اقتباس:
المشاركة الأصلية كتبت بواسطة subhimust
يا ريت نصيحة حضرتك لا يكون لها اغراض اخرى عشان متغرقش الرجل بنصايح مش موجه اصلا لمشكلته
ثانيا حضرتك مش مثال انك طالما بتصرف على زوجتك وهي في بيت اهلها يبقى المفروض كله يعمل كده صرفك عليه في بيت اهلها ماذا نتج عنه يعني ؟؟؟؟ هل رجعت هل حست بغلطها المشكلة مستمرة يبقى خلاص متخلهاش نصيحة عامة لانه لم يظهر لها نتيجة طيبة حتى الان
الاصل طالما بتتكلم على الاصول في حالة حضرتك لاما امساك بمعروف او تسريح باحسان هو ده الرجولة مش جلوسها في بيت اهلها و حضرتك تبعت لها المصاريف ودي تكون الرجولة في نظرك الرجولة هو حل المشكلة باي طريقة للرجوع للوضع الطبيعي ان تكون الزوجة في بيت زوجها
حضرتك شايف إن نصيحتي دي مش مناسبة وفيها رسالة موجهة ليه ؟
لو هوجه كلام لوحدة معينة هيبقى كلامي واضح إنه موجه لها ..
عمومًا ردودي في الموضوع دا ممكن يبقالها مردود سلبي مش العكس
وحضرتك جاوبني كدا طالما مستغرب ردي
هل شايف إن المرأة يتم تهديدها وضربها وإهانتها ؟
هل شايف إن الراجل مايصرفش على مراته طالما إنها مش في البيت ؟ وإيه لزمة إبقائها على ذمته ؟
هل شايف إن الزوجة هيتلوي دراعها من عدم الصرف وهترجع للبيت عشان محتاجة حد يصرف عليها ؟
طيب دا كويس يعني إنها راجعة للبيت عشان بس تعرف تصرف ؟ يعني راجعة عشان المصاريف مش عشان زوجها !
وبعدين إيه النتيجة من التصرف اللي حضرتك أشرتله ( المحاضر على الهدوم والدهب ونقطة إبنه ؟!)
كنت عايزها تطلع من البيت وهتقعد في بيت أهلها وتاخد إيه معاها ؟
تسيب حجاتها وتقول لأهلها هاتولي غيار معاكم عشان أبقى بنت أصول
دي من تجربة يا أستاذ subhimust ؟
هل إتحلت مشكلتك ولا تم الطلاق ؟
هل عندك أبناء ولا بتنصح إزاي ؟
أما أنا فمرتاح لطريقتي دي مش هجري أعمل محاضر لأم بنتي عشان هدوم ونقطة ودهب
و طبعًا جايب نتيجة وبتتصل لما ماتكلمش وكل تحركاتها أنا عارفها ولو رحتلها هتيجي معايا
وحضرتك ماتعرفش حجم الضغط اللي أنا صابر عليه
وأنا صابر عليها عشان خاطر بنتي .. لكن لو مش مخلف كنت طلقتها