فى رأيك هل اسعار الاراضى والشقق ستظل تتزايد خلال 15 او 20 سنة القادمين

فى رأيك هل اسعار الاراضى والشقق ستظل تتزايد خلال 15 او 20 سنة القادمين ؟

السؤال دة بسألة لاصحابى كتير لانى شايف كل الناس اللى عاوزة تستثمر بتجرى وراء الاراضى والمبانى

وبصراحة من خلال روءيتى السوق تشبع واصبحت الاسعار غير قابلة للتحريك لاعلى ودة بيخلى السماسرة تتكلم كتير ومفيش حاجة ينفذها .....يعنى مثال لو سمسار عندة بائع لشقة طريقة اى سمسار انة يحسسة انها تجيب ربع ثمنها وان دة توبها وان وان ......لكن لو نفس السمسار عندة مشترى لنفس الشقة بيضرب فى 3 السعر لية ؟ عشان يحسس المشترى انها لقطة وانة مش هيلاقى احسن من كدة ....وانة هيعمل تخفيض اول الفلوس لما تظهر.....

انا بقى عاوز اعرف وجهه نظركوا :

هل الاسعار فى العقارات ستظل وتظل وتظل ترتفع ولا هيجى يوم و يقف السعر و يزيد حجم المعروض عن المطلوب وبالتالى الاسعار تبدأ فى الانخفاض ؟؟؟؟؟

اعتقد هتزيد لان الفئات اللى معاها فلوس كتير فى الشعب بتزيد

سوق العقارات زى اى سوق بيقوم على عاملين هما العرض والطلب .
بالنسبه للشقق انت كدولة مطلوب انك توفر كل سنه 500 الف شقة بمختلف مستوياتها ولكن الفعلى اللى بتوفره الدولة تقريبا 25% من الرقم ده وبالتالى انت عندك عجز حوالى 75% وبيتراكم كل سنه وبدليل ان الحكومه نفسها بقت بتعلن عن شقق باسعار السوق ( مساحات 130 و150 سعرها بيتراوح ما بين 350 الف - 500 الف ج ) واسمها شقق تابعه لهيئة المجتمعات العمرانية وبنك الاسكان والتعمير المملوكين للدولة وبالتالى سيستمر الارتفاع الملحوظ لاسعار الشقق فى السنوات القادمه .
بالنسبه للاراضى - العلاقة طردية ما بين الشقق والاراضى طبعا يعنى زيادة اسعار الاراضى بتؤدى لزيادة اسعار الشقق والعكس صحيح . وكمان ان الاراضى فى المناطق المعمورة زى اكتوبر كلها والقاهرة الكبرى وحتى مدينة جديدة زى السادات اصبح عددها محدود جدا وفى تناقص وده بيؤدى بدوره الى زيادة اسعارها بشكل رهيب وطبعا اللى بيشترى ارض غالية هبيبع شقق غالية وكمان بيعلى اسعار الاراضى فى القطع المجاورة لها وهكذا دواليك .


ومن الاخر انسى ان فى اى حاجة ترخص فى مصر .
بص على اسعار العربيات من 10 سنوات بالرغم من وجود اتفاقيات الجات وغيرها .
بص على اسعار اللحوم .
بص على اسعار الذهب .
بص على اسعار البنزين .
.................... الكهرباء
..................المدارس الخاصة والتجريبي.
................ كل حاجه .
بص على اسعار كل الحاجات دى وبص على اسعار البترول العالمية اللى تقريبا بقت النص واحنا لسه زى ما احنا بل الامر بيزداد سوء والارتفاع جنونى فى كل شىء وهتعرف ان الاسعار لا يمكن تنخفض ابدا ولو فى حاله من الركود فى اسعار العقارات ستظل هى الملاذ الامن للاستثمار .

