-
شقق الاسكان الاجتماعي
السلام عليكم ورحمة الله وبركاته...
دلوقتي احنا عرفنا ان وزارة الاسكان منزلة المرحلة التانية من مشروع دار مصر وانا بتكلم علي اللي ف القاهرة الجديدة وعرفت ان سعر المتر هيكون 4200 تقريبا بس اللي مش عارفه بقي هو الاستلام هيكون بعد اد ايه وهل هيبقي بقرعة لان اللي متبقي مساحات ال 150 متر و ال 136 وال 115 واحنا عاوزين ال 150 متر...
فعندي شوية استفسارات:-
1:هل اسعارها كويسة كدة ولا ممكن اخد برة بسعر ارخص
2:الاستلام هيكون بعد اد ايه
3:ال 150 متر هيبقو صافي كام
4:تشطيبها انا سمعت انه سوبر لوكس هل ده كلام وخلاص ولا فعلا
5:موقعها ف التجمع حلو ولا اي كلام
معلش انا طولت عليكم بس الواحد مش عاوز يقدم علي قرار الا لما يكون واخد خبرات الناس ورجاءا اي حد عنده خبرة ف الموضوع ده يفيدنا لاننا محتاجين ارائكم فعلا
-
-
-
ادخل على الفيس هتلاقى جروبات دار مصر وكمان جروبات معارضة التصاق العمارات ومخالفة كراسة الشروط وهتلاقى اراء ناس كتير
بس رأى ان وزارة الاسكان عملت تسويق كويس واخرجت منتج سىء جدا ودة هيأثر على سمعة الوحدات وسعر بيعها بعد كدة
لان بناءا على متابعتى لتنفيذ المرحلة الاولى فى مدينة اكتوبر بعد ما اعلنوا ان الشقق فى عمارات منفصلة وان اقل مسافة بين كل عمارة والثانية 8 متر ودة كلام الوزير .....عند التنفيذ زودوا عمارات كتير على نفس مساحة الارض و خالفوا كراسات الشروط والمساحات بعد ما كانت 130 متر صافى اصبحت تصفى 100 متر وكان فية نادى للسكان اعلنوا بعد كدة انة هيتباع لمستثمر خارجى وهيبقى بفلوس كانك بتشترك فى نادى رياضى يعنى ممكن تلاقى الاشتراك 70 او 100 الف
دة كل المعلومات اللى عندى
-
هوه انا راى فى الموضوع ده بصراحه انه سبوبه
يعنى تلاقى كراسه الشروط بـ 200 جنيه وتلاقى مقدم حوالى نص مليون شخص يبقى كسبوا مبلغ وقدره من شراء كراسة الشروط
وبعدين تحط مبلغ مقدمه من الاول حوالى 25 الف جنيه وتسيبهم حوالى تلات شهور لحد ما القرعه نتيجيتها تطلع وفى الاخر يديك فوايد حوالى 40 جنيه
تحس انه استثمار ليهم ولم فلوس
ايه المشكله لما تبقى كراسه الشروط متوفره على موقع بنك الاسكان وتقدم الكترونيا
ولو حصل ورسيت عليك القرعه ابقى ادفع ساعتها مدفعتش يشوفوا اللى بعدك وهكذا
عيب الموضوع كمان موضوع التشطيب لان يفضل تشطب بنفسك حتى لو انت مختار الخامات وهما هينفذوا لان
موضوع التنفيذ مثلا بيبقى المقاول الكبير مثلا واخد مثلا مبلغ 60 الف للتشطيب فتلاقى المقاول اداها لمقاول باطن بسعر اقل ومقاول الباطن جاب مقاول باطن تانى وهكذا لحد ما توصل لعامل هوه اللى ياخد الشغلانه بسعر اى كلام فتلاقى الجوده اى كلام وتلاقى الخامات اى كلام
احسن حاجه ان مثلا 10 اشخاص يشتركوا فى دفع مبلغ من المال ويشتروا ارض مع نفسهم ويبنوها هيوفروا على الاقل 30 فى المائه من سعر نفس الشقه فى السوق
-
من الاخر كده ..
المرحله التانيه مش جايبه همها .. بمعني.. ان اللي هيقدم في المرحله التانيه هيدخلوه قرعه علي الادوار الارضي والاخييير فقط.. لان الادوار المتكرره هتبقي تخصيص من نصيب الناس اللي قدمت في المرحله الاولي ومافازتش بالقرعه وسابوا فلوسهم المقدم في بنك التعمير والاسكان لحد الان وهذه تعليمات وتصريحات وزير الاسكان والكلام ده مكتوب في الاعلان بتاعهم بخصوص المرحله التانيه علي موقع هيئه المجتمعات العمرانيه الجديده
-
من الاخر كده ..
المرحله التانيه مش جايبه همها .. بمعني.. ان اللي هيقدم في المرحله التانيه هيدخلوه قرعه علي الادوار الارضي والاخييير فقط.. لان الادوار المتكرره هتبقي تخصيص من نصيب الناس اللي قدمت في المرحله الاولي ومافازتش بالقرعه وسابوا فلوسهم المقدم في بنك التعمير والاسكان لحد الان وهذه تعليمات وتصريحات وزير الاسكان والكلام ده مكتوب في الاعلان بتاعهم بخصوص المرحله التانيه علي موقع هيئه المجتمعات العمرانيه الجديده
-
-
برضه ماحدش قال الموقع فين ياجماعة وبعدين الاقبال على الاولى كان رهيب وقرعة وكده طب ازاي لو هي وحشة كده
كمان حكاية الارضي والاخير اعتقد غير دقيقة وان المقصود ان فيه ارضي واخير في المرحلة الاولى والله اعلم
-
هتلاقي عيله سليم كلها اخدين شقق و يقولك صدفه و تصادف ايها المواطن :)))
Content Relevant URLs by
vBSEO 3.6.0 PL2