بحب أروح اتمشى بالليل فى المنيل وبعدين على كوبرى الجيزة وارجع تانى لمكان العربية يعنى بأركن قريب من ماكدونالدز المنيل
او اتمشى من التحرير لغاية فندق كونراد برضو الحتة دى هادية جدا فى التمشية والهواء فيها جميل جدا
بصراحة انا من عشاق النيل جدا جدا
عرض للطباعة
بحب أروح اتمشى بالليل فى المنيل وبعدين على كوبرى الجيزة وارجع تانى لمكان العربية يعنى بأركن قريب من ماكدونالدز المنيل
او اتمشى من التحرير لغاية فندق كونراد برضو الحتة دى هادية جدا فى التمشية والهواء فيها جميل جدا
بصراحة انا من عشاق النيل جدا جدا
انا مختلف شويه لما بكون مخنوق بروح اتمشى فى المقابر والله بجد بستريح نفسيا
لما ابقى مخنوق باركب المترو و انزل مكرم عبيد و ارجع مشي بستريح جدا لما اعمل الحركه دي
انا لما ببقى مخنوق لية حاجة تانية
بقعد لوحدى فى اى مكان
مش بتحرك منة
يعنى لو فى البيت افضل فى البيت وكدة
واقعد ساكت وهادى واسمع فى اغانى حزينى واشرب سجاير
وافضل علطول كدة لغاية ما اتعب وانام
كارفور اللى فى طريق المحور او الصحراوى
مكان بعيد خالص عن القاهره و الناس
هو ايه حكايه كارفور الصحراوى يعنى لمى اكون هناك اعرف ان كل الهناك زهقانين هههههههههههه
the DESERT
!!!
the sound of sands with the moon light and the darkness
with some of aggressive metal music or pinkfloyd
......
is the best way to clean up my mind
انا عن نفسي بروح للميكانيكي
*بالذمة واحد مخنوق وطهقان وزهقان يفكر يسوق كمان في بلادنا
* أنا لما بأكون مخنوق أدخل حجرة الأنترية وأقفل علي نفسي بالمفتاح وأطفي النور وأفتح الشباك (حتي لو كان في الشتاء ) وأبقي مش عاوز أشوف أو أسمع أي حد أو أي حاجة ( نص ساعة علي الأقل )
* بعد ما أهدي نسبياً دش بارد (صيف أو شتاء ) وركعتين لله وبعد كدة تفرج وكل شئ يهون
لو مخنوق اكيد مش هنزل اسوق واخنق نفسي اكتر....
لما بكون مخنوق بسمع ابراهيم الفقي ...الراجل ده بيعملي حالة انتعاش غريبه .او بقراله اي كتاب...وبرده كتاب لا تحزن لعائض القرني من الحجات اللي بتخرجني من الاكتئاب
باصلي الفجر واروح اتفرج علي شروق الشمس في المنتزة الزمالك
غالبا لما اكون متضايقه بنام
النوم بيضيع الوقت والملل
وبحب اوي اشغل قرآن للشيخ مشاري بالذات بحس اني ارتحت وهديت
ولوحالة الخنقة دي مكنتش مأثرة عليا اوي يعني مش تعبانه جسديا او هبطانه بنزل وسط البلد اشتري اي حاجة تعجبني او نفسي فيها
الشوبنج بيغير حالتي المزاجية للافضل
لو زهقان وانا مروح من الجامعة
باطلع الدائري بتاع المنيب واركن وانزل من العربية واقعد اتفرج علي النيل
وطبعا كاسيت العربية شغال علي فيروز
لو طالبة معايا جو روحاني "نصر الدين طوبار"
الاماكن اللي بتريحني جدا جدا جدا
منيل الروضة
المقطم "وده حديثا"
اسكندرييييييييييييييييييي ييييييييييييييييييييييييي ييييييييييييية "المرسي ابو العباس هايل"
اوحضن امي بقي لو العملية مقفلة خالص
تحياتي
بكلم اى حد من صحابى وانزل اعد معاه نكلم او اخده ونروح مقام السيده النفيسه رضى الله عنها او مقام سيدنا الحسين
لو مفيش حد فاضى ممكن انزل اشترى مستلزمات البيت او ليه
لو البيت من محتاج حاجه باعد فى غرفه نومى واعد افكر فى اى حاجه تانيه غير الموضوع الى انا متضايق منه و اكتر مواضيع ممكن تشغلنى هى العربيه بتاعتى او القانون علشان مجال عملى او تضبيط المصاريف بتاعتى فى الشهر
والله اللي قارفني ومزهقني في الدنيا هي السواقة، فمش هفكر اسوق، انما ممكن انزل اتمشى أو اتفرج على فيلم من افلامي المفضلة على الكمبيوتر، بس السواقة ده حرقة دم في جنينة الحيوانات المفتوحة اللي احنا عايشين فيها.
و أى تلج (درجة الحرارة فوق المقطم تقل أكثر من 5 درجات عن القاهرة)
أمضيت جزء كبير من الخدمة العسكرية فوق جبل المقطم و لم أكن أستطيع النوم فى ليل الشتاء بالرغم من لبس كامل ملابسى و الغطاء ببطانيتين و النوم على بطانية ثالثة .
