج اراء اكتر
السويفت انا شايف ان شكلها جديد وكويس وتنفع عائليه عن اللوجان وهتوفرلك ف البنزين
انا رأيي الشخصي السويفت وانت برده خد رائ الاسرة الكريمة من منطلق التفضيل النفسي
شكرا لمشاركتك .. الحقيقة الاسرة الكريمة ما بتقولش غير :" اللي تشوفه يا حبيبي "اقتباس:
المشاركة الأصلية كتبت بواسطة mostafa bedo
انا من رأيى السويفت افضل لانى مقتنع بيها وان شاء الله منتظر اتصال من المعرض بوصول الدفعة اللى جاية علشان اخويا هيشتريها بإذن الله بس ليا استفسار مهم من حضرتك لقيتها فين بالسعر اللى انت كاتبة ده 105 الف انا سالت عنها كثير وعند سمير ريان وعندنا هنا فى الشرقية فى الكفراوى كلهم قالوا 115 الف لو فى معرض حضرتك تعرفة بالسعر اللى انت كاتبة ياريت تعرفنى بيه انا اولى بالفرق ده كله
108 من التوكيل و انتظار 4 شهور
و كل ما فترة انتظار اي توكيل بتطول الاوفر برايس بيزيد
بس معلش يعني مش مسألة اقتناع .. مسألة علم مقارنة:
انا نفسي فيها فعلا و لكن..
مش قلقان من قطع الغيار مالهاش وجود غير في الوكيل؟
مش قلقان من عدم راحة اللي راكبين ورا ؟
مش قلقان تطلع كوبري و العربية راكب فيها اربعة ؟
فرق 20 حصان و بتفكر !!!
يعنى ربنا يبارك لك فى البنات هما دلوقتى صغيرين بس بكرة ان شاء الله يكبرو
و غير كدة لو انا فى اى موقف محتاج عربية عفية او محرك سفر يبقى انهى الانسب ؟
و على فكرة دى كمان مش بتبقى قوة محرك فقط و لكن بتنسحب على شامل أجزاء السيارة
و اللوجان من ناس معاهم اعرفهم بتشم بنزين و اكيد برضه سوزوكى....فرق بنزين حوالى 3.5 جنيه فى ال 100 كيلو بس شوف المقابل فى الtraction
بس ياريتك كنت كتبت العزوم مش الاحصنة لان العزم هو الفيصل....و من غير ما تكتبه العملية واضحة
اقتباس:
المشاركة الأصلية كتبت بواسطة م أحمد
احب انا الكلام الاحترافي ده..
بص هو العربية نادرا ما حاركبها .. و بناتي من 6-8 و العربية اخرها معانا 5 سنين
العزم بالمناسبة فرق 30 :duh:.. و البنزين فرق شهريا اكتر من 100 جنيه:B4_556:
و التكييف مش عارف .. يهيألي الاتنين وحشين ( اصل عربيتي الحالية كورولا )
يعنى فرق بنزين 1200 جنيه سنويا دى كدة نقطة لسوزوكىاقتباس:
المشاركة الأصلية كتبت بواسطة hegazio
دا لو كانو صادقين فى حساباتهم و اظن سوزوكى على قدر المسئولية فى الموضوع دا
افترض العربية عطلت بالمدام و عايزين انجاز فى الحل ....مين يحل بسرعة سوزو و لا رينو (حلوة سوزو دى)
بعد خمس سنين ان شاء الله لما تيجى تبيع او فى اى لحظة محتاج فلوس وقتى اظن اللوجان اكثر انتشارا بكتييييير و تبيع وقتى اسرع..... و عامة موضوع البيع عن طريق النت بقى سبب سريع لبيع العربيات
من ناحية قطع الغيار فالعربية انتشرت قوى وده هيخلى التجار ينزلوا قطع غيارها زيها زى اى عربية انتشرت فى مصر وغير كده اول سنة اكيد هتبقى صيانتها فى التوكيل علشان لو ظهر اى عيب صناعةاقتباس:
المشاركة الأصلية كتبت بواسطة hegazio
اما من ناحية اللى هيبقوا راكبين ورا ان شايف انها مش ضيقة الا لو ركب واحد اطول من 180 سم ومع ذلك اقدر اقول ان الرينو متفوقة فى الحتة دى العربية فعلا واسعة من جوة
ومن ناحية تطلع الكوبرى وراكب فيها 4 اكيد هتطلع مرتاح العربية 1200 سى سى وده كويس على العربية انا معايا سوزوكى فان 970 سى سى وببقى مركب معايا 7 افراد فى بعض الاوقات غيرى يعنى الاجمالى 8 وبطلع كبارى عادى منكرش ان السحب بيقل بس اكيد السويفت بعدد ركاب اقل وموتور اقوى مش هيأثر على اداء العربية فى المطالع
وفى الاخر انا شخصيا بحب الرينو وكنت بفكر اجيبها قبل ما افكر فى السوزوكى الفان لانى كنت راكب ملاكى الاول وغيرت للفان علشان مسافة شغلى بعيدة والبنزين غالى فاصبح مصاريفها كثير فعلشان كده فكرت فى السوزوكى الفان
