الموضوع: استكمالا لمسلسل المصائب ... فاتوره كهربه المحل 526 جنيه

مشكلة فواتير هذه الكهرباء محددة في عدة نقاط
1. عدم مرور كشاف الكهرباء لقراءة العداد
2. اختلاف قراءة العداد مع القراءة المسجلة بالفاتورة
3. تعمد مصلحة الكهرباء كتابة قراءة غير واقعية
4. عدد الكيلوات المستهلكة أكثر من المسجلة بالعداد وده يعتبر سرقة واضحة للعميل
5. عدد الكيلوات المستهلكة أقل من المسجلة بالعداد وحينها قد يطالب العميل في أي شهر بفارق الإستهلاك ولكن بقيمة أعلى بسبب الشريحة العالية التي ستوضع بها

لدينا عداد به فارق أكثر من المسجل بالفاتورة بحوالي 2000 كيلو
ولو تم قراءة العداد بشكل صحيح في أحد الشهور فسوف نكون مطالبين بأكثر من 1000 جنيه
وذلك لأن استهلاكنا أكثر من 450 كيلو في الشهر
ومع ذلك فإن الفاتورة كل شهر وبشكل ثابت لا تسجل إلا 350 كيلو فقط

طبعا ده مش من مصلحتي لأنهم لو طالبوني بالفرق فسوف يكون طبقا لأعلى شريحة بسعر 80 قرش للكيلو تقريبا بدلا من 40 قرش

هناك حل مؤقت بإبلاغ شركة الكهرباء بالإستهلاك الفعلي خلال الشهر الماضي من خلال إحدى تطبيقات الأندرويد في بداية كل شهر
مع إضافة جزء من الفارق على عدة شهور قادمة إن شاء الله حتى لا يتم المحاسبة طبقا لشريحة أعلى

أظن أن النظام يضطر المصريين لأخذ حقوقهم من شركة الكهرباء
سواء من خلال كابل كهرباء من العمومي أو مد طرف من قبل العداد للأجهزة التي تستهلك كهرباء كالسخان والتكييف والدفاية
أو التلاعب في العدادات القديمة لإيقافها أكثر أيام الشهر

التكييف بيشتغل 10 ساعات في اليوم فقط علي 25

تبقي الفاتوره 500 جنيه ازاي ؟؟؟

المشاركة الأصلية كتبت بواسطة seiffoz

يعنى انت ترخيص تجاري، وتكييف المحل 3 حصان وشغال علطول ... وشايف ان 500 ده كتير ؟؟؟ حرام عليك!

مش غريب ما انت دايما بتشتكي ...

عامة اكتب قراية العداد يوم 1 فى الشهر ، ويوم 30 واحسب انت استهلكت كام. وشوف السعر ليك كترخيص تجارى كام.

مشغل تكييف 10 ساعات تلاته حصان وكمان تجاري ومش عجبه الفاتورة وهو نفس الشخص اللي كان بيشتكي من انقطاع الكهربا
لسه في موضوع سابق واحد بيقول البلد واقفه وعنده عربيتين احدث موديل
اعرف واحد في منطقة شعبية سارق وصلة كهربا لتكييفات البيت عنده وليل نهار بيشتم في البلد والحكومة .وغلو الاسعار
تصدق انا بقي عندي عقيدة ان اغلب اللي بيشتكوا من البلد هما اللي خربينها وسارقين خيرها