الموضوع: يلا نضحك : محافظ 6 أكتوبر "مخنوق" من المحور !!

هههههههههه

اما الحكومة نفسها متضايقه و بتبدي استيائها بدون البحث عن حلول

امال مين اللي هيحل المشكلة؟

هم يضحك و هم يبكي

حسبي الله و نعم الوكيل

الله يرحم عبد الحليم حافظ فاكرين أغنية
مخنوق( مشغول) وحياتك مخنوق( مشغول) & ولأخر الأسبوع مخنوق( مشغول)
********
طيب سؤال لسيادة الحافظ الذي أفسد محافظة الجيزة وأفسد كافة شوارعها
* سيادتك كنت مسئول عن الجيزة وحالياً مسئول عن 6 أكتوبر
* والمحور بيربط بين الجيزة و 6 أكتوبر
* ماذا قدمت سيادتك لحل تلك المشكلة & ما هي إقتراحات سيادتك وتصوراتك الشخصية لحل تلك المشكلة
* أسهل الموضوع لسيادتك بطريقة أختار الحل الصحيح :
1- منع كافة السيارات من المرور علي المحور في أوقات تشريف سيادتك
2- تستخدم سيادتك طيارة هليكوبتر وتريحنا
3- ترحل سيادتك وتشوف لك محافظة تانية ولا تقعد في بيتكم أحسن

أقوله يقعد جانب عياله يتونس بيهم ويتونسوا بيه
أخيرا حضرته عرف أن في مشكله فيه !!!!
مكانش بيروح الشغل قبل كده ولا إيه ؟؟
أول مرة يشوف كده ؟؟
ياعيني تلاقيه كان متضايق ومصدوم يا عيني
والله العظيم حاجه عجيبه ههههههههههههههههههههههه

ظريف جدا ... فعلا أثبت انه محافظ كفاءة و بيعرف هموم الناس عن طريق انه ينزل يعمل زيهم ويشوف بيشتكو من إيه ..
يعني المشكلة بقالها قد ايه وسعادته دلوقتي افتكر ان فيه مشكلة لما هوه وقع فيها , لا وكملت بإنه أفتى بأنها مش مشكلة مرورية وأنها مشكلة هندسية , ربنا يخليلنا دماغك يا باشمهندس .

قولوا هو كده
مش عاجبك امشي من شارع الهرم

المشاركة الأصلية كتبت بواسطة Mostafa Taher

عن كونتاكت كارز

محافظ 6 أكتوبر "مخنوق" من المحور

17/11/2008 02:47:17 م





أعرب الدكتور فتحي سعد محافظ السادس من أكتوبر أكتوبر عن استياءه الشديد من الاختناقات المرورية لمحور 26 يوليو .

وأكد سعد أنه مثل كل المواطنين يتعذب يومياً في طريقه إلى مكتبه الكائن في مدينة السادس من أكتوبر ، مشيرا إلى أنه قطع المسافة يوم الأحد في ساعة و45 دقيقة.

وكشف محافظ السادس من أكتوبر عن مشكلة المحور ليست مشكلة مرورية ، موضحا : "المشكلة بسبب اتساع مداخل المحور ثم تضيقه بعد ذلك ولابد من حل هندسي". وذلك وفقا لتصريحاته في صحيفة "المساء" يوم الاثنين.

ويعاني كل سكان محافظة السادس من أكتوبر الذي يرتبطون بمصالح عمل وغيرها في القاهرة والجيزة لاستخدام المحور ما يتسبب في زحام شديد خاصة عند ميدان لبنان.



------------------------------------------------

:wacko::wacko: ههههههههههههههههههههههههه

لما المحافظ اخدها في ساعتين الا ربع ..

طيب الشعب يا جدعان يعمل ايه ..

عرفتوا دلوقتى يا حلوين ان في مشكلة هندسية

ايه العبقرية الفظيعة دى

يا جماعة مفيش عيب هندسي و لا حاجة
فه حاجة أسمها حارات و خطوط لإرشاد السائقين

إنما هنا في مصر

و لا مؤخذة لو لقو خرم أبرة هايمشوا فيه و تلاقي السواقين زانقين نفسهم بين العربيات و علشان كدا العربيات بتحك في بعض
بالاضافة للتأخير

بُصوا في الصورة اللي في توقيعي و أنتوا تعرفوا أن مدى وسع الطريق و ضيقه بعد كدا ملوش دعوة بالزحمة
أهم حاجة هو الألتزام بالحارات

المشكلة بتاعة مصر أساسها عيب المرور مش الهندسة مع الأعتراف ان فيه عيوب هندسية في تصميم بعض الطرق
و لكن لو السواقين هاديين شوية
الدنيا هاتمشي
إنما الكل مستعجل و الكل دايس بنزين و طايح في الطريق و محدش بيلتزم بحارته
و محدش بيبص في مرايته و هو بيتحرك بعربيته يمين و شمال و ماشي يطوح زي السكران على الطريق بالعربية

مشكلتنا يا أخونا مشكلة تطبيق قانون أولا و ثانيا و ثالثا و بعدين مشكلة هندسية
من الاخر مشكلة أخلاق

كفاية توقيع الاستاز توت