وعموما اقتناعى بالسوزوكى سويفت علشان يابانى - شكلها جميل وانا واخويا بنحب الهاتش باك عموما فى العربيات - عفشة ثابتة - كماليات اكثر بسعر كويس - موفرة واقتصادية فى البنزين - داخلية من رايى احلى من الرينو ........ ويا عزيزى لولا اختلاف الازواق لبارت السلع
امال يعني مش حاطط في الاستطلاع صوت للوجان ؟ ضيف صوت كده .. 3\0 وحش برضهاقتباس:
المشاركة الأصلية كتبت بواسطة م أحمد
حضرتك السوزوكى عرببية جديدة لسه متحكمش على أعطالها اذا كانت اقل او اكتر من اللوجاناقتباس:
المشاركة الأصلية كتبت بواسطة hegazio
وانا معايا لوجان اتوماتيك من 2012 والحمد لله معطلتتش ولا مره .. المره الوحيده اللى وقفت فيها كانت البطارية! هو مش تحيز ولكن منطق ونقل تجربة شخصية
هى الميزه فى السوزوكي من وجهة نظري حتكون فى الوفر فى استهلاك البنزين
وربنا يوفقك للخير
ليه مفكرتش فالسانديرو لو بتحب الهاتشباك
بسم الله الرحمن الرحيم
اخى الفاضل
السويفت لاستخدام اوفر و لكن اقل اما اللوجان لاستخدام اكبر لكن اغلى. بعيداً عن المواصفات و الارقام المكتوبه و البيانات المعلنه و الاعلانات لن تجد فرق واضح و ملموس فى الاستخدام الا فى نقطة الاتساع فقط لا غير و التى هى لصالح اللوجان.
ساخبرك بامر ربما لم تسمعه من قبل.. . . . محرك السويفت و السياز صينى (يتم بناوه فى الصين).
اعتقد انه ان كان هناك احتمال للسفر بهذه السياره مستقبلاً فانا ارشح لك اللوجان لانها اكثر راحة و اتساع للاسره.
هداك الله لارشد امرك و اقومه
السلام عليكن و رحمة الله و بركاته
و الله المعلومات فى المنتدى ما شاء الله تمثل أعاجيب للناس اللى بتشترى بدون علم او بتشترى على سابق المعرفةاقتباس:
المشاركة الأصلية كتبت بواسطة scientist9508
يعنى الغالبية من الملاك ما تعرفش ان الكورولا و الصنى و السوزوكى مش يابانى ؟ و لو عرفو كان ايه الموقف ؟
اقتباس:
المشاركة الأصلية كتبت بواسطة م أحمد
بسم الله الرحمن الرحيم
أخى الفاضل م. أحمد
حقيقة لست متأكد مما تقصده من كلماتك و لكن على أى حال الرابط الآتى يثبت دقة معلومة أن محرك السويفت و السياز يتم بناؤهما فى الصين.
https://en.wikipedia.org/wiki/List_of_Suzuki_engines
ثم توجه إلى قسم K Engines
حيث محرك السويفت هو K12B
و محرك السياز هو K14B
و أود أن أوضح أسباب أننى نشرت هذه المعلومه:
1 - ذهبت للوكيل بنفسى و سألت عن السوزوكى سياز بل و فحصتها بنفسى جزء جزء و كالمعتاد كذب على الوكيل بشأن المحرك:
1 - القدره الحصانيه الفعليه للمحرك
2 - بلد المنشأ للمحرك
2 - كثير من الناس (ملاك و غير ملاك بما فيهم أنا شخصيآ فى بداية تملكى للسياره) يعتقدون أن محرك سوزوكى تأتى من اليابان إلى مصنع الهند للتركيب فقط داخل جسم السياره الذى يتم تصنيعه فى الهند و هذه معلومه خطأ بالكامل.
3 - أنا أؤمن بأن يعرف الإنسان الحقيقه كامله غير منقوصه ثم يكون له حرية القرار و الإختيار و لذلك حرصت على توضيح هذه المعلومه (التى لا أرى لها إنتشار على المنتدى على الرغم من أهميتها) و خاصة أن الوكيل بالفعل يكذب بشأن بلد المنشأ للمحرك.
إن كان لديك شىء من التردد لتصديق أى معلومه أنشرها فأنا أرحب بكل أسئلتك و فى أى وقت.
السلام عليكم و رحمة الله و بركاته
مفيش قصد خفى و لا حاجة ....انا بقدر معلوماتك اللى بتوضح للناس حاجات مش عارفينها و بزود عليه مثال للصنى و الكورولااقتباس:
المشاركة الأصلية كتبت بواسطة scientist9508
جزاك الله خيرآ عن خوفك على الناس من النصب و الخداع و أكرر ترحيبى بك شخصيآ و بكل إستفساراتك و فى أى وقتاقتباس:
المشاركة الأصلية كتبت بواسطة م أحمد