الموضوع: يلا نضحك : محافظ 6 أكتوبر "مخنوق" من المحور !!

ماهي دي المشكلة بقي .. في الزحمة كل واحد بيستغبي و يعمل الناصح اللي في الطريق و يبوظ الدنيا أكتر ماهي بايظة و انا فعلاَ اما بقول أخد الدائري بتشل و انا شايف الناس واقفة في أقصي الحارة الشمال و مستنية تنزل النزلة في أقصي اليمين و بمسافة 2 كيلو عالأقل كدة !

بس خطأ التصميم كبير فعلاَ

تصميم خطاَ + سواقين أغبياء = شلل

لازم تعديل المنطقة دي و فصل الدائري عن المحور لأن هي اللي مبوظة كل حاجة .. بمجرد المرور منها سواء داخل أو خارج من أكتوبر الطريق بيمشي بس بعد ما بتكون خلاص مواعيدك عدت و أعصابك باظت .

شكراَ للمناقشة توت باشا .

المشاركة الأصلية كتبت بواسطة Chicco

قال جبتك يا عبد المعين تعني .... مافيش فايدة ;)

الملك الذهبي توت باشا و العالمي موتو باشا ارائكم دايما بتعجبني .... الحقيقة إن حتى لو العيب الهندسي أتصلح فهلوة السادة المصريين قادرة على خلق مشكلة برضه حتى لو عرض الشارع ألف متر

+99999999999999

المشاركة الأصلية كتبت بواسطة Chicco

قال جبتك يا عبد المعين تعني .... مافيش فايدة ;)

الملك الذهبي توت باشا و العالمي موتو باشا ارائكم دايما بتعجبني .... الحقيقة إن حتى لو العيب الهندسي أتصلح فهلوة السادة المصريين قادرة على خلق مشكلة برضه حتى لو عرض الشارع ألف متر

هى دى الحقيقة المؤلمة ..!!

المشاركة الأصلية كتبت بواسطة Chicco

قال جبتك يا عبد المعين تعني .... مافيش فايدة ;)

الملك الذهبي توت باشا و العالمي موتو باشا ارائكم دايما بتعجبني .... الحقيقة إن حتى لو العيب الهندسي أتصلح فهلوة السادة المصريين قادرة على خلق مشكلة برضه حتى لو عرض الشارع ألف متر

جبت الخلاصة فعلا ... والحل ايه يا اخوانننننا
انا كل ما افكر في مشكلة الأفهام البايظة عند الشعب المصري بيحصلي حالة يأس ..

يا جماعة مينفعش كل مدخل للبلد من طريق سريع يتعمل بنفس عرض الطريق الأصلي

يعني مينفعش أعمل المحور 4 حارات أو تلاتة وأخليه يخش برده على نفس عدد الحارات البلد نفسها متستحملش العدد ده

طبعاً كان ممكن مدخل المحور يتوسع شوية يعني يبقى 3 حارات بدل 2 عشان تكون في حارة أساسي مشغولة بالعربيات إلي نازلة من الدائري وعلى فكرة التعديل الجديد بميدان لبنان يسمح بوجود 3 حارات بدلاً من 2
لاحظوا إن التعديل فيه نزلة يمين ووسط وشمال والتلاتة واسعين كفاية إنهم ياخدوا أكتر من عربية وبالتالي لو أمكن توسيع مدخل المحور عند نقطة إلتقائه بمنزل الدائري ممكن نحل كتير من أزمة الإختناق ده
وبعدين من الملاحظ إن أصلاً المحور بيوسع زيادة عن الطبيعي لحد ما ياخد 5 عربيات و6 كمان تحت كوبري المشاه إلي قبل الدائري وده برده عيب طبعاً
طبعاً توسعة المدخل صعبة
أنا سمعت إن أصلاً كانوا عايزين من الأول يوسعوا المدخل لكن وجود الكنيسة لو تلاحظوها على اليمين بعد منزل الدائري مباشرة منع توسعة المدخل وطبعاً عجزوا إنهم ياخدوا قرار بهدمها لأنهم ممكن يُتهموا بتهم شتى ومشاكل ملهاش حصر وبالتالي يبقى الحال على ما هوا عليه

يا ريت المحافظ يشوف حل أعتقد إنه الدكتور نظيف كان ليه دور في صيانة المحور بسبب مروره المستمر عليه نظراً لظروف سكنه بكوباوند جاردينيا بالشيخ زايد مش عارف ممكن يكون له دور كمان في حل الأزمة ديه وهيقعد المحافظ مستني الباشا ياخد القرار بالحل ولا إيه

الحل الأساسي لمشكلة مصر

هي تعليم الناس القيادة في حارات و بسرعات معتدلة ( مش ناس تسوق على 150 و ناس تانية ماشية 40 !!!! ) و تكون السرعات متساوية و اللي يزيد أو يقل عن حد معين يتم معاقبته زي ما بيحصل في الدول المتقدمة
إنما بقى كباري و أنفاق و مصاريف بالملايين ......... و لا هاتعمل حاجة طالما الناس مش بتسوق صح
غير كدا يبقى أسمه عبث و تضييع فلوس ووقت على الفاضي


لندن و باريس و روما و نيويورك فيهم ضعف عدد العربيات اللي عندنا في القاهرة
و مع ذلك مفيهاش ربع عدد الكباري و الأنفاق الموجودة و شوارعهم أضيق من شوارعنا بكتير بكتير بكتير
و مع ذلك
الدنيا ماشية .........ليه ؟؟؟ ........ علشان فيه نظام و مفيش حد بيعمل ناصح
الكل ماشي في حارته و أول ما الاشارة تفتح
كله بيمشي و هكذا دواليك

هنا بقى الشارع كله يتسد علشان كله عامل فيها نصاح و عايز يعمل شوية شقلباظات علشان هو أنصح واحد في الدنيا و هو اللي جاب الديب من ديله
و الدنيا بتتعقد أكتر و الطريق يقف خالص و تبقى واقفة سواد ومهببة

و على رأي عبد الحليم

طريقك مسدود مسدود مسدود ....... طالما بتسوق في مصر