مش هترخص الا بحدوث كارثه ما او الحكومه تحدد الاسعار بنفسها

اقتباس:

---

المشاركة الأصلية كتبت بواسطة mody112

سوق العقارات زى اى سوق بيقوم على عاملين هما العرض والطلب .
بالنسبه للشقق انت كدولة مطلوب انك توفر كل سنه 500 الف شقة بمختلف مستوياتها ولكن الفعلى اللى بتوفره الدولة تقريبا 25% من الرقم ده وبالتالى انت عندك عجز حوالى 75% وبيتراكم كل سنه وبدليل ان الحكومه نفسها بقت بتعلن عن شقق باسعار السوق ( مساحات 130 و150 سعرها بيتراوح ما بين 350 الف - 500 الف ج ) واسمها شقق تابعه لهيئة المجتمعات العمرانية وبنك الاسكان والتعمير المملوكين للدولة وبالتالى سيستمر الارتفاع الملحوظ لاسعار الشقق فى السنوات القادمه .
بالنسبه للاراضى - العلاقة طردية ما بين الشقق والاراضى طبعا يعنى زيادة اسعار الاراضى بتؤدى لزيادة اسعار الشقق والعكس صحيح . وكمان ان الاراضى فى المناطق المعمورة زى اكتوبر كلها والقاهرة الكبرى وحتى مدينة جديدة زى السادات اصبح عددها محدود جدا وفى تناقص وده بيؤدى بدوره الى زيادة اسعارها بشكل رهيب وطبعا اللى بيشترى ارض غالية هبيبع شقق غالية وكمان بيعلى اسعار الاراضى فى القطع المجاورة لها وهكذا دواليك .


ومن الاخر انسى ان فى اى حاجة ترخص فى مصر .
بص على اسعار العربيات من 10 سنوات بالرغم من وجود اتفاقيات الجات وغيرها .
بص على اسعار اللحوم .
بص على اسعار الذهب .
بص على اسعار البنزين .
.................... الكهرباء
..................المدارس الخاصة والتجريبي.
................ كل حاجه .
بص على اسعار كل الحاجات دى وبص على اسعار البترول العالمية اللى تقريبا بقت النص واحنا لسه زى ما احنا بل الامر بيزداد سوء والارتفاع جنونى فى كل شىء وهتعرف ان الاسعار لا يمكن تنخفض ابدا ولو فى حاله من الركود فى اسعار العقارات ستظل هى الملاذ الامن للاستثمار .

---

بس بالنظر الى حجم وعدد العقارات المبنية خلال الخمس سنوات الماضية هتلاقى حجم مهول ,,,,وبالنظر على المدن الجديدة والتجمعات زى القاهرة الجديدة والشروق والعبور واكتوبر ايوة فية عقارات وكلها متباعة بس مش ساكنة يعنى الموضوع تجارى

خد مثلا الشروق حجم الشقق كبير جدا لكن المدينة فاضية اقل تقدير مشغولة بنسبة 25 الى 30 %

كذلك العبور كذلك القاهرة الجديدة وان كانت بنسبة اكبر فى اشغالها .....انا اللى بقولة ان معظم البيع فى الشقق والعقارات فى الوقت الحالى اصبح تجارة تسقيع فقط هديك مثلا
مول تجارى فية 50 محل مثلا واحد بناة وخد قرض بضمانة من بنك رقم 1

كدة الراجل التاجر اللى بنى خد فلوسة من البنك وراح بايع المحلات لمجموعة شركات استثمار عقارى اللى بدورها باعت المحلات لمستثمرين تانيين اللى راحوا البنك رقم 2 مثلا وخدوا قروض وهاكذا عمليات بيع ورق بس
فى الحقيقة المول ما اتفتحش ولا حد سكن ولا حد شاغلة كلها عمليات مضاربة وزيادة فى الاسعار بس مفيش بيع لمستهلك نهائى الا قليل جدا....ياريت تكون الفكرة وصلت

معظم المشترين للعقارات هتلاقيهم مين التجار والعاملين برة مصر اللى بيحولوا مدخراتهم وبيخزنوها فى عقارات عشان كدة الاسعار بتتحرك لكن مفيش اسكان واشغال حقيقى للوحدات

العقارات فى مصر = مضاربة+ تجارة + استثمار + مخزن قيمة + غسيل اموال (و الاخيرة دى اكبر واحدة)

اقتباس:

---

المشاركة الأصلية كتبت بواسطة sherifahmed

العقارات فى مصر = مضاربة+ تجارة + استثمار + مخزن قيمة + غسيل اموال (و الاخيرة دى اكبر واحدة)

---

يعنى هى وجهه اخر للبورصة وموضوع غسيل الاموال دة طريق اضافى لانة ممكن يكون موجود فى كافة طرق الاستثمار

بس المهم ان طريقة تسعير وتحرك الاسعار فى مصر مش طريق طبيعى وانما هو عبارة عن مضاربة وتجارة

