تجربتي مع صابر

**essawii** · 21-08-2015 10:32 PM

من غير ما اطول عليكو..
الموضوع اني كان عندي مشكلة ف العربية انها مرة واحدة بتهدي والأر بي إم بينزل وانا بدوس بنزين ويفضل ينزل مهما دوست ولازم اشيل رجلي وادوس تاني عشان يعلى..وبتنور تشيك انجن وتطفي على طول..
حطها على الجهاز الساعة واحدة ونص الظهر..قالي مش مسجلة اي حاجة قالي دي موبينة غيرها وجرب متحلتش المشكلة..طب طلمبة بنزين..نفس الكلام..فلتر..نفس الكلام إيه جي ار..نفس الكلام..بوجيهات..لحد الساعة ما وصلت 12 بليل..قلتله رجعي حاجة العربية وشكرا..
سلملي العربية مبتدورش وطبه المية مخرومة فضلنت احاول ادورها ساعه ونص وفي الاخر قالي عربيتك فيها كنترول اعملك ايه انا يعني..قلتله ده من امتى الكلام ده قالي من دلوقتي..واخبط انا دماغي في الحيط..
مع ان والله العربية عمرها ما عملتها معايا عمرها ما اخرت مرة واحدة في الدوراة..
بالعافية دورت العربية وحطيت ميه وروحت لاحمد عز في السادس علشان اقرب حد ليا..
لحد دلوقتي غيرلي دفيرة الانجن وطابة المية ب 1000 جنية علشان بس يصلح اللي صابر بيه بوظه بالفتي بتاعه..ولسه بقى هيشوف المشكلة الاصلية..

من الاخر كانت اول واخر مرة اروح فيها لصابر..ونصيحة محدش يهين نفسه ويتعامل مع البني آدم ده..
ده غير الاسعار الغريبة اللي بيقولها والمصنعيات..

**makarther** · 21-08-2015 11:14 PM

طيب ممكن عنوانه علشان ما حدش يروحله

**Abdo Taha** · 22-08-2015 04:28 AM

صابر بتاع رابعة صح ؟ بقى سيء للغاية فعلا و الحاجات اللي فيها ادوات تغذية و حساسات ضايع فيها ده غير ان الدنيا هناك عنده مبهدلة و مفيش اي نظام .. ده محصلتش ورشة ... دي زريبة ... و المصنعية غالية و معاملة غير كويسة من الصنايعية و يلطعك هناك بالساعات ... و قطع غيار مضروبة و بجد مفيش امانة خالص

**medosalah** · 28-08-2015 09:58 PM

صابر من كتر الضغط عليه والزحمه .. ما بقاش يهتم بالزبون .. عامل حسابه ان في كتييييييير غيره

وكمان ما بقاش زي الاول .. الشغل عنده اي كلام

**احمد فهمى** · 30-08-2015 02:54 AM

شئ مؤسف فى بدايته كان اسطوره ومحترم جدآ مش عترف ايه اللي بيتكرر مع الناس ده ليه كل حاجه فمصر عمرها ما تفضل كويسه؟

**Ahmed_safety** · 04-09-2015 12:12 PM

استاذ / عيسوي ياريت تقولنا لقيت حل للمشكلة بتاعة الار بي ام.... طلع ايه السبب وعملت ايه.....ياريت لو المهندس احمد فهمي يفيدنا او المهندس عاشور.........ايه السبب و الحل في المشكلة بتاعة العربية....ولكم الشكر