فتيس جولف 5 اتوماتيك فيه نتشه بين النقلة التانية والتالتة ليها حل المشكلة دي يا شباب

**imagine.86** · 20-08-2015 01:10 AM

فتيس جولف 5 موديل 2005 اتوماتيك مش dsg فيه نتشه بين النقلة التانية والتالتة ليها حل المشكلة دي يا شباب

**samehafez** · 20-08-2015 06:29 PM

Golf/Jetta mk5. الفتيس برضة dsg بس ٦ سرعات ....النتشة دي اسبابها كتير ،،،بس ابتدي بالأسهل و الأرخص شوف مركز صيانة عنده vag com ,و خليه يعمل اعادة معايرة للفتيس لو راحت النتشة خير و بركة لو لسة موجودة ( للأسف معرفش مركز ) يبقي الاحتمالات ١- قاعدة فتيس و احيانا موتور !! ٢-ميكاترونيكس

**imagine.86** · 20-08-2015 10:02 PM

لا انا الفتيس اللي عندي مش dsg اتوماتيك عادي 6 سرعات النتشة بتحصل بعد نص ساعة تقريبا من السواقة بين النقلة (التانية والتالتة) وانا طالع بالعربية او (التالتة والتانية) لما بنقص السرعة روحت غيرت زيت فتيس اصلي وفلتر راحت النتشة اللي بين التالتة والتانية وفضلت اللي بين التانية والتالتة فمش عارف ايه الحل

**samehafez** · 21-08-2015 07:53 AM

أسف ،حضرتك عندك حق ، انا كنت فاكر ان الجولف بتنزل dsg لأَنِّي شفت مرة جيتا ٥ dsg , فواحد قال ان الجولف بتنزل dsg.

ما علينا أسف أني توهتك معايا

برضة فتيس حضرتك زي اللي معايا في الجيتا 09g و ده برضه بيتعمله معايرة علي ال vag
اسمها basic settings و ده هيبقي أرخص جربه حل المشكلة يبقي كويس

برضه خللي ميكانيكي بيفهم يشبك علي القواعد

الخطوة اللي بعد كدة في احتمالين يا اما عقل فتيس او قربة زيت و عادة بيبقي قربة زيت
و ان كان الحل الاسلم انك تغير lockup clutch valve
بواحد ماركة سوناكسً بس الكلام ده مااظنش حد بيعمله في مصر
المفروض ان الفالف ده لما بيبوظ بيخلي قربة الزيت تعمل مشاكل

**imagine.86** · 21-08-2015 09:11 PM

الف شكر علي ردك ومعلش تعبتك معايا بس انا السبب اللي محيرني ان ليه العربية بتعمل كدة بعد ما امشي بيها نص ساعة يعني تقريبا بيكون زيت الفتيس سخن انا غيرت زيت الفتيس والفلتر بس بردة فضلت المشكلة ففي اللي قالي كدة ممكن تغير فتيس كامل

**samehafez** · 21-08-2015 10:46 PM

ولا يهمك ... و متسمعش للناس بتوع تغيير فتيس و الكلام ده

مراكز كتيرة بتشتغل في فتايس الفولكس و من اللي سمعته الموضوع مش مكلف اوي

**gho_ah** · 23-08-2015 06:18 PM

ده مبرد زيت الفتيس اكشف عن طريق كابل فاج فى اى مركز فولكس على درجه حراره الفتيس بعد مشوار اكتر من ساعه وفيه سحب كتير لو لقيت درجه الحراره اعلى من 114 يبقى انت عايز تغير مبرد وشكرا

**م أحمد** · 24-08-2015 12:11 PM

النتشة دى غالبا بسبب سدد فى بلوف غيارات التانى و التالت لانهم اكتر بلوف بيشتغلو اثناء القيادة و اللى بيظهر السدد الحرارة...يعنى ممكن تغير مبرد الفتيس و المشكلة تنحسر بس فعليا سدد البلوف قائم

**Bayoumi** · 28-08-2015 02:16 PM

بص ياباشا فيه مركز اسمه الشروق للفتيس الاوتوماتيك مركز الشروق لصيانة السيارات الأوتوماتيك | صيانة الفتيس الأوتوماتيك | قطع غيار سيارات | تربيط عفشة السيارات | ظبط زوايا السيارات دول ناس محترمين مهندس اسمه عمرو واخوه مهندس محمد روح عندهم غالبا لو فيه مشكلة قوية هايقدر يصلحهولك بتغيير سنويد او حاجة ولو مفيهوش هايقولك بس عشان تلاقي عمرو او محمد روح من الساعة 3 او 4 العصر والبيانات والعنوان وارقام التليفونات هاتلاقيها في اللينك وان شاء الله خير