الموضوع: الكاسيت بيسخن

شكرا اخي علي سرعة الرد و بأذن الله حشتري جراب سي ديهات النهاردة


محمد فهمي

المشاركة الأصلية كتبت بواسطة أبو عبدالله

لأ مش عادي

وعلى فكره دي بسبب العزل اللي حوالين الفتيس بيطلع داخل الكونسول ويسخن اي حاجه في طريقه لأن مفيش عزل وهقولك حاجه وجربوها حط ايدك على الكونسول بجوار الفتيس والعربيه ماشيه فتره شوفها سخنه ولا لأ

بالنسبة للعزل إللي حوالين الفتيس علشان يطلع على الكونسول ، ده كلام صحيح لو بتتكلم على عربية دفع خلفي و ليس جر أمامي، علشان الفتيس (الجيربوكس) بيكون معادي من تحت الكونسول.

أما في عربيات الجر الأمامي الفتيس قدام في حوض الماتور و موازي للعجل الأمامي و ليس له علاقة من قريب أو بعيد بالكونسول

و انا شخصيا عندي الكونسول بيبقى بارد و عادي جدا لكن الكاسيت هو إللي بيكون سخن و بالذات لو مش مشغل التكييف، لكن مع تشغيل التكييف بيكون دافي فقط

و زي ما قولت للأخ السائل انا شوفتها في عربيات كتير (بيجو - لانوس - بولو) و دول على سبيل المثال لا الحصر و كانت الكاسيتات ديه تشمل ماركات زي (كلاريون - رودستار - بلاوبنكت) و بردة على سبيل المثال لا الحصر