حد عندوا المشكله دي يا جماعه ان الكاسيت بيسخن قوي والشريط لما يطلع من جوه بيبقى سخن اوي مش عارف ليه والوش ميبتفتحش بسهوله لوحده لزم اساعده بايدي مش عارف ليه يا ريت لو حد عندوا المشكله دي يقولي عمل ايه وحلها ازاي
عرض للطباعة
حد عندوا المشكله دي يا جماعه ان الكاسيت بيسخن قوي والشريط لما يطلع من جوه بيبقى سخن اوي مش عارف ليه والوش ميبتفتحش بسهوله لوحده لزم اساعده بايدي مش عارف ليه يا ريت لو حد عندوا المشكله دي يقولي عمل ايه وحلها ازاي
دة كدة مش مظبوط ولازم تراجع التوكيل، على فكرة توكيل الكاسيت مستقل عن أبو الفتوح وله ضمان و عنوان مستقل مرفق مع كتالوج السيارة...
تحياتى
م/طارق زياد
بيتهيألي انة دة معناة تيار كهربي زيادة معدي في دايرة الكاسيت ...ودة ممكن لو انت مركب سماعات الحمل بتاعها اكبر من ايلي الكاسيت يقدر يشغلها...وغالبا لو مافيش حماية علي اقصي تيار يمر بالكاسيت ...الكاسيت بيسمح بمرور التيار الكهربي دة ...وبالتالي بيسخن مكوناتة...
الاحتمال التاني ...وهو الارضي بتاع الكاسيت والسماعات ممكن يكون الكابل الارضي بينهم واحد مش مجزء والكابل دة سمكة رفيع وعلشان كدة بيولد حرارة ومنها الكاسيت بيسخن...
عموما التوكيل برضة هايأكدلك...وممكن لو كهربائي كويس يعرف لما يشوف الدايرة بتاعه الكاسيت راكبة ازاي ..
انا عندى نفس المشكله دى برضه بس زياده عنك انى لما الكاسيت بيسخن الأسطوانه مش بتطلع لازم اقفله عشان يبرد وبعدين السى دى بيطلع حد يعرف ده من ايه
انا عندي الكاسيت بيسخن
بس متهيألي ده عادي لأني لاقيت الموضوع ده في كاسيتات تانية مع ناس اعرفهم
بس غير كدة ماعنديش مشكلة فيه
السلام عليكم جميعا بالنسبه للكاسيت ايوه بيسخن وده عادى عندنا كلنا و بيبان اكتر لو مشغل اسطوانات مش شريط و اعتقد ان ده راجع لشعاع الليزر اما اى مشاكل من عدم خروج الاسطانه او فتح الباب بصعوبه ده غير عادى و ممكن تراجع توكيل كلاريون
لأ مش عادي
مفيش حاجه اسمها ان الكهربا لو عاليه داخل الكاسيت فتعمل حراره وكده الموضوع ده موجود في النوبيرا اللي هيا تقفيل عمو ابو الفتوح برضه
وعلى فكره دي بسبب العزل اللي حوالين الفتيس بيطلع داخل الكونسول ويسخن اي حاجه في طريقه لأن مفيش عزل وهقولك حاجه وجربوها حط ايدك على الكونسول بجوار الفتيس والعربيه ماشيه فتره شوفها سخنه ولا لأ
هذا ليس له علاقة بالليزر اطلاقا حيث انه لا ينتج الحراره الهائلة لدرجة انها تكون ملاحظهاقتباس:
و بيبان اكتر لو مشغل اسطوانات مش شريط و اعتقد ان ده راجع لشعاع الليزر
وانا عندي سي دي في عربيتي وعمري ما طلعت السي دي سخنة ابدا ونفس الموضوع في الدي في دي بتاع الكمبيوتر
طيب انا ما فيش عندي مشكلة في الكاسيت انما السي ديهات بتبوظ و بتهنج بعد فترة قصيرة فده يا تري ايه سببه
انا بحط السي ديهات غالبا من غير غلاف في الكونسول اللي جانبي و بتبقي صيد ثمين للارهابي اللي بيكون قاعد جانبي علي رجل مامته و متربص للعربية بأي تخريب يعمله فيها
محمد فهمي
اقتباس:
المشاركة الأصلية كتبت بواسطة hero
- معتقدش ان الكاسيت يسخن من تيار كهربى زيادة
كلامك مش مقنع يا هيرو ممكن يكون فيه مشكله فى الكاسيت نفسه
وبعدين انو مايرضاش يخرج السى دى دى مشكلة باردو مش من التيار الكهربى الذائد ابدااا
فالافضل انك تروحل التوكيل لان الموضوع مش تيار كهربى زيادة
اقتباس:
المشاركة الأصلية كتبت بواسطة borgelharm
- السى ديهات لما بتكون مش نضيفة او متخربشة بتأثر
على الكاسيت جدا مش هتلاحظها غير بعد فترة من الاستعمال
فحافظ على السى ديهات كويس هات مثلا جراب سى ديهات
وحط فيه السى ديهات اللى بتستعملها كلها وماتسيبهاش على الكونسول
شكرا اخي علي سرعة الرد و بأذن الله حشتري جراب سي ديهات النهاردة
محمد فهمي
بالنسبة للعزل إللي حوالين الفتيس علشان يطلع على الكونسول ، ده كلام صحيح لو بتتكلم على عربية دفع خلفي و ليس جر أمامي، علشان الفتيس (الجيربوكس) بيكون معادي من تحت الكونسول.اقتباس:
المشاركة الأصلية كتبت بواسطة أبو عبدالله
أما في عربيات الجر الأمامي الفتيس قدام في حوض الماتور و موازي للعجل الأمامي و ليس له علاقة من قريب أو بعيد بالكونسول
و انا شخصيا عندي الكونسول بيبقى بارد و عادي جدا لكن الكاسيت هو إللي بيكون سخن و بالذات لو مش مشغل التكييف، لكن مع تشغيل التكييف بيكون دافي فقط
و زي ما قولت للأخ السائل انا شوفتها في عربيات كتير (بيجو - لانوس - بولو) و دول على سبيل المثال لا الحصر و كانت الكاسيتات ديه تشمل ماركات زي (كلاريون - رودستار - بلاوبنكت) و بردة على سبيل المثال لا الحصر