يعنى لو السوق حصل فية كساد زى ما هو حاصل .....اعتقد ان المضاربة والتجارة ممكن يخرجوا من المعادلة

ويتبقى الاستثمار بشكل محدود و غسيل الاموال وفى الحالة دة يبقى سوق غير امن كمخزن قيمة .....يعنى ممكن تشترى شقة بمليون .....ومتوقع ان قيمتها هتزيد كل سنة 20 % ممكن بعد خمس سنيين تزيد 30 او 40 % بس مش 100 %

اللى الناس مش واخدة بالها منه حاجة مهمة
ان 99% من الناس يادوبك اللى جاى على قد اللى رايح
و ده لما ربنا بيكرمه بقرشين بيبقى عايز يحافظ على قيمتهم. يروح يسأل الناس تقوله العقارات. يروح يشترى شقة. لكن لأنه بيستثمر بفلوس محسبش المدى الزمنى لاحتياجه لها كويس فهيحتاج فلوسها بعد فترة وجيزة. هييجى يبيع هيلاقى الركود التضخمى مستنى له بالمرصاد. فمش هيعرف يبيع بسهولة الا اذا نزل جامد فى السعر و الا هيطلع عينه فى البيع. و دى النتيجة الطبيعية لتزاوج نظرية القطيع مع الركود التضخمى فى بلدنا

اقتباس:

---

المشاركة الأصلية كتبت بواسطة imhotep

اللى الناس مش واخدة بالها منه حاجة مهمة
ان 99% من الناس يادوبك اللى جاى على قد اللى رايح
و ده لما ربنا بيكرمه بقرشين بيبقى عايز يحافظ على قيمتهم. يروح يسأل الناس تقوله العقارات. يروح يشترى شقة. لكن لأنه بيستثمر بفلوس محسبش المدى الزمنى لاحتياجه لها كويس فهيحتاج فلوسها بعد فترة وجيزة. هييجى يبيع هيلاقى الركود التضخمى مستنى له بالمرصاد. فمش هيعرف يبيع بسهولة الا اذا نزل جامد فى السعر و الا هيطلع عينه فى البيع. و دى النتيجة الطبيعية لتزاوج نظرية القطيع مع الركود التضخمى فى بلدنا

---

+++++1
هوا دة اللى بتكلم فية ان العقارات استثمار أمن لكن مش مربح للدرجة اللى تخلى كل الناس تقولك عايز تستثمر او شىء ....ادخل فى العقارات

هو ممكن يكون افضل بديل لان القطاع الصناعى عائدة قليل وبعيد المدى والقطاع الزراعى مش شغال بشكل طبيعى يعنى مرة يكسب وعشرة يخسر

معظم فروع الاستثمار فى مصر ضعيفة العائد عالية المخاطرة واضف الى ذلك شوية فساد على نظم احتكارية تبقى المعادلة ان مصر نظام طااااااارد للاستثمار

ودة كمان منعكس وواضح جدا على البورصة ( بورصة الاوراق المالية ) الجنية اللى بيخرج دلوقتى مش بيدخل مكان جنية تانى *
وده بيرجع بردو لعدم ثقة المستثمرين في الوضع الحالى في ماسر ... فعلا كل فروع الاستثمار في ماسر اصبحت ضعيفة العائد

اقتباس:

---

المشاركة الأصلية كتبت بواسطة Ah.Farid

+++++1
هوا دة اللى بتكلم فية ان العقارات استثمار أمن لكن مش مربح للدرجة اللى تخلى كل الناس تقولك عايز تستثمر او شىء ....ادخل فى العقارات

هو ممكن يكون افضل بديل لان القطاع الصناعى عائدة قليل وبعيد المدى والقطاع الزراعى مش شغال بشكل طبيعى يعنى مرة يكسب وعشرة يخسر

معظم فروع الاستثمار فى مصر ضعيفة العائد عالية المخاطرة واضف الى ذلك شوية فساد على نظم احتكارية تبقى المعادلة ان مصر نظام طااااااارد للاستثمار

