الموضوع: عاجل اخبار الانفجارات اية فى القاهرة والجيزة الان

انا صاحب الموضوع

ارجو من الادارة اغلاق الموضوع فورا

ولست مسؤلا مما يحدث من مشاركات فية مسئية للطرفين او لعضو من الاعضاء فكلهم اخوانى

برجاء اغلاق الموضوع واعتذر انى كنت ساعتها مرعوب من الانفجارات اللى حصلت بليل وسالت ويا رتنى ما كنت سالت ولا استفسرت

المشاركة الأصلية كتبت بواسطة 3adelnor

يا باشا كفاية حضراتكم بتعرفوا تفكروا حيبقي احنا وانتم
بس رجاء لو سمحتم فكروا بره البلد , لما فكرتوا سنه خربتوها :)

بلاش اسلوب انتوا واحنا. وبلاش تجمع اي معارض لرأي مع اي جماعة وتيار وخلاص.
انا زي منا معارض للسياسة الحالية ايضا معارض لحكم الاخوان. لكن مش معنى كدا اني اسلم وداني وعقلي مع اعلام كلنا عارفين انه مسيس من 60 سنة وعمره ما كان نزيه ولا في الاحلام.
هما بيفجروا بس وقت الحاجة لاقرار قوانين وتشريعات والرغبة في تحريك الجيش خارج البلد وداخلها؟
اما في اوقات الاحتفالات والاعياد بيبطلوا تفجيرات.

المشاركة الأصلية كتبت بواسطة alphacharlie

بلاش اسلوب انتوا واحنا. وبلاش تجمع اي معارض لرأي مع اي جماعة وتيار وخلاص.
انا زي منا معارض للسياسة الحالية ايضا معارض لحكم الاخوان. لكن مش معنى كدا اني اسلم وداني وعقلي مع اعلام كلنا عارفين انه مسيس من 60 سنة وعمره ما كان نزيه ولا في الاحلام.
هما بيفجروا بس وقت الحاجة لاقرار قوانين وتشريعات والرغبة في تحريك الجيش خارج البلد وداخلها؟
اما في اوقات الاحتفالات والاعياد بيبطلوا تفجيرات.

عندك دليل علي كلامك
داعش نفسها قالت انها هي اللي عملتها وبرضوا مصمم تقول ان الجيش اللي عملها قال ايه علشان يمرر قوانين وتشريعات " اصل هو محتاج انه يفجر ويقتل كام واحد علشان يمرر قانون "
بدون دليل يبقي كلامك هري وكلام فاضي وبتفسر اي حادثة تبعا لهواك وبدون موضوعية

لو استخدمنا اسلوب الهري بدون دليل زي اخونا اللي بيقولوا ابحث عن المستفيد تعرف الجاني :)
ابحث عن المستفيد
جماعة الاخوان المسلمين لانها
عايزه تثبت للعالم ان السيسي مش قادر يسيطر والبلد غرقانه في تفجيرات وارهاب
تسقط الجيش والشرطة علشان تنهار مؤسسات الدولة وينطوا علي الحكم تاني
دا مثال علي الهري بدون دليل متيهألي مقنع صح , بس يظل هري وبدون دليل

المشاركة الأصلية كتبت بواسطة mazagangee

الرجالة المفجراتية كانوا واخدين اجازة عشان افتتاح الكنال و مصر بتفرح و بتستيقظ… و رجعوا بقي شادين حيلهم و عايزين يعوضوا الاجازة…

ما شاء الله علي تحليلك العبقري :)
حضرتك ذكي جدا , ممكن سياتك تبقي تنصح الرجالة المفجراتية يغيروا مواعيد اجازتهم ,ويعدلوا التفجيرات علشان تتناسب مع المناسبات الرسمية :)
اصل جدول مواعيد التفجيرات في الوقت الحالي غير منظم ومش عاجب المحلليين السياسيين من امثال الرؤيا والنظرة الثاقبة زي حضرتك :)
انتم ازاي كدا هههههههههههههههههههه

المشاركة الأصلية كتبت بواسطة mr_vampire

للاسف للاسف لان السياسة متعلقة بكلللللللل شيء.

غلو اسعار. ناتجة عن جشع تجار وهو ناتج عن عدم رقامة موسسات دولة. او نقص منتجات وهو تقصير من موسسات الدولة.

بلطجة وعدم امان وحوادث. سياسة لان لما هنتكلم عن حوادث . السؤال البديهي وفين الداخلية المعنية بالامن والامان.

لما نتكلم عن طوابير بنزين او قطع كهربا او فواتير عالية فده كله مربوط بالسياسة لان ده كله نتيجة قرارات موسسات الدولة.

الاستغراب ليس ممكن يربطون كل شيء بالسياسة. الاستغراب هو ممن يستغربون ان كلمة ( سياسة ) تاتي في كل موضوع ليه علاقة بمعيشة وحياة الناس !!!!!

يعني مثلا ازاي حضرتك تكتب موضوع بيتكلم عن فاتورة كهربا عالية وتستغرب من حد يقولك ازاي الحكومة تعلي تعريفة الاستهلاك مع ان الكهربا بتقطع اكتر مابتيجي ( واكيد الحكومة هي اللي بتقرر تقطع الكهربا امتي ).

جرب كده يحصل مشكله فى السباكه عندك و تيجى تكتب موضوع عايز نصيحه يتقالك طول ماللى بيحكمو بيحكمو مش هتتصلح و بعدين تعالى قول اى شىء متعلق بالسياسه و بعدين محنا كلنا عايشين قبل 25 يناير و برضه نفس المواضيع و نفس كل شىء و كنا بناخد نصايح بعض من غير ملازم ندخل المواضيع فى الفلسفه و السياسه الدوليه اختلف مع حضرتك فى النقطه دى شكلا و موضوعا