لخبراء البيكانتو محتاج نصيحة ضرورى جداا

**ROLAND** · 20-08-2015 04:59 AM

أرجوكم محتاج نصيحة ضرورى جدااا ,, انا لازم اسافر مرسى مطروح للمصيف ولظروف معينة اصبحت السيارة الوحيدة المتاحة والموجودة هى كيا بيكانتو 2015 اوتوماتيك وماشية 4000 كيلو يعنى حالتها ممتازة وجديدة بس انا قلقان منها فى السفر مسافة زى دى بسبب حجمها ووزنها وثباتها على الطريق حتى انا مش عارف فيها abs مثلا ولا لأ واعتقد ان مافيهاش المهم ياريت حد من خبراء البيكانتو او احد ملاكها يقولى اسافر بيها وانا مطمن ولا لأ ولو ينفع اسافر بيها تنصحونى بأيه وهايبقى فيها 3 اشخاص كبار و3 اطفال ,, ارجوكم نصيحة بأمانة
ولكم جزيل الشكر

**ahmedsrs** · 20-08-2015 08:18 AM

سافر ياباشا العربية ممتازة والثبات بيزيد كمان لما تكون محملة

**Amr_650** · 20-08-2015 09:48 AM

تسافر من غير مشكلة طبعا .. بس متحرقش عليها اوعى عشان عمرها الافتراضى و حمل عادى .

مفيهاش abs

**mcshareb** · 20-08-2015 12:12 PM

توكل على الله و سافر
بس لازم تاخد بالك من شوية حاجات
اتأكد من ضغط الكاوتش ويستحسن وهو بارد
تانك البنزين حجمه صغير 35 لتر فقط ، فكل ما ينزل للنصف فول التانك
تعامل مع العربيه على قد امكانيتها ، بمعنى لو عايز تجرى اجرى فى خط مستقيم بدون ملفات او غرز
ابعد عن النقر والحفر اللى فى الطريق قدر المستطاع
العربيه كويسه وزى الفل وتسافر معاك عادى جدا ماتقلقش
أنا بسافر بيها عادى جدا من الإسكندريه للقاهره بالأسره بدون مشاكل
ربنا يكفيك شر طريقك و إن شاء الله تروح وترجع بالسلامه

**ROLAND** · 20-08-2015 12:18 PM

المشاركة الأصلية كتبت بواسطة ahmedsrs

سافر ياباشا العربية ممتازة والثبات بيزيد كمان لما تكون محملة

أشكرك يافندم على اهتمامك وردك

**ROLAND** · 20-08-2015 12:23 PM

المشاركة الأصلية كتبت بواسطة Amr_650

تسافر من غير مشكلة طبعا .. بس متحرقش عليها اوعى عشان عمرها الافتراضى و حمل عادى .

مفيهاش abs

والله انا كنت عامل حسابى لو سافرت بيها هايبقى كبيرى 120 وعيب اوى ان مافيش فيها abs

**ROLAND** · 20-08-2015 12:27 PM

المشاركة الأصلية كتبت بواسطة mcshareb

توكل على الله و سافر
بس لازم تاخد بالك من شوية حاجات
اتأكد من ضغط الكاوتش ويستحسن وهو بارد
تانك البنزين حجمه صغير 35 لتر فقط ، فكل ما ينزل للنصف فول التانك
تعامل مع العربيه على قد امكانيتها ، بمعنى لو عايز تجرى اجرى فى خط مستقيم بدون ملفات او غرز
ابعد عن النقر والحفر اللى فى الطريق قدر المستطاع
العربيه كويسه وزى الفل وتسافر معاك عادى جدا ماتقلقش
أنا بسافر بيها عادى جدا من الإسكندريه للقاهره بالأسره بدون مشاكل
ربنا يكفيك شر طريقك و إن شاء الله تروح وترجع بالسلامه

اشكر حضرتك جداا على ردك وكلام حضرتك مظبوط جدااا وتانك البنزين فعلا من الحاجات اللى عامل حسابها رغم انى مش عارف ممكن الاقى بنزين على طريق العلمين ولا بعد ما اخلصه عموما اعتقد ان التانك بيعمل حوالى 350 كيلو قبل ما اللمبة تنور لكن كانت اكتر حاجة تهمنى ثبات العربية وانى ابقى مطمن اسافر بيها مشوار زى ده

**mcshareb** · 20-08-2015 02:53 PM

العفو يا فندم لا شكر على واجب
بخصوص البنزين ممكن حضرتك تفول العربيه من الماستر قبل ما تاخد طريق العلمين ولما توصل لطريق الساحل شوف بنزينه كويسه فول منها تانى وماتسيبش اللمبه لحد ما تنور واعمل حسابك على ان التانك يعمل 250 كم علشان تبقى فى الأمان خصوصا انك هتبقى مشغل التكييف والعربيه فيها عدد وممكن تجرى فبالتالى الاستهلاك هيزيد
وبلاش السفر بالليل علشان الأمان
رحله سعيده بإذن الله