---

الركود التضخمى وصل الموضوع الى انه تحت المليون جنيه فأن افضل استثمار هو وجود السيولة فى حد ذاته . . . خاصة مع فئة الناس العادية اللى هى فئة اللى جاى على قد اللى رايح لان الفئة دى لو احتاجت فلوسها المحبوسة فى عقار مش هتعرف تجيبها بسهولة و ده ممكن يؤدى لخسائر كبيرة عند محاولة التسييل السريع و هو شئ متوقع للفئة دى. . . و بالتالى خلاص حتى العقارات بقت off limits كمجال للاستثمار. . . و ده كله نتيجة تكالب الناس على الاستثمار او المضاربة فى القطاع ده. . . و بالنالى خلقوا فقاعة و دايرة جهنمية مش هتنكسر قريب و مش بسهولة. . . و النتيجة معروض كبير بأسعار عالية و طلب اقل بقدرات مالية اقل و المحصلة فى النازل من هنا و رايح فى العائد على الاستثمار . . . احد الاخوة هنا كان عمل موضوع قريب بيشتكى فيه ان سعر المليون ده بقى طبيعى و عادى فى الشقق دلوقت. . . بس يا ترى المليون دى فى قدرة نسبة اد ايه من الناس العادية. . . و ده مع الوقت هيسبب تآكل كبير فى العائد على الاستثمار و كمان ممكن يسبب خسائر كبيرة فى حالة الازمات الاقتصادية

ياريت الكل ياخد باله ان البلد دي اسمها مصر مش الخيابة الي بعض الاشخاص التافهة بتكتبها

لو بصينا للموضوع بشكل تحليلى حنلاقى ان مجالات الاستثمار داخل مصر "وخارجها" بتتمثل فى 3 مجالات رئيسيه كل واحده منها بتضمن شويه مجالات فرعيه وكل من المجالات الرئيسيه بيشتمل على مخاطر مختلفه وعوائد متناسبه مع المخاطر بتاعتها وتفصيل المجالات دى كالتالى :

*الاستثمار فى مجال الاعمال سواء تجارى او صناعى او زراعى وطبعا المجال ده الاكثر ربحيه والاكثر خطوره وعلشان كده عامه الشعب او بمعنى ادق طبقه الموظفين والمعاشات بتبعد غالبا عنها لانها خطورات العمل فيها كبيره جدا وثقافه الشعب المصري "والبنى ادم "بطبعه قرشه عزيز وبيخاف عليه حتى لو الاغراء الربحي كبير
وعلشان كده الاغلبيه بتبعد عن المجال ده وهو يشمل العمل بالبورصه والفوركس على السواء .

*المجال التانى وهو شراء منتجات تكون مستودع للقيمه الذاتيه للاموال والمجال ده بيكون ذو ربحيه متوسطه ومخاطر من متوسطه لقليله والمجال ده بيشمل شراء عقارات او ذهب او عملات او منتجات استهلاكيه بتحتفظ بقيمتها الذاتيه
والمجال ده بيكون ملاذ لكتير من الناس اصحاب الطبقه المتوسطه اللى مبتعرفش فى مجال الاعمال ولسبب او اخر مبتحطش فلوسها فى المجال التالت اما لمعتقدات دينيه او لانه اقل ربحيه وحنتكلم عن الموضوع ده فى الاخر


*والمجال الاخير هو الاستثمار الامن اللى بيكون بربحيه قليله ومخاطر شبه معدومه وهو وضع الاموال فى البنوك وطبعا كتير من الناس بتفضل المجال ده علشان تريح دماغها

فلسفه الاستثمار العقارى بتتمثل فى ايه بتتمثل فى ان العقارات من زمن طويل اسعارها بتشهد زياده مطرده "زى اى حاجه" ولكن بشكل اكبر من مثيلاتها فى الاستثمار بمعنى ان الناس شايفه ان الذهب والعمله بتكسب على مر الزمن لكن مش بنفس معدل الزياده فى العقارات وكمان بتكون فى احوال كتير سند للاجيال الجديده فبغض النظر عن كونها استثمار اصحاب الطبقه المتوسطه بيشوفها بجانب الاستثمار حاجه الاولاد يستنفعوا بيها سواء فى الجواز او غيره
حاجه كمان لازم ناخد بالنا ان الطلب على العقار المصري مش بس من المصريين انما كمان دول الخليج والدول العربيه والمغتربين المصريين بيشاركوا فى الطلب على العقار وبيساهموا بشكل كبير فى رفع الاسعار لان اللى فى الخارج بيشتري على ورق فممكن يشترى فيلا او شقه داخل كومباوند متبناش وميكونش شاف موقع الارض غير على الورق وبيشترى سواء"لو خليجى" مش فارق معاه المبلغ لان بالنسباله ارخص من مثيله فى بلده او "لو مغترب" بيشوفها استثمار امن ومش محتاجها فى وقت قريب وده اللى بيخللى كتير من الشركات الكبيره "طلعت مصطفى-اعمار-مارسيليا-واغلب شركات التسويق العقار "ليها فروع فى دول الخليج
وكمان حاجه الشركات دلوقتى بقت بتبيع مستوى مش بس سكن بمعنى ظهرت فى الفتره الاخيره مشروعات مواقعها مش مستاهله السعر العالى المطلوب ولكن الخدمات والتصميمات بتستهدف فئه معينه لخلق جو معين بيساهم فى زياده الطلب على المواقع دى وبالتالى ارتفاع اسعارها
بالاضافه لان اغلب الناس اللى بتاخدها استثمار بتاخدها بجانب الاستثمار كمصدر للدخل "عند التأجير او التشغيل" وبالتالى بتكون اكثر اغراء للاستثمار دون الذهب والعملات اللى بتكون استثمار بلا دخل


كل العوامل السابقه دى بتساهم فى خلق طلب كبير على العقارات وبما ان المعروض "مع زياده الطلب والزياده السكانيه فى جميع الطبقات الاجتماعيه " مش مكفى الطلب فالسعر بيزيد جدا خاصه وان المشروعات العقاريه بتاخد وقت للتشييد وده بيخللى دايما العرض خلف الطلب بخطوات

النهايه ان الاسعار حتستمر فى الزياده الا فى حاله حدوث كارثه اقليميه"لا قدر الله" توقف الطلب بشكل ما وزياده الاسعار طبيعيه نظرا لوجود التضخم الداخلى والخارجى فى اسعار مستلزمات البناء وباقى متطلبات الحياه ولكن ممكن نختلف فى نسبه الزياده ولكنها ستظل"بالاستثمار والتشغيل" اكبر من عائد البنوك

اسف على الاطاله
تحياتى.

بالنسبه للاعضاء الافاضل اللي بيقولوا ان مجال العقارات ما بقاش زي الاول

انا هنقل تجربتي ومعلوماتي بناء علي اني ساكن في القاهره الجديده ولي علاقه بمشروع فيها

هنتكلم مثلا عن منطقه ابو الهول .. ربما تكونوا سمعتوا عنها

الاراضي الان فيها لو مساحتها 300 متر وموقع كويس بتعمل مليون و300 الف جنيه ... حضرتك بتشتريها وتكلفها رخص وحفر ومباني وتشطيب خارجي ونصف تشطيب داخلي وكهربا وسباكه ,, يعني من الاخر بتحولها لعماره سكنيه نصف تشطيب بتكلفه مليون جنيه مقفول

كده عندك 4 شقق كامله مساحتهم 190 متر صاااافي يعني في العقد بعد زياده مساحات الخدمات بيتقال عليها شقه 240 متر

وعندك بدروم بيعمل حوالي 200 متر صافي وعندك رووف بيعمل 50 متر صافي

الاربع شقق بيتباعوا ب 4 مليون جنيه .. والمشتري بيبقي جاهز خاصه لو عملت العماره علي شقتين كل شقه فيهم في العثد 120 متر يعني 8 شق ب 4 مليون جنيه. وروف بيتباع ب 50 في 4000 ب 200 اف جنيه وبدروم ب 700 او 800 الف جنيه خاصه لو دخلت اليدروم مع شقق الدور الارضي كدوبليكس يبقي العماره بالكامل تتباع هوا ب 5 مليون حنيه ... وانت صرفت 2مليون و 300 الف يبقي المكسب اكتر من الضعف

بس الحق يقال.. ان سوق العقارات في القاهره الجديده افضل من اي مكان اخر ... حتي الشروق و 6 اكتوبر والعبور والشيخ زايد مش بنفس الارباح بتاع القاهره الجديده

كلام مفيد من الزملاء فى المنتدى ..بس كله مركز تقريبا على العاصمة وجوار العاصمة .!

محدش اتكلم على الاقاليم والمدن الصغيرة وحتى الارياف . وبما انى حاليا اعمل فى مدينة صغيرة ومحل سكنى فى قرية مجاورة لها ... احب اقول لحضراتكم ان الاسعار فى الاقاليم نار جهنم .ومبالغ فيها (هذا رأيى ) بصورة كبيرة

الشقق العادية فى مدينة المنصورة ومساحة متوسطة ...نصف مليون الى 700 الف .

