الشكمان بيسيح مروحة الشاسيه البلاستيك بتاع مروحة التكييف

**engkareemnabil** · 20-08-2015 12:40 PM

السلام عليكم

معايا فيرنا 1500 ..سافرت بيها مرسى مطروح من القاهرة ...لما وصلت لقيت الردياتير اتخرم...ببص ايه اللي خرمه لقيت الساشيه البلاستيك اللي ماسك مروحة التكييف سايح تماما من الحتة اللي قدام الشكمان..طبعا المروحة سابت من مكانها و قعدت تخبط في الردياتير لحد ما بوظت 7 مواسير ...فاضطريت اغير الردياتير و المروحة عشان و انا راجع ..و و انا راجع فصلت المروحة التكييف اصلا و مشيت على 100...و برضو شاسيه المروحة ساح من ناحية الشكمان.......حد حصلت معاه المشكلة دي قبل كده..او في غطا عازل بيتحط بين الشكمان و المروحة؟؟؟؟؟؟

**elkorany** · 21-08-2015 12:42 AM

متابع

**enghany** · 21-08-2015 04:43 AM

حاجه من اتنين مالهاش تاني
مروحه التكييف بتشتغل علي السرعه التانيه مع فصل و لقط الكباس
يا اما في سخونه في العربيه فالروحه بتشتغل من غير ماتفصل فتسيح او ان نوع المروحه سيء و علشان تضمن هاتها استيراد لان كل اللي في السوق اسعاره من 185 الي 220 هو صين ي و بيقولوا كوري

**جيتزاوي55** · 22-08-2015 08:57 AM

المشاركة الأصلية كتبت بواسطة enghany

حاجه من اتنين مالهاش تاني
مروحه التكييف بتشتغل علي السرعه التانيه مع فصل و لقط الكباس
يا اما في سخونه في العربيه فالروحه بتشتغل من غير ماتفصل فتسيح او ان نوع المروحه سيء و علشان تضمن هاتها استيراد لان كل اللي في السوق اسعاره من 185 الي 220 هو صين ي و بيقولوا كوري

أعتقد علي حسب ما انا فهمت أن العيب مش من المروحة , الا في حالة زي ما حضرتك قلت ـن خامتها رديئة شوية , لكن الأوضح ان فعلا في مشكلة يا في الخامة يا في الشكمان أو حاجة
, وانا متابع برضة :d

**ahmedsrs** · 22-08-2015 09:40 AM

ممكن يكون فى تنفيس من فرن الشكمان نتيجة تلف الجوان او المساميربيسيح المروحة

**engkareemnabil** · 22-08-2015 03:39 PM

السلام عليكم
اولا شكرا على ردكم جميعا

هو انا شوفت امبارح كذا عربية فيرنا..بصيت على المروحة الاصلية..شكلها مختلف عن المروحة اللي اشتريتها ..فعلا اللي اشترتها ب 185 جنيه بالظبط و لما قارنتها باللي شوفتهم فعلا خامتها سيئة جدا....غير ان المروحة الاصلية تفادياً للمشكلة دي في فضهرها حتة صاج كده عشان تمنع مشكلة ان حاجة تسيح نتيجة حرارة الشكمان.....بس في الاخر بصراحة تصميم العربية فاشل جدااااااااااا....ده ال128 مش كده يا جدعان !!!!