الزوجه المصريه والزواج التاني

**sfahmy6** · 19-08-2015 11:48 PM

طبعا بما أننا في العالم الافتراضي. ....
نو بنتكلم كلام افتراضي ☺

وماحدش منهم هنا ☺☺☺

رأيي الشخصي انه طالما الزواج ناجح والالتزامات والواجبات والحقوق مراعاة بالتبادل بين الطرفين. ...فلا أعتقد أن هناك قيمة اصلا للزواج الثاني

اما ما يحدث من أنه إذا كان هناك خلل في العلاقة فإن هذا الشخص مجبر على تحمل النتيجة الخطأ مدى الحياة حتي وإن كان في ال 20 من عمرة
فهو حكم بالسجن مدى الحياة. .....

وهو ما نتج عنه الخلل في المجتمع الذي نراه الآن ....ومقاربه زواجنا من زواج الأخوة المسيحيين

والكبت والقهر والتنفيس في المظلومين إلا وهم الأولاد. ....وجيل ورا جيل .....لحد ما وصلنا إلى هذا المستوى من الانهيار في كل شيء

والله اعلم

**elpilot** · 20-08-2015 12:12 AM

تصدق وتامن بالله
انا عن نفسي اقسم بالله بشتغل ليل ونهار وبجري في جميع الاتجاهات بحثا عن الرزق وان شاء الله اول ما ربنا يرزقني ويوسع رزقي واقدر افتح بيت تاني ان شاء الله هتجوز تاني حتي لو هخسر الزوجه الاولي بناء علي رغبتها انها مبتحبش الشريك زي ما بتقول حضرتك في المقال
ويتبقي لي مشكله واحده فقط هي اللي مش لاقيلها حل وهي الاولاد ايه مصيرهم وهيتربوا ازاي خصوصا اني ماقدرش استغني عنهم نهائيا وهي دي العقبه الوحيده والمشكله اللي بحاول الاقيلها حل
وان شاء الله ربك يوفق ونلاقيلها حل
وشكرا علي طرحك للموضوع الجميل ده

**amro1965** · 20-08-2015 10:34 AM

اشوفه فى مقبرة ولا اشوفه مع مره
يعمل اللى هو عاوزة برة البيت بشرط ان اخر الليل يبات فى بيته مع اولادى
ثقافة وتربية اغلب الشعب المصرى يرضين لازواجهم الحرام ولا يرضي لهم الحلال فى مسأله الزواج الثانى
والانواع كثيرة
ويبقى العامل المشترك الا وهو ترك واهمال الزوج بعد عشرة دامت اكثر من 15 سنه كان نتاجها اولاد وبنين
اهتمت الزوجه باولادها كثيرا واهملت الزوج
الزوج فى طاحونه الحياه لتلبيه طلبات الزوجه واولادها ولا يريد من زوجته الا بعض الوقت تشعره بأنه مازال هو الحب الاول وانه شريك داعم للاسره
واغلب المشاكل الاسريه التى ينتج عنها الزواج الثانى ماسبق
لان الزواج مشروع
ومشروع الزواج من طرفين شريك اول وشريك ثانى
اذا اخل احد الطرفين شروط التعاقد من حب ووفاق واتقاء مرضات الله فيما بينهم مثل اول يوم الى اخر سنوات العمر فيما بينهم حتى اذا رزقوا باولاد الا انهم مازالوا ينفذون شروط التعاقد
اللى بيضايقنى ان الزوجه هى اول انسانه تشعر بتغير زوجها ورغم ذلك تتجاهله حتى تقع الكارثه
مثلا
شاهدت زوجها ينظر الى انسانه غيرها رغم انها تسأله فيها ايه مدقق النظر بها فيقول لها مالفت انتباه
فبدلا من ان توجد مالفت انتباه زوجها فى نفسها الا انها لا تبالى
واذا ماحست صديقتها بأن زوجها يخرج معا فتيات فتخبرها بما يفعله زوجها الا انها ترد بأنها ضامنه زوجها ذى الخاتم فى اصبعها فتكون الكارثه
وغيرة تغيرات كثيرة والزوجه لا تصلح من شأنها حتى يحدث الزواج الثانى
واذا كان الزوج يخاف الله ولا يريد ان يعصاه فيتزوج
فاتبدا الزوجه فى التغير بس بعد فوات الاوان
النتيجه
الزوج اصبح عليه حملين زوجتين بأبنائهما من مأكل ومشرب وملبس
الزوجه الاولى تأنيب ضمير لانها هى كانت طرف اساسى وداعم للزواج الثانى
الزوجه الثانية هى تعلم انها سوف تكون زوجه ثانية افضل من الجلوس على دكة العنوسه وضل راجل ولا ضل حيطة

**MaZaGAngeE** · 20-08-2015 11:10 AM

المقال خد الجزء السطحي من المشكلة ....
احنا عندنا مشكلة عنوسة في البنات و الولاد و كمان ازمة اقتصادية مزمنة من 60 سنة ...
ضيف علي كده التربية اللي في الغالب مش متدينة .. و حط عليهم شوية جهل و شوية تفلبد للغرب ..
كل ده يديك جزء كبير من المجتمع المصري ...
قبل ما نحل مشكلة العنوسة لازم نحل مشكلة الاخلاق و الدين الاول .. بعد كده هتلاقي الاخلاقيات الاسلامية السليمة ظهرت في المجتمع و المشاكل هتتحل فعلا . قبل كده مفيش حاجة هتتحل و هنفضل ناكل في بعض

**MTAK** · 20-08-2015 11:53 AM

المقال طبعا لا غبار عليه فى اسلوبك اللذيذ و اللى بيخليك عاوز تقرأ الموضوع كله

اما عن التعدد

لا انكر ان نفسى اتجوز تانى و تالت و عاشر كمان

لانى اكيد هاجد مع كل زوجه شئ جديد

و لكن ما يجعلنى اقف و لا اتزوج من اخرى او حتى افكر فى كده حاجتين

النكد اللى هايبقى قاسم مشترك مع كل اللى هاتجوزهم ختى لو كانوا شغالين مهرجات فى شارع الهرم (يعنى حياتهم كلها هلس و ضحك)

ثانى حاجه المسئوليه
الزواج يتبعه مسئوليات كتير تجاه من ستتزوجها (لانك بتتزوج بنات ناس ) و تجاه الاطفال اللى هاييجوا (مش بتزرب عيال و ترميهم)

الموضوع مش موضوع فلوس (دا جانب مهم جدا) انما هو موضوع انا هاعمل ايه

بعد تروح السكره و تيجى الفكره