شقة فى منطقة راقية او شبه راقية وصلت للمليون منذ سنوات ..ومساحة 200 متر .

المدن الصغيرة فى الدقهلية ..وهناخد ميت غمر كمثال . ..الشقق فيها تخطت المليون منذ اكثر من سنتين ! طبعا بتكلم عن الاماكن الراقية اللى بجوار النيل .لونزلنا تحت شوية الارقام بتقل حتى تصل الى 350 -450 الف . !

نيجى بقا للارياف الاراضى المبانى والاراضى الزراعية .. قيراط المبانى فى الارياف من نصف المليون حتى مليون .!!! (ده فى البلد اللى فيها محل سكنى حاليا )

الاراضى الزراعية القيراط الزراعى ..من 25 الف حتى 30 الف .وفى بعض الاحيان 40 الف (مع ان الاراضى الزراعية ما بتجيبش همها حاليا بشهادة كل المزراعين ) ..ومساحات هائلة من الاراضى يتم تبويرها تحت مرأى ومسمع من الجميع ! و


فى توحش فى اسعار كل حاجة والمسئولية على الدولة والانظمة الحاكمة الغبية . المتعاقبة على مصر ثم مسئولية على الشعب . !!! لاننا لازلنا ندور حول انفسنا فى نفس المساحة الضيقة جدا فى الوادى والدلتا . !!

اقتباس:

---

المشاركة الأصلية كتبت بواسطة sting_2010

كلام مفيد من الزملاء فى المنتدى ..بس كله مركز تقريبا على العاصمة وجوار العاصمة .!

محدش اتكلم على الاقاليم والمدن الصغيرة وحتى الارياف . وبما انى حاليا اعمل فى مدينة صغيرة ومحل سكنى فى قرية مجاورة لها ... احب اقول لحضراتكم ان الاسعار فى الاقاليم نار جهنم .ومبالغ فيها (هذا رأيى ) بصورة كبيرة

الشقق العادية فى مدينة المنصورة ومساحة متوسطة ...نصف مليون الى 700 الف .

شقة فى منطقة راقية او شبه راقية وصلت للمليون منذ سنوات ..ومساحة 200 متر .

المدن الصغيرة فى الدقهلية ..وهناخد ميت غمر كمثال . ..الشقق فيها تخطت المليون منذ اكثر من سنتين ! طبعا بتكلم عن الاماكن الراقية اللى بجوار النيل .لونزلنا تحت شوية الارقام بتقل حتى تصل الى 350 -450 الف . !

نيجى بقا للارياف الاراضى المبانى والاراضى الزراعية .. قيراط المبانى فى الارياف من نصف المليون حتى مليون .!!! (ده فى البلد اللى فيها محل سكنى حاليا )

الاراضى الزراعية القيراط الزراعى ..من 25 الف حتى 30 الف .وفى بعض الاحيان 40 الف (مع ان الاراضى الزراعية ما بتجيبش همها حاليا بشهادة كل المزراعين ) ..ومساحات هائلة من الاراضى يتم تبويرها تحت مرأى ومسمع من الجميع ! و


فى توحش فى اسعار كل حاجة والمسئولية على الدولة والانظمة الحاكمة الغبية . المتعاقبة على مصر ثم مسئولية على الشعب . !!! لاننا لازلنا ندور حول انفسنا فى نفس المساحة الضيقة جدا فى الوادى والدلتا . !!

---

اعتقد المسئولية بنسبة كبيرة على الحكومات المتوالية لان الشعب فى غالب الاحيان بيستجيب لاى مؤثر سواء بالسلب او الايجاب
بمعنى لو وضعت هدف قومى واشتغلت علية هتلاقى الشعب بيستجيب
ولو وضعت سياسات فاسدة و طبل وزمر واغانى وهلس هتلاقى بردة الشعب بيستجيب

انت عارف حتى لو استعملت اسلوب الردع والتهديد زى كوريا الشمالية هتلاقى الشعب بيستجيب

المهم الارادة الحقيقية و النية الصادقة من الحكومات فى وضع الاهداف وتنفيذها عندك معوقات ايوة زى الفساد وزى انخفاض المهارات زى عدم وضوح الرؤية بس دة كلة المفروض غير مؤثر على الدول التى تملك الارادة والاهداف الواضحة