و لكنها كانت ذكريات جميلة مقارنة بباقى أيام الخدمة العسكرية فى صحراء الفيوم .
ملحوظة: الحياة فى المقطم فترة طويلة قد تكون سبب فى إدمان التدخين خاصة للمقيمين فى القاهرة اللذين إعتادوا على جو القاهرة الملوث .و ذلك لتعود الجسم على التلوث .
ههههههههههههه الكشك ده الى قدام محل ابو تريكة !! على العموم بكره المكان ده جداا ..(بصراحة)..
الرسول قال اللى يكون زهقان يزور المقابر ...
ههههههههههههههههه تعليق غريب جداااا :saddam:
الواحد لو نزل وسط البلد وهو مخنوق اكيد هيتخنق اكتر من الزحمه والقرف بتاعها
_____________
انا بقي لما بكون مخنوق ويكون معايا العربية بنزل مصر الجديدة تحديدا ميدان تريومف اشرب بيبسي من الكشك اللى هناك وافتكر شوية ايام كده جميلة وارجع على ميدان صلاح الدين وميدان الجامع واقعد اتمشى هناك ...
لو معييش العربية باخد صاحبي واقعد فى مكان جامد على النيل واشغل ال MP3 وممكن اقعد طول الليل هناك!!!
(عند عم شحتة) :laugh6:
وعلى فكرة انا جربت اسافر اسكندرية مرة وانا مخنوق لاقيت ان المسافة بتاعت الطريق نستنى اللى انا فيه وعقبال ما وصلت كنت ناسي كل حاجة قمت ضارب اكلة جامدة مع ناس هناك ورحت راجع :laugh6::laugh6::laugh6:..
مجرد الجرى بالعربية للدرجة اللى تخليك تركز فى السواقة هينسيك كل حاجة
حاجة كدة عاملة زى اليوجا
بس انت ونصيبك بقى يا تنسى يا لا قدر الله ...
بصراحة انا بنزل الف بالعربية مفيش مكان محدد!!!بس اكتر وقت بيكون فعز الشتاء وعالبحر لان تقريبامن كتر شغلى فالبحر اتعودت على المنظر دة
الصحراوى .. لحد داندى مول خصوصا وقت الغروب..
او طريق الواحات , وقت الشروق كده.
قافل الازاز , مشغل مزيكا هادية ومش شايف قدامى.
بطلع على المقطم عدل :D
لانو المكان الوحيد اللى بحس براحه فيه
اسوق العربيه في اي طريق فاضي
كافية كازينو اللي على الصحراوي ممتع في الهوا الطلق
انا عن نفسي لما بتخنق بعمل حاجة غريبة
بروح اي مطعم واطلب سندوتشات ((وخاصة جمبري بانية ))
محدش يضحك........
وساعات اسافر اسكندرية علشان اقعد على البحر ومجرد لما اقعد بنسى كل حاجة
أول متخنق على الاخر ,أدى أولانى فى تانى هب بقيت فى أون ذا ران البوابات أضرب شوب النيسكافيه وأفول التنك وأستلم طريق اسكندرية ساعة بالضبط أكون معدى البوابة التانية ( لو مكنش أقل من كدة) وأكمل طوالى لحد ملاقى الكورنيش اخر حاجة بتسد الطريق بتاعى أروح راكن ,وأديها مشى على الكورنيش وأقعد أتفرج على البحر لحد مروووووووووووووووووووووق خالص .
وبعدين أرجع أدور على العربية وألاقيها بعيد ويتقطع نفسى وأبدأ رحلة العودة وأنا عمال أقول لنفسى ( ايه اللى انت عملتوه ده ) والطريق فى الرجوع بلاقيه طويل موووت ويدوب عقبال موصل البيت أكون اتخنقت تانى عشان المشوار الغبى ده:k41::k41::k41:
طبعا كل ده كان قبل الجواز انما دلوقتى الحمد لله لما بتخنق باخود شاور وأدخل وأقفل على نفسى شوية وبعدين أخد المدام وننزل نشترى أى حاجة للبيت أو للعربيات.
ما أنا بقولك ده كان أيام الفضى والفراغ وصدقنى احساس جامد لما تفضل ماشى على طول وبليل وفى طريق صحراوى بس لما شيطانك يروح هتحس بقى انك كان لازم تفكر مرة تانية قبل متعمل أى تصرف ملهوش أى لازمة أو معنى.
وبرضو الواحد مينكرش مفعول البحر بالذات لما تقعد فترة عمال تبص على الأمواج والامتداد الانهائى (على مرمى البصر) وعلى صوت الميه اللى بتداعب الشاطىء وبتحس ان كل موجة بتشيل شوية من اللى جواك .
بالرغم انى بحب البحر من برة بس.
انا بقا دماااااااغ لما بكون زهقان بطلع اتمشي في وسط البلد و امشي لغايت عبد المنعم رياض و اعد في الميدان بتاعه جمب النيل و اعد اتفرج علي الاعلانات ألي متعلقه (الشاشات) كل ده بعد 11 باليل و لوحدي طبعا و ساعات بشغل فيروز و بتكون الدماغ عالللليييييههههههه اوي و بالذات اغنيه نسم علينا الهوي:chef::dupe::nopity::k2: